Read Kalderash Romani Cornilescu Bible 2020 (Romania) Ieremia 39 Bible Online

Ieremia 39 - Kalderash Romani Cornilescu Bible 2020 (Romania) bible

Ieremia 39

¹O Ierusalimo sas lino. Ando îniato bărš le Zedechiahko, o thagar le Iudahko, ando šon o dešto, avilo o Nebukandençar, o thagar le Babilonohko, sa la oštireasa lehkăreasa angloa Ierusalimo, thai dealesroata;

²ta ando bărši o dešuiekto le Zedešiahko, ando des o îniatole šonehko o štarto, šutine pe ande četatea.

³Atunčeara găline angle sa le šerălebară le thagarehkă le Babilonohkă, thai line o udar kata o maškar. Sas: o Nergal-Šareçer, o Smagar-Nebu, o Sarsechim, o šerobaro le famenengo dregătorengo, o Nergal-Šreçer, o šerobaro le majengo, thai sa le kolaver šerăbară le thagarehkă le Babilonohkă.

⁴O Zedechia, o thagar le Iudahko, thai sa le manuši le mardimahkă, sar dikhline le, našline, thai ankăste reate andai četatea, po drom la bareako le thagarehko, poa udar maškar kola dui zîduri, thai linela po drom le islazohko.

⁵Ta e oastea le Xaldeiendi leape pala lende, thai arăslea le Zedechias andel islazuri le Ierixonohkă.Line les, thai nigărde les koa Nebukandençaro, o thagar le Babilonohko, ande Ribla, ando čem le Xamatohko; o lea khă mothodimos pa leste.

⁶O thagar le Babilonohko thodea te denšuri ande Ribla le šaven le Zedechiahkărăn angle leste, andekhthan sa le mai barănça le Iudahkărănça.

⁷Pala kodea thodea te ankalaven le iakha le Zedechiahkă, thai thodea te phanden les lançurença xarkune, kaste nigrăn les ando Babilono.

⁸Le Xaldeia phabardine iagasa o khăr le thagarehko thai le khăra le poporohkă, thai peradine le zîduri le Ierusalimohkă.

⁹O Nebuzaradan, o šerobaro le străjengo, lea robea ando Babilono kolen andoa poporo kai mai ašilesas ande četatea, kolen kai meklinesas pe lehkă, thai o ašimos le poporohko.

¹⁰Ta o Nebuzaradan, o šerobaro le străjerengo, meklea ando čem le Iudahko pe iekh anda le mai čioŕă andoa poporo, kukolen kai nas le khanči; thai dea le atunčeara răza thai phuwea.

¹¹O Nebukandençar, o thagar le Babilonohko, deasas kakoa dikhlimos dičimasa koa Ieremia, andoa Nebuzaradan, o šerobaro le străjerengo:

¹²„Le les, avel tu sama lestar, thai na kăr lehkă či khă nasul, ta kăr lehkă so mangăla tukă!”

¹³O Nebuzaradan, o šerobaro le străjerengo, o Nebušazban, o šerobaro le famenengo le dregătorengo, o Nergal-Šareçer, o šerobaro le majengo, thai sa le šerălebară le thagarehkă le Babilonohkă,

¹⁴tradine te anen le Ieremias andai bar le bečiesti, thai dine les ando vast le Ghedaliahko, o šeau le Axikamohko, o šeau le Šafanohko, kaste nigrăles khără. Thai ašilo ando maškar le poporohko.

¹⁵O Divano le Raiehko deasasduma kadeadar le Ieremiahkă, kana sas phandado ande bar le bečiesti:

¹⁶„Jea thai deduma le Ebed-Melekosa, o Etiopiano, thai phen lehkă: „Kadea delduma o Rai le oštirengo, o Dell le Israelohko: „Dikta anaua pai četatea kadea le butea, kai vestisardem le ando nasul thai na ando lašimos; ando des kodoa on kărdeona angla te iakha.

¹⁷Ta tut skăpiua tu ando des kodoa, phenel o Rai, thai či avesa dino ando vast le manušengo anda save daras.

¹⁸Skăpiua tu, thai či perăsa tala e sabia, ta e čivava tiri avela teo limos le mardimahko, anda kă sas tu pateamos ande Mande, phenel o Rai.”