Read Kalderash Romani Cornilescu Bible 2020 (Romania) Ezechiel 25 Bible Online

Ezechiel 25 - Kalderash Romani Cornilescu Bible 2020 (Romania) bible

Ezechiel 25

¹O Divano le Raiehko deamangăduma kadea:

²„Šeau le manušehko, ambolde teo mui karing le šave le Amonohkă, thai prooročisar pa lende!

³Phen le šavengă le Amonohkă: „Ašunen o Divano le Raiehko, le Devllehko! Kadea delduma o Rai, o Dell: „Andakă phendean: „Ha! Ha!” le sîntohkă Mîŕă Thanehkă, kana sas marisardo, le čemehkă le Israelohkă, kana sas pustiime, thai le khărăhkă le Iudahkă, kana jealas ande robia,

⁴anda kodea, dikta, dau tu ando stăpînimos le šeavengă Kataranklelokham; on tinzona pehkă staule ande teo maškar thai kărăna pehkă bešlimata ande tute, xana te roade, thai pena teo thud.

⁵Kăraua andai Raba khă than kămilengo, thai andoa čem le šeavengă le Amonohkă khă stîna bakreandi, kaste jeanen kă Me sîm o Rai!

⁶Kă kadea delduma o Rai, o Dell: „Anda kă mardean andal vast, thai dean andoa punŕo, anda kă bukurisailean ando tipo prasaimahko thai andoa andraimos le diiehko le čemestar le Israelohkărăstar,

⁷anda kodea, dikta kă tinzo o vast pa tute, thai dau tu limos le neamurengă; khosau tu andoa maškar le popoarăngo, thai ankalavau tu andoa dindimos le čemengo, thai xasarau tu. Thai jeanesa kă Me sîm o Rai!”

⁸„Kadea delduma o Rai, o Dell: „Andakă o Moabo thai o Seiro phendine: „Dikta, o khăr le Iudahko arăslo sar sa le neamuri!”

⁹Anda kodea, pîtrau e phuw le Moabosti karing le četăçi, karing le četăçi lehkă karing le phuwea, kai sî o kučimos le čemehko thai sar: o Bet-Iešimoto, o Baal-Meono thai o Chiriataimo,

¹⁰pîtrau les thai dau les ando stăpînimos le šeavengo Katarankleokham andekhthan le čemesa le Amoniçăngo, kaste na mai aven pomenime maškar le neamurea le šave le Amonohkă.

¹¹Pheraua Mîŕă krisa poa Moabo! Thai jeanena kă Me sîăm o Rai.”

¹²Kadea delduma o Rai, o Dell: „Andakă o Edomo dea pe koa amboldimos angloa khăr le Iudahko, anda kă kărdi'lo došalo thai amboldinisai'lo pe leste,

¹³anda kodea, kadea delduma o Rai, o Dell: „Tinzo Muŕo vast poa Edomo, xasarau biatărdimahko le manušen thai le jiwinen, paruvaua le ande khă pustiimos, dăkatar o Teman ji koa Dedan; perăna malade la sabiatar.

¹⁴Amboldaua Ma poa Edomo anda o poporo Muŕo o Israelo. O kărăla o Edomo palai xolli thai arman Mîŕî; kaste dikhăl o amboldimos Muŕo, phenel o Rai, o Dell.”

¹⁵„Kadea delduma o Rai, o Dell: „Andakă le Filistenea dine pe koa amboldimos ando tipo prasaimahko thai andral le diiehko, kamblindoi te xasarăn sa, ande lengo bidikhlimos o purano,

¹⁶kadea delduma o Rai, o Dell: „Dikta kă tinzo Muŕo vast pal Filistenea, xasarau biatărdimahko le Cheretiçăn, thai xasarau sa so mai ašilo po prašau la mareako,

¹⁷Šudaua Ma bară amboldimasa pa lende, došalindoi le armaiasa. Thai jeanena kă Me sîm o Rai, kana amboldaua Ma pa lende.”