Read Kalderash Romani Cornilescu Bible 2020 (Romania) Ezechiel 19 Bible Online

Ezechiel 19 - Kalderash Romani Cornilescu Bible 2020 (Romania) bible

Ezechiel 19

¹„Ta tu, kăr khă roimos poa raimos le Israelohko,

²thai phen: „So sas ti dei? Khă leoaika. Bešelas suti le leiença, thai barearălas pehkă puien ando maškar le puiengo le leiengo.

³Bareardea iekhăs anda lakă pui, kai kărdi'lo khă leuço, sîtilo te phaŕavel o limos; thai xalea manuši.

⁴Le neamuri kărdine khă astardimos pa leste, thai sas astardo ande lendi groapa; thodine lehkă khă bečiugo andel uri thai nigărde les ando čem le Ejiptohko.

⁵E leoaika, kana dikhlea kă dă ivea ajukrăles, thai kă athadi'li ando ajukărimos lako, lea aver puio, thai kărdea les leuço.

⁶O phirdea le leiença, kărdi'lo leuço, sîtilo te phaŕavel o limos, thai xalea manuši.

⁷Šutea pe ande lengă avlina, thai xasardea lengă četăçi; kadea kă o čem, ku sa so sas ande leste, darai'lo le xunxuimastar lehkă çîpimatăndar.

⁸Ta pa leste širosai'le ăl neamuri anda sal phuwea dă rigatar. Tinzosarde lehkă phalea, thai sas astardino ande lendi groapa.

⁹Thodine lehkă khă belčiugo andel uri, thodine les ande khă kuška, thai nigărde les koa thagar le Babilonohko, pala kodea nigărde les ande khă četăçuia, kaste na mai ašundeol lehko mui pel baŕlebară le Israelohkă.”

¹⁰„Ti dei, sar i tute, sas khă răz thodini pašal paia. Sas rodosti thai pherdi ŕaioŕa, andai buti le bravalimasti le paiengo.

¹¹Le ŕaia lakă sas kadea dă zuralea ta dašti kărănas pe anda lende rowlea tradimatorengă; ande lako učimos nakhavelas sa le ŕaia le pheerdimahkă, thai çîrdelas sal dikhlimata karing late pehkă učimasa, thai andoa butimos lako ŕaioŕango.

¹²Ta sas çîrdini xolleasa thai šudini kai phuw; e bravall le lulludearimasti šuteardea lako rodo; le ŕaioŕa lakă kola le zuralea sas phagline, šuti'le, thai xaleale e iag.

¹³Thai akana sî thodini ando pustiimos, andekh phuw šuti thai bi paiehko.

¹⁴Anda lakă ŕaioŕa ankăsti iag, thai xalea lako rodo; kadea kă manaila ŕaia zuralea, laše anda khă rowli traditoresti. Kadea sî khă dilabaimos roimahko thai kandela orta khă dili roimasti.”