Read Kalderash Romani Cornilescu Bible 2020 (Romania) Ezechiel 27 Bible Online

Ezechiel 27 - Kalderash Romani Cornilescu Bible 2020 (Romania) bible

Ezechiel 27

¹O Divano le Raiehko deamangăduma kadea:

²„Thai tu, šeau le manušehko, detaduma kadea dili le roimasti poa Tiro!

³Phen le Tirohkă: „Tu kai bešes po malo la mareako, thai kărăs bitindimos le popoarănça khă baro dindimahko anda le insule, kadea delduma o Rai o Del: „Tirona, tu phenesas: Me sîm dă khă šukarimos biarakhlimahko!”

⁴E phuw tiri sî ando illo le mărengo, thai kola kai vazden tu kărdine tu biarakhaimahko dă šukar.

⁵Le tiparošença andoa Seniro, kărdean sa te riga le berurengă. Line le čedrea andoa Libano, kaste vazden tukă le katargurea;

⁶le lopeçi kărdine tukă le andal stejarea le Basanohkă, thai le lăviçi fildešosa astardo andoa čimiširo, andino andal insule le Chitimohkă.

⁷Le poxtana kai kandenas tukă sar flako sas anda inoste sano andoa Ejipto, astardo koa gherghefo, ta o învăluimos tiro sas andai purpura vînăto thai lolli, andal insule Elišei.

⁸Le bešlitorea le Sidonohkă thai le Arvadohkă sas tukă vîslîtorea, thai le mai xarane andoa maškar tiro, Tirona, sas tukă traditorea.

⁹Le phură le Ghebalohkă thai le butitorea lehkă le bujande sas tute, thai lašarănas te pharadimata. Sa le berurea la mareakă le marinarença lengă sas tute, kaste kărăn paruglimata marfurengă tusa.

¹⁰Kola andai Persia, andoa Lud thai andoa Put, kandenas ande oastea tiri, sar manuši mardimahkă; on amblavenas ande tute pehko skuto thai o koifo, thai denas tu străfeaimos.

¹¹Kola andoa Arvado pherănas te zîdurea le marditorença tirănça, thai le manuši le zurale sas ande te turnurea. On atîrnos pehkă paveze pe sal zîdurea tiră, thai sîkavenas kadea teo šukarimos.

¹²Kola andoa Tars kărănas bitindimos tusa, sa le butimasa le mărfurengo kai sas tu andoa bravalimos. Avenas ka teo foro le rupesa, le sastresa, le arčičesa thai le mollivesa.

¹³O Iavano, o Tubalo thai o Mešeko kărănas bitindimos tusa; denas robea thai butea xarkumakă ando paruglimos le mărfurengo tirăngo.

¹⁴Kola andoa khăr o Togarmei anenas ka teo foro grast, grastarença thai magarença.

¹⁵Kola andoa Dedano kărănas bitindimos tusa; o bitindimos bute insulengo nakhălas anda te vast, anenas tukă sar potindimos šinga fildešohkă thai abanasohkă.

¹⁶E Siria kărălas bitindimos tusa, le bară dindimos le buteango kărdine tutar; on avenas ka teo foro smaragdosa, purpurasa, thai materii pestriçomna inosa sano, merjealença thai agatosa.

¹⁷O Iuda thai o čem le Israelohko kărălas bitindimos tusa; denas tu div andoa Minito, melea, avdin, zetino thai leako nakhlimahko, ando paruglimos te mărfurengo.

¹⁸O Damasko kărălas bitindimos tusa, le bară dindimasa le butengo kărdine tutar, sa le bute mărfurença, kai sas tu ando bravalimos; delas tu moll andoa Xelbono thai pošom parni.

¹⁹O Vedano thai o Iavano, katoa Uzal, avenas koa foro tiro; sastri buteardo, kasia thai papura khandimasti, sas parugline tusa.

²⁰O Dedano kărălas bitindimos tusa le învălitorença thodine po grast.

²¹E Arabia thai sal voievodurea le Chedarohkă sas le bitinditorea tiră, thai anenas tukă bakrišoră, bakrišă thai busne.

²²Le bitinditorea andai Seba thai andai Raema kărănas bitindimos tusa; potinenas tukă kukole le mai lašança mirzme, baŕ kuči thai sumnakasa, le mărfurea tiră.

²³O Xarano, o Kanexo thai o Edeno, le bitinditorea andai Seba, andai Asiria, andoa Chilmido, kărănas bitindimos tusa;

²⁴kărănas bitindimos tusa çoalengo kuči, raxamença purpuakă vînăto thai astarimatănça koa gherghefo, vigurença kuči thodine andel kufărea šelença, sučime thai mišto akhuwde, andine koa foro tiro.

²⁵Le berurea andoa Tars anenas tukă le mărfurea pe marea; sanas ando pleai le bravalimahko thai la slavako, ando illo le marengo!

²⁶Le vîslašea tiră nigrănas tu pel paia le bară: ta khă braval kataranklelokham linčearăla tu ando illo le mareango!

²⁷Le bravalimata tiră, le foruri tiră thai le mărfuri tiră, le marinarea thai le traditorea tiră, kola kai lašarănas le phaŕadimata te berurengă, thai kola kai kărăn paruglimos mărfurengo tusa, sal manuši le mardimahkă kai sî ande tute, thai soa butimos, kai sî ando maškar tiro, phaŕadeona ando illo le mărengo, ando des te peraimahko.

²⁸Sa le valurea la mareakă isdrana le çîpimatăndar te tradimatorendar!

²⁹Thai sal vîslašea, le marinarea, sal traditorea pai marea, dena pe tele andal berurea thai ušteavena po šutimos.

³⁰Çîpina muiesa zuralesa andai buti tiri, thai ankalavena çîpimata kărtimahkărănça. Šudena pehkă phuw ando šero thai tăvălina pe ando ušar.

³¹Randena pehko šero andai buti tiri, thai xureavena pe andel gone, rovena tu le diiesa kărko thai bară dukhaimasa.

³²Ando dukhaimos lengo, kărăna khă dilabaimos roimahko pa tute, rovena tu, thai phenena: „Kon sas sar o Tiro, kukoa xasardo ando maškar la mareako?”

³³Kana anklenas le mărdfuri tiră pel mări, čeailearăsas khă baro dindimos popoarăngo; le bravalimasa te mandimatăngo thai te mărfurengo, bravarăsas le thagaren la phuweakărăn.

³⁴Ta akana san linčeardo le mărendar, o bitindimos tiro xasai'lo ando andraimos le paiengo, thai sa teo butimos le manušengo tasulo ăkhdata tusa!

³⁵Sa le bešlitorea le insulengă bešen baŕune anda e buti tiri, le thagar lengă bešen le ballença vazdine daratar, thai isdral lengo mui!

³⁶Le bitinditorea le popoarăngă fluierin pa tute. San xasardo dă sa, thai găleantar anda orkana!”