Read Kalderash Romani Cornilescu Bible 2020 (Romania) Ezechiel 10 Bible Online

Ezechiel 10 - Kalderash Romani Cornilescu Bible 2020 (Romania) bible

Ezechiel 10

¹Dikhlem, thai dikta kă po čerii kai sas opral le šerăhko le xeruvimengo sas vareso sar khă baŕ safirohko; opral pa lende dičiolas vareso kai amealas khă skaminestar raimahkărăstar.

²Thai o Rai phendea le manušehkă kodolehkă xureado andel çoale le inohkă: „Spide tu maškar le roate tala le xeruvimea, pher te vast angarănça astarde kai sî maškar le xeruvimea, thai phaŕavle pai četatea!” Thai o šutea pe maškar le roate tala mîŕă iakha.

³Le xeruvimea bešenas ande rig e čeači le khărăsti, kana spidea pe o manuši kodoa maškar le roate, thai o noro pherdea e bar dă andral.

⁴Atunčeara e slava le Raiesti vazdea pe pal xeruvimea, thai ortosai'li karing o prago le khărăhko, kadea ta o Templo pherdi'lo norostar, thai e bar pherdi'li le străfeaimahko la salavako le Raiesti.

⁵O fîlfîimos le phakăngo le xeruvimiengo ašundi'lo ji ande bar dă avreal, sar o mui le Devllehko Kolehko Asazurallehko, kana delduma.

⁶Kana mothodea kadea le manušehkă kodolehkă xureado ande raxami le inosti te lel iag maškar le roate, maškar le xeruvimea, o manuši kadoa gălo thai thodea pe paša le roate.

⁷Atunči khă xeruvimo tonzosardea o vast maškar le xeruvimea karing e iag kai sas maškar le xeruvimea; lea iag, thai thodea la andel vast le manušehkă kodolehkă xureado ande raxami le inosti. Thai o manuši kadoa lea la, thai ankăsto avri.

⁸Kal xeruvimea dičiolas vareso sar khă vast manušehko talal phaka lengă.

⁹Lem sama, thai dikta kă pašal xeruvimea sas štar roçi; khă roata paša khă xeruvimo thai khă roata paša o kolaver xeruvimo; ta le roate kadala străfeanas sar khă bar xrisolitohko.

¹⁰Pala o ameaimos, sa kola štar roate sas le sa kodoa tipo; skogodi roata falas kă sî ando maškar la kolavrea roatako.

¹¹Kana telerănas, telearănas le kole štară rigăngă lengă, thai či mai denasperoata ando telearimos, ta telearănas karing telearălas o šero, bi te mai denperoata ando telerimos lengo.

¹²Soa stato le xeruvimengo, lengă zăia, lengă vast thai lengă phaka, sas pherde iakha, sar i kukola štar roate dărigatar.

¹³Ašundem mîŕă kanença kă le roate sas akharde: „Roate învîrtimahkă.”

¹⁴Sakogodi sas les štar tipuri: o mui kolehko dăanglal sas khă mui xeruvimohko, o mui le duitohko sas khă mui manušehko, le trintohko sas khă mui leohko, thai kolehkă le štartohko sas khă mui vulturohko.

¹⁵Thai le xeruvimea vazdinisai'le. Sas le juwindimata le juwinde kai dikhlemas le paša o nanilaši o Chebar.

¹⁶Kana phirănas le xeruvimea, phirănas i le roate lença, thai kana tinzonas le xeruvimea pehkă phakakaste vazden pe katai phuw, či le roate či dureonas lendar.

¹⁷Kana atărdeonas on, atărdeonas i on, thai kana vazdenas pe on, vazdenas pe i on lença, kă o duxo le juwindimatăngo le juwindengo sas ande lende.

¹⁸E slava le Raiesti teleardea andoa prago le Templohko, thai bešli pel xeruvimea.

¹⁹Le xeruvimea tinzosarde pehkă phaka, thai vazdinisai'le pai phuw talal iakha mîŕă; kana telearde on, telearde i le roate lença. Atărdi'le koa šutimos le udarăhko le Khărăhko le Raiehko karing o lulludearimos; thai slava le Devllesti le Israelohkărăsti sas opral pa lende.

²⁰Sas le juwindimata le juwinde, kai dikhlemas le tala o Dell le Israelohko paša o nanilaši o Chebar, thai šutem sama kă sas le xeruvimea.

²¹Sakogodi sas les po štar muia, sakogodi sas les po štar phaka, thai tala lengă phaka sas vareso sar khă vast manušehko.

²²Ta le muia lengă sas sar kola kai dikhlemas le paša o nanilaši o Chebar, sa kodole ameazaimasa: sas sa on. Sakogodi jealas orta angle.