Read Kalderash Romani Cornilescu Bible 2020 (Romania) Ezechiel 4 Bible Online

Ezechiel 4 - Kalderash Romani Cornilescu Bible 2020 (Romania) bible

Ezechiel 4

¹„Thai tu, šeau le manušehko, le khă kărămida, thola angla tute, thai xunau pe late e četatea le Ierusalimosti.

²Kărla diniroata, vazde zuralimata ande lakă riga, delaroata khă šançosa nikărdimahko, tho tabere kătanengă rigatar lakăreatar, thai vazde bakrišă sastrune pa late ande sal riga.

³Le khă tigaia sastresti, thai tho la, sar khă zîdo sastrehko, maškar tute thai četatea; ortosar teo mui pa late, kaste avel diniroata, thai te tandearăsla. Kadea te avel ăkh sămno andoa khăr le Israelohko!

⁴Pala kodea sov po prašau o bičeačio, thai tho pe leste e bikris le Israelosti; sode des bešesa suto po prašau kadoa, phiravesa lendi bikris.

⁵Dinaua tukă khă dindimos desăngo sar kukoa le băršengo le bikrisango lengă, thai dă sar trin šella îniavardeši des, ande save te phiraves e bikris le khărăsti le Israelosti.

⁶Pala so isprăvisarăsa kadala des, sov o duito data po prašau o čeačio, thai phirau e bikris le khărăsti le Iudasti štarvardeši des; tghoau tukă khă des anda sako bărši.

⁷Pala kodea amolde teo mui thai ti angali e nandi karing o Ierusalimo dinoroata, thai prooročisar pa leste.

⁸Thai dikta, thoaua šelle pa tute, kaste našti te amboldes tu pa khă prašau pe aver, ji kana pherdeona le des te phandimahkă.

⁹Le tukă div, orzo, bobo, lintea, meio thai alako, thole ande khă vaso, thai kăr manŕo anda lende sode des bešesa suto po prašau: trin šella thai îniavardeši des te xas anda lende.

¹⁰O xamos kai xasa les, te xas les le tolosa thai dă sar po dui šella siklea po des: te xas anda leste kana thai kana.

¹¹O pai kai pesa les, pesa les la măsurasa thai dă sar po khă šoimos xinohko; pesa anda leste kana thai kana.

¹²O xamos te xas les sar melea andoa orzo, kai pekăsa le angla lende gošneasa manušehkăreasa.”

¹³Thai O Rai phendea: „Kadea xana pehko manŕo marime le šave le Israelohkă maškar le neamurea ande save našavauale.”

¹⁴Me phendem: „Au! Raia, Devlla, dikta, o duxo muŕo nas či ăkh data marisardo ji akana; andoa tărnimos muŕo thai ji akana, čiăkhdata či xalem anda khă jiwina mulli sau phaŕadi, thai či khă mas marime či šutea pe ande muŕo mui.”

¹⁵O dea ma anglal: „Ei mišto, dikta kă dav tu ando than gošni guruwesti ando than la gošneko le manušesti, thai kărăsa tukă o manŕo lasa.”

¹⁶O mai phendea mangă: „Šeau le manušehko, dikta kă linčearaua e rowli le manŕăsti ando Ierusalimo, kadeea kă xana manŕo le tollosa, thai tinosa, thai pena pai la măsurasa thai la darasa.

¹⁷Nigrăna naimos manŕăhko thai paiehko, mirina pe iekh avrăndar, thai či mai avena andai doši lendi bikrisati.”