Read Kalderash Romani Cornilescu Bible 2020 (Romania) Ezechiel 18 Bible Online

Ezechiel 18 - Kalderash Romani Cornilescu Bible 2020 (Romania) bible

Ezechiel 18

¹O Divano le Raiehko deamangăduma kadea:

²Anda soste phenen tume o phendimos kadoa ando čem le Israelohko: „Le dadda xale drakha bipako, thai le šaoŕăngă derîsaile lengă dandd?”

³„Pe čivava Mîŕî, phenel o Rai, o Dell, kă či mai avela tume than rigako te phenen o phendimos kadoa ando Israelo.

⁴Dikta kă sa le duxurea sî Mîŕă. Pala sar o duxo le šavehko sî Muŕo, sa kadea i o duxo le daddehko sî Muŕo. O duxo kai bezexarăl, kodoa merălla.

⁵O manuši kai sî čeačio, kai kărăl kris thai čeačimos,

⁶kai či xal pel baŕlebară mas jerttfime le idolengă, thai či vazdel le iakha karing le idolea le khărăhkă le Israelohkă, kai či asal pehkă la romneatar lehkă pašesti, thai či pašol pehka romneatar ando čiro lakă biujarimahko,

⁷kai či mekăltelel khanikas, kai del parpale le e sumadi le unjilitoresti, kai či čiorăl khanči, kai del anda pehko manŕo koles le bokhales thai văluil kha raxameasa koles le nangăs,

⁸kai či del unjile butimasa thai či lel kamăta, kai durearăl pehko vast kata e bikris thai krisînil pala čeačimaste maškar khă manuši thai aver,

⁹kai jeal paklal krisa Mîŕă thai arakhăl le mothodimata Mîŕă, kărdindoi buti pateaimasa, — o manuši kodoa sî čeačio, thai juwila biathaimahko, phenel o Rai, o Dell.”

¹⁰„Kana o manuši kadoa sî les khă šeau iekhatar kai xolli, kai šorăl rat, or sao kărăl vareso ande buti kadea;

¹¹kana kadoa šeau či lel pe ande khančeste pala o phirimos lehkă daddehko le bibezexalehko, ta xal pel baŕlebară, delpolajau la romnea pehkă pašestkărea,

¹²mekăltelalzorasa koles le bibaxtales thai koles kai nai les, čiorăl, či del parpale e sumadi, vazdel le iakha karing le idolea thai kărăl prikăjimata,

¹³delunjile butimasa thai lel kamăta, daštila te juwil kadea khă šeau? Či traila; kărdeas sa kadala prikăjimata, anda kodea trăbul te merăl. O rat lehko te perăl pa lehko šero!

¹⁴Ta kana khă manuši sî les khă šeau, kai dikhăl sa le bezexa pehkă daddehkă, dikhăle, ta či kărăl sa kadea;

¹⁵kana o šeau kodoa či xal pel baŕlebară thai či vazdel le iakha karing le idolea le khărăhkă le Israerlohkă, či delpolajau la romnea pehkă pašehkărea,

¹⁶či mekăltelalzoerasa khanikas, či lel khanči sumadi, či čiorăl, ta del anda pehko manŕo koles le bokhales thai garavel kha raxamesa koles le nangăs,

¹⁷durearăl pesti xolli katai bikris, či lel či butimos či kamăta, arakhăl le mothodimarta Mîŕă thai phirăl palal krisa Mîŕă, kodoa či merălla andi bikris pehkă daddesti, ta traila biathadimahko.

¹⁸Ta lehko dadd, kai sas meklinozurallimasa, kai čiordea kata aver, kărdea ando maškar lehkă poporohko so nas mišto, o merălla anda lesti bikris!”

¹⁹„Ta tume phenen: „Andasoste či phiravel o šeau o došalimos andai bikris pehkă daddesti?” Andakă o šeau kărdea buti pala o bibezexalimos thai čeačimasa, arakhlea thai pherdea sa Mîŕă krisa; o traila biathadimahko!

²⁰O duxo kai bezexarăl, kodoa merălla. O šeau či phiravela e bikris pehkă daddesti, thai o dadd či phiravela e bikris pehkă šavesti! O bibezexalimos kolehko le bibezexalesti avela pa leste, thai o nasulimos kolehko le jungalehko avela pa leste.

²¹Ta kana kukoa o nasulimahko amboldel pe kata sa le bezexa kai kărdea le, thai arakhăl sa Mîŕă krisa thai kărăl so sî čeačio thai čeailo, traila biathadimahko, či merălla.

²²Sa le bikrisa kai kărdea le, bîstărdeona lehkă! O traila, andai buti le bibezexalimasti ande sao traisardea.

²³Kamau Me o merimos le bezexalehko? Phenel o Rai, o Dell. Či kamau Me mai iekhatar ta o te amboldel pe pa pehkă droma thai te traill?

²⁴Ta kana kukoa o bibezexalo dureol kata o bibezexalimos pehko thai kărăl e bikris, kana lel pe pala sal prikăjimata kolehkă le nasulimatahkă, daštila te trail o? Či, ta sa lehko bibezexalimos avela dino bîstărdimahko, anda kă dea pe kai bikris thai kai bezex; andakodea merălla ande lende.

²⁵Tume phenen: „O drom le Raiehko nai čeačio!” Ta ašunen, khăr le Israelohko! Nai o drom Muŕo čeačio? Ta na mai iekhatar le droma tumară nai orta?

²⁶Kana kukoa o bibezexalo dureol kata pehko bibezexalimos thai kărăl e bikris, thai merăll anda kadea, merăll andai buti lehka bikrisako kai kărdeala.

²⁷Ta kana kukoa o nasul amboldel pe kata pehko nasulimos thai kărăl so sî lašo thai čeačio, garavela pehko duxo juvindo.

²⁸Anda kă pîtărăl pehkă iakha thai dureol kata sal bikrisa kai kărdea le, traila thai či merălla.”

²⁹O khăr le Israelohko phenel: „O drom le Raiehko nai čeačio.” Ta o drom Muŕo nai čeačio, khăr le Israelohko? Ta na mai iekhatar le droma tumară nai orta?

³⁰Anda kodea krisîniua tume sakoiekhăs palal droma lehkă, khăr le Israelohko, phenel o Rai, o Dell. Ambolden tume thai dureon kata sal bikrisa tumară, andakaste na nigrăl tume e bikris koa xasarimos.

³¹Šuden tumendar sal bikrisa, anda save bezexardean, kărăn tumengă lino khă illo nevo thai khă duxo nevo. Andasoste kamen te merăn, khăr le Israelohko?

³²Kă Me či kamau o merimos kolehko kai merăll, phenel o Rai o Dell. Ta ambolden tume koa Dell thai traina.”