Read Kalderash Romani Cornilescu Bible 2020 (Romania) Roimata 3 Bible Online

Roimata 3 - Kalderash Romani Cornilescu Bible 2020 (Romania) bible

Roimata 3

¹Me sîm o manuši kai dikhlea o dukhaimos, tala e ŕai Lehka armaiati.

²O nigărdea ma, našadea ma ando tuneriko, thai na ande lumina.

³Dă sar pa mande tinzol thai amoldel o vast, soro des.

⁴Xasardea muŕo mas thai e morčii, thai linčeardea mîŕă kokala.

⁵Kărdea zîdo mîŕa rigatar, thai deamaroata otrvasa thai dukhasa.

⁶Thol ma ando tuneriko, sar kolen le mullen, anda orkana.

⁷Deamaroata khă zîdosa, kaste na mai ankleau; thodea ma andel lançuri ăl phară.

⁸Sa te çîpi thai sa te mangau kandimos, kă O sa či lel muŕo rudimos.

⁹Phandadea muŕo drom barănça čioplimene, thai bandeardea mîŕă droma.

¹⁰Lelmasama sar khă riš thai sar khă leo andekh than garado.

¹¹Ambladea mîŕă droma, thai pala kodea šudi'lo pe mande, thai pustisardea ma.

¹²Tinzosardea Pehko arko, thai thodea ma çîrdimos Pehkă săjeçăngă.

¹³Andel ŕîničea pusadea mangă le săjeçi anda Lesti tolba.

¹⁴Arăslem prasaimahko mîŕă poporohkă, thai soŕo des sîm thodino andel dilea lengă prasaimahkă.

¹⁵Čeailieardea ma kărtimastar, mateardea ma pelinosa.

¹⁶Linčeardea mîŕă dandd baŕănça, gardaea ma ušarăsa.

¹⁷Lea mîŕî pačea, thai či mai prinjeanau o baxtalimos.

¹⁸Thai phendem: „Gălitar mîŕî zor la čivavati, thai manai ma či khă ajukărimos ando Rai.”

¹⁹„De Tu godi koa tino thai o dukhaimos muŕo, koa pelino thai kai otrava!”

²⁰Kana anel pehkă godii muro dii lendar, sî xollearimos ande mande.

²¹Dikta so mai dau godi ande muŕo illo, thai dikta so mai kărăl ma te mai çîrdau ajukărdimos:

²²Le lašimata le Raiehkă nai le isprăvimos, thai le meklimata Lehkă nai le gor,

²³ta neverăn pe ande sako droboitimos.Thai o pateaimos Tiro sî kaditi dă baro!

²⁴„O Rai sî mîŕî rig le mandimasti,” phenel o dii muŕo; anda kodea ajukărau andde Leste.

²⁵O Rai sî lašo kasa ajukărăl ande Leste, le duxosa kai rodel Les.

²⁶Mišto sî te ajukrăs ando ašimos o kandimos le Raiehko.

²⁷Sî mišto andoa manuši te phiravel khă xamo ande pehko tărnimos.

²⁸Te bešel korkoŕo thai te ašelmuto, anda kă o Rai thodea lehkă les pe koŕ;

²⁹te pherăl pehko mui phuweasa, thai te na xasarăl pehko ajukărdimos;

³⁰te del e buka kolehkă kai malavel les, thai te čeaileol prasaimatăndar.

³¹Kă o Rai či šudel anda orkana.

³²Ta, kana xollearăl varekas, ambokldel Pe pale leste, pala o meklimos Lehko o baro:

³³kă O či kăsnil čeailimasa, čina či xolearăll bukurimasa le šaven le manušengărăn.

³⁴Kana ušteaven pe andel pînŕă sal astarde le mardimahkă khă čemehkă,

³⁵kana ušteavel pe o čeačimos o manušno angla Kukoa But Baro,

³⁶kana sî bičeačeardino khă manuši andai doši lesti, či dikhăl o Rai?

³⁷Kon phendea thai kărdi'lo vareso bi le mothodimahko le Raiehko?

³⁸Či anklel andoa mui Kolehko But Baro o nasul thai o mištimos?

³⁹Sostar te rovel o manuši sode trail? Orsao te rovel mai mišto anda pehkă bezexa!

⁴⁰Te las sama ka amară phirimata, te rodas le, thai te amboldas ame koa Rai.

⁴¹Te vazdas i amară ille le vastença karing o Rai andoa čerii, phendindoi:

⁴²„Bezexardeam, samas bimekline, thai či iertisardean ame!”

⁴³Ande Teo xollearimos, Tu garadilean, thai phirdean pala amende, mudardean bi millako.

⁴⁴Văluisailean ande khă noro, kaste na arăsăl ji Tute amaro rudimos.

⁴⁵Kărdean ame prasaimahkă thai asaimahkă maškar le popoară.

⁴⁶Sa le dušmaia amară pîtrăn o mui pa amende.

⁴⁷Le daraimastar thai la groapatar sas ame rig, prăpădostar thai pustiimastar.

⁴⁸Širuri paiengă thawden anda mîŕă iakha andai buti le mudarimastki la šeako mîŕă poporohko.

⁴⁹Bilal mîŕî iakh andel iasfa, biatărdimahko thai bi bešlimahko,

⁵⁰jikana o Rai lela sama andoa čerii thai dikhăla.

⁵¹Dukhal ma e iakh roimastar anda sal šeia mîŕa četateakă.

⁵²Kola kai čidabadikhăn ma bi došako, našade nma sar kha čiriklea.

⁵³Kamenas te xasarăn mîŕî čivava ande khă groapa, thai šudine baŕănça ande mande.

⁵⁴Aviline le paia pa muŕo šero thai phenauas: „Sîm xasardo!”

⁵⁵Ta akhardem o Anau Tiro, Raia, andoa fundo la groapako.

⁵⁶Tu ašundean muŕo mui: „Na phandau Teo kan kal roimata thai le çîpimata mîŕă.”

⁵⁷Ando des kana akahardem Tu, pašilean Tu, thai phendean: „Na dara!”

⁵⁸Raia, Tu lean e doši mîŕă duxosti, potindean mîŕî čivava!

⁵⁹Raia, dikhlean o meklimos muŕo: kăr mangă čeačimos.

⁶⁰Dikhlean sa lengă amboldimata, sa lengă kărdimata pa mande,

⁶¹Raia, ašundean lengă prasaimata, sa lengă kărdimata pa mande,

⁶²le divanuri mîŕă dušmaiengă, thai le planurea kai astarănas le ande sako des pa mande.

⁶³Dikh Ta kana bešen on tele or kana ušten. Me sîm lengo dilabaimos le prasaimahko.

⁶⁴Potin le, Raia, palal kărdimata lengă vastengă!

⁶⁵Baŕar lengo illo, thai šude lengă Ti arman pa lende!

⁶⁶Phir pala lende, ande Ti xolli, thai khos le talal čeruri, Raia!”