Read Kalderash Romani Cornilescu Bible 2020 (Romania) Roimata 1 Bible Online

Roimata 1 - Kalderash Romani Cornilescu Bible 2020 (Romania) bible

Roimata 1

¹Au! Sar bešel meklini akana, e četatea kadea kaditi dă pherdi le poporostar aver data! Ašili sar khă phiwli! Oi, kai aver data sas bari maškar le neamuri, arăsli roaba ades!

²Rovel dukhasa reate, thai thavden lakă iasfa pel buči. Či iekh anda kola kai kamenas la či răzgăina la; sal amal lakă mekline la thai kărdi'le lakă dušmaia.

³O Iuda teleardea dureardo, andoa meklimospaleste thai anda le butimtarimata le phară. Bešel ando maškar le neamurengo, thai či arakhăl xodinimos! Sal našaditorea lehkă arăsle les orta kana sas lehkă o mai baro strandimos.

⁴Le droma le Sionohkă sî tristimasa, kă khonikh či mai jeal kal deslebară, sal udara lehkă sî pustimena, le raša lehkă akharăn pehkă dii; le šeiabarea lehkă sî xolleariko, thai o orta sî pherdo kărtimos.

⁵Lehkă zuralemeklitorea xuten izbîndasa, le dušmaia lehkă sî naismime. Kă o Rai meklealestelal, andoa butimos lehkă bezexăngo; lehkă šave găline ande robia angloa zurallomeklitorii.

⁶Gălitar katai šei le Sionosti sa lako kučimos. Lakă šerălebară arăsline sar varesar busnevăšune kai či arakhăn pehkă thančeareko, thai jean bi zorako angla kukoa kai našavele.

⁷Andel des le bibaxtalimahkă thai lehkî bezexalimasko, o Ierusalimo anel pehkă godi anda sal lašimata kai sas les rig andel des lehkă puraimahkă; kana pelo lehko poporo ando vast le zuralomeklitorehko, khonikh či avilo lehkă ando kandimos, ta le dušmaia dikhănas pe leste thai asanas lehkă peradimastar.

⁸Pharăs bezexardea o Ierusalimo! Anda kodea arăslo khă skîrbako. Sa kola kai kučearănas les čidabadikhănles akana, dikhlindoi lehko nandimos, Thai o orta amboldel pe ande aver rig thai akharăl pehkă dii.

⁹O marimos bešel astardo la podeatar lehka raxameatar, thai či delas pe godi ka pehko nakhlimos. Peradilo pharăs dă sa. Khonikh či răzgăiles. „Dikh muŕo bezexalimos, Raia, kă dikta so barimatahko sî o dušmano!”

¹⁰O zurallomeklitorii tinzosardea o vast ka sa so sas les mai kuči; ta dă sar dikhlea sar, ande lehko Than kukoa o sfînto, šute pe le neamurea savengă Tu mothodeanas lengă te na šon pe ande Teo tidimos!

¹¹Soa poporo lehko rodel manŕo roindoi; dine pehkă butea le kuči po xabe, kaste nikrăn pesti čivava. „Dikh Ta, Raia, thai le sama sode dă prasaime sîm!”

¹²Au! Tume, kai nakhăn paša mande, len sama thai dikhăn kana sî vokh dukh sar e dukh mîŕî, Sar e dukh saveasa maladea ma o Rai ando des astardimahko Lehka xolleako!

¹³Šudea mangă dă opral andel kokala khă iag kai astarăle; tinzosardea mangă khă phal talal pînŕă, thai dea ma parpale. Maladea ma pustimasa thai rînčezîmasa ande sal des!

¹⁴O vast Lehko phangleao xamo mîŕă bikrisăngo, kai bešen akhuwde thai phangle mîŕa koŕatar.Phaglea mîŕî zor. O Rai dea ma ando vast kolengo, savengă našti te bešeau pa lende.

¹⁵O Rai dea ande phuw sa le zurallença anda muŕo maškar; tidea khă oštirea pa mande, kaste mudarăl mîŕă tărnimatas; sar ando teasko ušteadea o Rai la šeialabarea, e šei le Iudasti.

¹⁶Anda kodea rovau, šorăn iasfa mîŕă iakha, kă duri'lo mandar Kukoa kai sas te răzgăil ma, Kukoa kai sas te lulludearăl mîŕî čivava; le šave mîŕă sî linčearde, kă o dušmano izbîndisardeas.

¹⁷O Siono tinzol le vast rudimasa, thai khonikh či răzgăiles. O Rai tradea poa Iakovo anda sal riga dušmaia; O Ierusalimo arăslo prasaimahko ande lengo maškar.

¹⁸O Rai sî čeačio, kă amboldinisailem pa Lehkă mothodimata. Ašunen, sa le popoare, thai dikhăn mîŕî dukh! Le šeialebarea thai le tărnăxarea mîŕă găline ande robia.

¹⁹Akhardem mîŕă amalen, ta athade ma, le raša thai le phură mîŕă mulline ande četatea, rodindoi xamos kaste nikrăn pesti čivava.”

²⁰„Raia, dikh Ta ka muŕo tino. Ande mande tireol, amboldi'lo muŕo illo ande mande, kă sîmas biašundimahko. Avri e sabia meklea ma bi šavengo, ando khăr o merimos.

²¹Ašunde ma roindoi, ta khonikh či răzgăisardea ma. Sal dušmaia mîŕă, kana ašundine mîŕă bibaxtalimatasa, bukurisai le kă Tu andean les; ta anesa, vestisarăsa o des kana i on avena sar mande.

²²An sa lengo nasulimos angla Tute, thai kăr lengă sar kărdean mangă i mangă, anda sa le bikrisa mîŕă! Kă le roimata mîŕă sî but, thai o illo sî mangă nasfalo.”