Read Kalderash Romani Cornilescu Bible 2020 (Romania) Ezechiel 42 Bible Online

Ezechiel 42 - Kalderash Romani Cornilescu Bible 2020 (Romania) bible

Ezechiel 42

¹Palakodea ankaladea ma thai nigărdea ma ande bar dăavreal karing avelereat, thai nigărdea ma andel odăii angloa than o nango thai anglai avlin karingavelereat.

²O mui kai arakhadeolas po udar karingavelereat, sas les khă lunjimos dă ăkh šell koçea: thai o bufllimos sas dă panvardeši koçea.

³Ando čeačio kolengo biši thai panje koçăngo la bareakă dăandral, thai ando čeačio le kaldarîmohko la bareako dă avreal, arakhadeonas pe pridvoare pašal pridvoare ando etajo o trito.

⁴Anglal le odăii, sas khă than nakhlimahko bufllo dă deši koçea, thai khă drom ăkh kotohko; le udara lengă sas karingavelereat.

⁵Le odăii opral sas mai tidinea dă sar kola dă telal thai dă sar kola kata o maškar la avlinako, anda kă mai lelas lengă andoa than i le pridvoare.

⁶Sas trin etajurea, ta nas le tille sar le tille le bareangă; anda kodea, lindoi dă telal, le odăii dă opral sas mai tidinea dă sar kola dă telal thai andoa maškar.

⁷O zîdo dă avreal, kai jealas paša le odăii, sas les khă bufllimos dă panvardeši koçea;

⁸kă o lunjimos le odăiengo karing e bar dă avreal sas dă panvardeši koçea.Ta angloa Templo sas les ăkh šell koçea.

⁹Tala le odăi kadala sas o šutimos katar anklelokham, sar avesas andai bar dă avreal.

¹⁰Mai sas varesar odăi dă thulimastar le zîdohkărăstar la bareakă karing anklelokham, ando čeači le thanehko le nangăhko thai ando čeačio la avlinako.

¹¹Angla lende, sas khă than nakhlimahko, sar i angla le odăiengo karing avelereat, sa kodole lunjimahko thai bufllimahko; le ankăstimata, o kărimos thai le udara lengă sas sa kadea.

¹²Sa kadea sas i le udarănça le odiengo karing avelodes. Sas khă udar koa šero le thanehko le nakhlimahko, kai arakhadeolas orta angloa zîdo karing anklelokham, katar šosas tu.

¹³O phendea mangă: „Le odăii katar avelereat thai le odăii katar avelodes, kai sî angloa than o nango, sî le odăii sfinçome, kai xana le butea but sfinçome le raša, le pativa le xabenehkă, le jiwine andine sar jertfe iertimahkă thai andai doši; kă o than kadoa sî sfînto.

¹⁴Kana šona pe le raša, či anklena andoa than o sfînto kaste jean ande bar dă avreal, ta mekăna oče pehkă çoale savença kărăn o kandimos, kă le çoale kadala sî sfinçome; xureavena pe ande aver çoale kaste pašon la bareatar kai sî andoa poporo.”

¹⁵Pala so isprăvisardea măsurimahko o khăr dăandral, ankaladea ma po udar karing anklelokham, thai măsurisardea les dă avreal rigatar.

¹⁶Măsurisardea e rig karing anklelokham la rowleasa le măsurimasti, thai rig rigatar peste sa arakhlea panji šella rowlea.

¹⁷Masurisardea e rig katar avelereat la rowleasa le măsurimasti, thai arakhlea dă rig rigatar panji šella rowlea.

¹⁸Măsurisardea e rig katar avelodes la rowleasa le măsurimasti, thai arakhlea panji šella rowlea.

¹⁹Amboldi'lo karing perălokham, thai măsurisardea panji šella rowlea la rowleasa le măsurimasti.

²⁰Măsurisardea kadeadar ande kola štar riga le zîdohkă dă rigatar le khărăhko; o lunjimos sas dă panji šella rowlea, thai o bufllimos dă panji šella rowlea; o zîdo kadoa delasrigate o than o sfînto kolestar le bisfîntonestar.