Read Kalderash Romani Cornilescu Bible 2020 (Romania) Roimata 4 Bible Online

Roimata 4 - Kalderash Romani Cornilescu Bible 2020 (Romania) bible

Roimata 4

¹Au! sar kali'lo o sumnakai, thai sar parugli'lo o sumnakai o ujo! Sar phaŕadile ăl baŕ le sfîntone Thanehkă kata sal kolçuri le dromengă!

²Sar sî dikhline akana le šave le Sionohkă, kola le alosarde thai kučearde sar o sumnakai o ujo averdata, sar sî dikhline akana, au! Sar varesar vasuri phuweakă, thai sar khă buti kărdi le vastendar le phuwearăhko!

³Orta i le šakalea bandearăn pesti čiuči, thai den te pen lengă puien; ta e šei mîŕă poporosti arăsli bi millako, sar le struçuri andoa pustio.

⁴E šib le çîrditorestilačiučeako astardeol lehkă le taloiestar, šuti trušatar; le šaoŕă mangăn manŕo, ta khonikh či del lengă les.

⁵Kola kai pravardeonas xabenença laše, zalin pel droma. Kola kai sas barearde ando phanŕuimos bukurin pe akana kha gomilatar gunoiehkăreatar!

⁶Kă e doši la šeati mîŕă poporosti sî mai bari dă sar e bezex la Sodomati, kai sas xasardi andekh leaka, bi te thodino varekon o vast pe late.

⁷Lakă voievodurea sas mai străfeaimahkă sar o iw, mai parne sar o thud; lengo stato sas mai lollo sar e merjeala; o mui sas lengă sar o safiro.

⁸Ta akana lengo ameazaimos sî mai kallo sar o thuweardimos; kadea kă či mai sî prinjeande pel droma, lendi morčii sî astardi pel kokala, šuti sar o kašt.

⁹Kola kai merăn sabiatar sî mai baxtale sar kola kai merăn bokhatar, kai perăn strandime zorăndar, andai e lipsa le roadendi le kîmposti!

¹⁰Le juwlea, sa lenga milasa, părisarăn pehkă šaven, kai kanden le sar xamos, ando maškar le mudardimahko la šeako mîŕă poporohko.

¹¹O Rai thavdeardea pesti arman, šordea Pesti xolli e astardi; astardea ando Siono khă iag, kai phabarăl lehkă temelii.

¹²Le thagar la phuweakă nahkă patean, thai či iekh andal bešlitorea la lumeakă nahkă pateaino kă o dušmano, kai delalesroata, sî te šol pe pel udara le Ierusalimohkă.

¹³Dikta e roada le bezexăndi lehkă prooročitorengă, le bikrisango lehkă rašango, kai šordine ande lehko maškar o rat kolengo bibezexalengo!

¹⁴Xasardeonas sar le koŕă pel droma, makhle ratestar, kadea kă khonikh naštilas te azbadeol lengă çoalendar.

¹⁵„Dureon ta, marimenena!” delas pe lengă mui, „rigate, rigate, na azbadeon amendar!” Kana našenas karing orde thai karing întea, maškar le neamurea, phenelas pe: „Te na mai bešen koče!”

¹⁶Ande xolli Lesti o Rai phaŕadea le thai či mai ortol Pehkă dikhlimata karing lende! O dušmano či mai rodea koa mui le rašango, čina či sas les mila kolendar le phurăndar.

¹⁷Thai oče atărdeonas amară iakha thai ajukrasas dă iweantaină kandimos! Le dikhlimata ortonas pe amengă ajukărimasa karing khă neamo, kai varesar či skăpisardeame.

¹⁸Arakhănas amară pašea, kaste lopînzîn ame te jeas pe amară droma; pašolas amaro gor, pherdilesas amară des…E, avileasas amaro gor!

¹⁹Le našaitorea amară sas mai iekhatar sar le vulturea le čerehkă. Našadeame pel baŕlebară, thai pîndisarde me ando pustio.

²⁰O phurdimos amara čivavako, o makhlo le Raiehko, sas astardo ande lengă groape, o, pa sao phenasa: „Traisarasa tala lesti ušal maškar le neamurea.”

²¹„Bukurisao thai xuti bukurimastar, šei le Edomosti, kai bešes ando čem o Uç! Ta i tute nakhăla o tahtai, i tu mateosa, thai nandearăsa tu!

²²Šei le Sionosti, e bikris sî tukă isprăvime: O či mai tradela tu ando robimos. Ta tukă, šei le Edomosti, došarăla ti bikris; Thai dela tukă po mui le bezexa.”