Read Kalderash Romani Cornilescu Bible 2020 (Romania) Ieremia 45 Bible Online

Ieremia 45 - Kalderash Romani Cornilescu Bible 2020 (Romania) bible

Ieremia 45

¹O divano, kai phendea les o prooroko o Ieremia karing o Baruk, o šeau le Neriiahko, kana ramosardea andekh lill le divanuri kadala, pala le phendimata le Ieremiahkă, ando štarto bărši le Ioiachimohkă, o šeau le Iosiahko, o thagar le Iudahko, bašen kadea:

²„Kadea delduma o Rai, o Dell le Israelohko, pa tute, Baruk:

³„Tu phenes: „Au mandar! Kă o Rai andea tristomos pai dukh Mîŕî; jeantar mîŕă zora roindoi, thai či arakhau xodinimos!”

⁴Phen lehkă: „Kadea delduma o Rai: „Diktakă so vazdem, peravaua; so thodem, çîrdaua, thai dă sar o čem kadoa.

⁵Thai tu phirăs pala butea bară? Na phir pala lende! Kă dikta, anaua bibaxtalimos pa sako manuši, phenel o Rai, ta tukă mekaua sar limos mardimahko ti čivava, ande sal thana kai jeasa”: