Read Kalderash Romani Cornilescu Bible 2020 (Romania) Ezechiel 15 Bible Online

Ezechiel 15 - Kalderash Romani Cornilescu Bible 2020 (Romania) bible

Ezechiel 15

¹O Divano le Raiehko dea mangă duma kadea:

²Šeau le manušehko, so sî le kaštes la răzakărăs mai but dă orsao aver kašt, le ŕaia la răzakă mai but dă sar le kolaver kašt andoa văši?

³Lel varekon andoa kašt kadoa, kaste kărăl vokh buti? Kărăl varekon anda leste vokh kîrlo thodimahko varesosa ande leste?

⁴Dikta kă sî thodino pe iag te phabol; pala so phabarăles e iag kola dui šeră thai o maškar, mai daštil o te avel lašo varesoste?

⁵Dikta, kana sas întrego, našti kărdeolas khanči anda leste, sodesa mai xançî akana, kana phabardea les e iag, mai dašti kărdeol pe vokh buti anda leste?

⁶Anda kodea kadea delduma o Rai, o Dell: „Sar o kašt la răzako andal kašt le văšehkă, kai thoau les pe iag te phabol, kadea daua i le bešlitoren le Ierusalimohkărăn.

⁷Amboldaua Muŕo Mui pa lende; ankăste andai iag, ta e iag phabarăla le dă sa. Thai jeanena kă Me sîm o Rai, kana amboldaua Muŕo Mui pa lende.

⁸Paruvaua o čem andekh pustimos, anda kă sas bipateamne, phenel o Rai o Dell.”