Read Kalderash Romani Cornilescu Bible 2020 (Romania) Roimata 5 Bible Online

Roimata 5 - Kalderash Romani Cornilescu Bible 2020 (Romania) bible

Roimata 5

¹„An Tukă godi, Raia, sostar kărdilea pe amengă! Dikh Ta thi dikh amaro prasaimos!

²O mandimos amaro nakhlo ka varesar străinea, le khăra amară ka kola anda aver čema!

³Ašileam bidaddengo, bi daddehko; le deia amară sî sar varesar phiwlea.

⁴O pai amaro peas les pe lovende, thai le kašt amară trăbul te potinas le.

⁵Le našaitorea amară phirăn pala amende orkana, thai kana ašadiuas, či den ame xodinimos.

⁶Tinzosardeam o vast karing o Ejipto, karing e Asiria, kaste čeailiuas manŕăstar.

⁷Amară dadda, kai bezexarde, manai, ta ame phiravas lengă bezexa.

⁸Le robea stăpînin ame, thai khonikh či ankalavel ame anda lengă vast.

⁹Rodas amaro manŕo le daraimasa amara čivavasa, kă daravel ame e sabia ando pustiimos.

¹⁰Phabol amari morčii sar khă bou, andoa šill la bokhako.

¹¹Asaie pehkă le juwleandar ando Siono, le šeianlebarean andel četăçi le Iudahkă.

¹²Le mai bară amară sas amblade lengă vastendar; le phurăn či dea le či khă pativ.

¹³Le tărne sas thodine te măčinin, thai le šaoŕă perănas tala le pharimata le kaštehkă.

¹⁴Le phură či mai jean koa udar, thai le tărne atărdi'le te mai dilaban.

¹⁵Gălotar o bukurimos anda amară ille, thai o roimos lea o than amară khălimatăngo.

¹⁶Peli e kununa pa amaro šero! Au amendar, kă bezexardeam!

¹⁷Te dukhala ame o illo, kana kalile amară iakha,

¹⁸sî anda e buti kă o baŕobaro le Sionohko sî pustiime, anda e buti kă phirăn le šakalea anda leste.

¹⁹Ta Tu, Raia, thagaris ando veako; O skamin Tiro le raimahko rail neamo anda neamoste!

²⁰Andasoste te bîstrăs ame ando veako, thai te mekăs ame anda but čiro?

²¹Amboldear ame Tute, Raia, thai amoldasa ame! De ame pale le des kola dă dămult!

²²Te šudino ame Tu dă sa Kadea, Thai Te xolleailino Tu pe amende poa nakhlimos dă but?