Read Kalderash Romani Cornilescu Bible 2020 (Romania) Ieremia 27 Bible Online

Ieremia 27 - Kalderash Romani Cornilescu Bible 2020 (Romania) bible

Ieremia 27

¹Koa anglal le raimahko le Ioiachimohko, o šeau le Iosiahko, o thagar le Iudahko, sas phendino karing o Ieremia Iudahko, sas phendino karing o Ieremia andai rig le Raiesti, koakoa divano:

²„Kadea deamangăduma o Rai: „Kăr tukă varesar phanglimata thai varesar xamurea, thai tho tukă le andai koŕ.

³Trade le koa thagar le Edomohko, koa thagar le Moabohko, koa thagar le šavengo le Amonohko, koa thagar le Tirohko thai koa thagar le Sidonohko, pel tradine kai avile ando Ierusalimo koa Zedechia, o thagar le Iudahko.

⁴Thai phen lengă te phenen lengă stăpînengă: „Kadea delduma o Rai le oštirengo, o thagar le Israelohko: „Dikta so te phenen tumară stăpînengă:

⁵„Me kărdem e phuw kadea, le manušen, thai le jiwinen kai sî pe phuw, Mîŕa zorasa la bareasa thai le vastesa Mîŕăsa tinzome, thai dau e phuw kahkă čeaileol Ma.

⁶Akana dau sa kadala čema ando vast Mîŕă robohkă le Nebukandeçarohkă, o thagar le Babilonohko; dau les orta i le jiwine le kîmpohkă kaste aven talaleste.

⁷Sal neamuri avena talaleste, lehkă šavehkă thai le šavehkă lehkă šavehkă, ji kana avela o čiro lehkă čemehko, thai lena la neamuri zuralle thai thagarimata bară.

⁸Ta kana khă poporo or khă thagarimos, či mekăla pesti koŕ tala o xamo le thagarehko le Babilonohko, došavaua le poporos kodoles la sabiasa le bokhalimasa thai la čiumasa, phenel o Rai, ji kana mudaraua les andoa vast lehko.

⁹Anda kodea, te na ašunen tumară prooročen, le drabarnen tumarăn, le sunaimahkă tumarăn, le drabarditoren tumarăn andel čeraia, thai le fermekăturen tumarăn, kai phenen tumengă: „Či avena tala o thagar le Babilonohko!”

¹⁰Kă on prooročin tumengă xoxaimata, kaste aven durearde anda tumaro čem, kaste našaven tume thai te xasaon.

¹¹Ta o poporo kai bandearăla pesti koŕ tala o xamo le thagarehko le Babilonohko, thai sao avelalehkă meklino, mekaua les ande lehko čem, phenel o Rai, kaste kărăl buti thai te bešel ande leste.”

¹²„Phendem orta sa kadala butea le Zedechiahkă, o thagar le Iudahko: „Bandearăn tumari koŕ tala o xamo le thagarehko le Babilonohko, mekăn tume lehkă thai lehkă poporohkă, thai traina.”

¹³Andasoste te merăn, tu thai o poporo tiro, la sabiatar, le bokhalimastar thai la čiumatar, sar mothodea o Rai poa poporo kai či mekăla pe le thagrehkă le Babilonohkă?

¹⁴Na ašunen le divanurendar le prooročengă kai phenen tumengă: „Či avena mekline le thagarehkă le Babilonohkă!” kă on prooročin tumengă xoxaimata;

¹⁵„Či tradem le Me, phenel o Rai, ta prooročin xoxaimata ande Muŕo Anau, kaste našaven tume thai te merăn, tume thai le prooročea kai prooročin tumengă!”

¹⁶Demduma i le rašança thai sa le poporohkă thai phendem lengă: „Kadea delduma o Rai: „Na ašunen le divanurendar tumară prooročendar, kai prooročin tumengă thai phenen: „Dikta kă le butea le Khărăhkă le Raiehkă avena andine iekhatar andoa Babilono!” Kă on prooročin tumengă xoxaimata.

¹⁷Na ašunen le; mekăn tume le thagarehkă le Babilonohkă, thai juwina. Andasoste te arăsăl e četatea kadea khă peradimos?

¹⁸Kana sî on prooročea thai kana sî lença o Divano le Raiehko, te mangăn kata o Rai le oštirengo, kaste le butea kai mai ašile ando Khăr le Raiehko, ando khăr le thagarehko le Iudahko, thai ando Ierusalimo, te na jean ando Babilono.

¹⁹Kă kadea delduma o Rai le oštirengo dičimasa kal tille, kai marea la xarkumati, kal temelii thai ka sa kola butea kai mai ašile ande četatea kadea,

²⁰thai kai nas vazdine le Nebukandeçarostar, o thagar le Babilonohko, kana lea robea andoa Ierusalimoando Babilono le Iekonias, o šeau le Ioiachimohko, o thagar le Iudahko, thai le maibarăn le Iudahkă thai le Ierusalimohkă;

²¹kadea delduma o Rai le oštirengo, o Dell le Israelohko, pal butea kai mai ašile ando Khăr le Raiehko, ando khăr le thagarehko le Iudahko, thai ando Ierusalimo:

²²„On avena nigărde ando Babilono, thai ašena oče ji ando des, kana rodaua le Me, — phenel o Rai — kana vazdaua le pale thai anaua le parpale ando than kadoa.”