Read Kalderash Romani Cornilescu Bible 2020 (Romania) Ieremia 42 Bible Online

Ieremia 42 - Kalderash Romani Cornilescu Bible 2020 (Romania) bible

Ieremia 42

¹Sa le šerălebară la oštireakă, o Iohnan, o šeau le Kareahko, o Iezania, o šeau le Xoseahko, thai soa poporo dă kata o mai çînoro ji koa mai baro, gălineangle,

²thai phendine le proorokohkă le Ieremiahkă: „Avel mišo lini angla tute o rudimos amaro! Rudisao anda amende koa Rai, o Dell tiro, anda sa kola kai mai ašileam, kă samas but, ta ašileam dă sar khă dindimos xançî, sar mišto dikhăs tu te iakhănça.

³Mišto te kamel o Rai, o Dell tiro, te sîkavel amengă o drom kai trăbul te jeas thai te phenel amengă so same kărdimahko!”

⁴O prooroko o Ieremia phendea lengă: „Ašundem! Dikta kă rudiua ma le Raiehkă le Devllehkă tumarăhkă, pala o manglimos tumaro, thai kăraua tumengă prinjeando, bi te garavau vareso, sa so delatumeanglal o Rai!”

⁵Atunčeara on phendine le Ieremiahkă: „O Rai te avel khă dikhlitorii čeačio thai pateamno pa tumende, kana či kărasa sa so mothola tukă o Rai, o Dell tiro, te phenes amengă!

⁶Avela mišto, avela nasul, ame ašunasa o mui le Raiehko, le Devllehko amarăhko, ka sao tradas tu, kaste avas baxtale, ašundindoi le mostar le Raiestar, amară Devllestar!”

⁷Pala deši des, o divano le Raiehko deaduma le Ieremiahkă.

⁸Thai o Ieremia akhardea le Ioxananos, o šeau le Kareahko, sa le šerănlebarăn le oštirengă, kai sas lesa, thai soa poporo, katoa çîkno ji koa mai baro,

⁹thai phendea lengă: „Kadea delduma o Rai, o Dell le Israelohko, ka sao tradean ma, kaste anau Lehkă anglal tumară rudimata:

¹⁰„Te ašena ando čem kadoa, kăraua tume te jeanagle ande leste, thai či mudaraua tume, thouatume thai či çîrdauatume; kă fal Ma nasul le nasulimastar, sao kărdem tumengă les!

¹¹Na daran le thagarestar le Babilonhkărăstar, anda sao sî tumengă dar; na daran lestar, phenel o Rai, kă Me sîm tumença, kaste skăpi tume thai te ankalavau tume anda lehko vast.

¹²Phurdaua lehkă mila tumendar, thai falales nasul tumendar, thai mekăla tume te bešen ande tumaro čem.”

¹³Ta kana či ašunena o mui le Raiehko, le Devllehko tumarăhko, thai kana phenena: „Či kamas te bešas ando čem kadoa,

¹⁴či, ta jeasa ando čem le Ejiptohko, kai či dikhasa či o mardimos, čina či ašunasa o mui la šingako, čina či nigrasa naimos manŕăhko, thai oče bešasa!”

¹⁵atunčea, ašunen o Divano le Raiehko, ašimata le Iudahkă: Kadea delduma o Rai le oštirengo, o Dell le Israelohko: „Kana ortona tumaro mui te jean ando Ejipto, kana jeana te bešen oče anda khă čiro,

¹⁶e sabia saveatar daran arăsăla tume oče, ando čem le Ejiptohko, o bokhalimos savestar sî tumengă dar astardeola tumendar oče ando Ejipto, thai merăna oče.

¹⁷Sa kola kai ortona pehko mui te jean ando Ejipto kaste bešen ăkh čiro oče, merăna la sabiatar, le bokhalimastar or la čiumatar; či iekh či ašela, thai či skăpila le bibaxtalimatăndar, kai anaua le pa lende!”

¹⁸Kă kadea delduma o Rai le oštirengo, o Dell le Israelohko: „Sar šordi'li e xolli thai e arman Mîŕî pal bešlitorea le Ierusalimohkă, kadea šordeola pe e arman Mîŕî pa tumende, te jeana ando Ejipto, avena khă buti xollearimasti, daraimasti armaiati thai prasaimasti, thai či mai dikhăna čiăkhdata o than kadoa!”

¹⁹Ašimata le Iudahkă, o Rai phenel tumengă: „Na jean ando Ejipto!” „Šon mišto sama kă atărdearau tumengă e buti kadea ades.

²⁰Kă athadeon korkoŕo, kana tradean ma koa Rai, o Dell tumaro, phendindoi: „Rudisao anda amende koa Rai, o Dell amaro, kăr amengă prinjeando sa so mothola o Rai, o Dell amaro, thai kărasa!”

²¹Me phendem tumengă ades; ta tume či ašunen o mui le Raiehko, tumară Devllehko, či sa so thodea ma O te phenau tumengă.

²²Anda kodea te jeanen kă merăna sabiatar, bokhalimastar or čiumatar, ando than kai kamen te jean te bešen!”