Read Kalderash Romani Cornilescu Bible 2020 (Romania) Ezechiel 6 Bible Online

Ezechiel 6 - Kalderash Romani Cornilescu Bible 2020 (Romania) bible

Ezechiel 6

¹O Divano le Raiehko dea mangă duma kadea:

²„Šeau le manušehko, amolde teo mui karing le baŕlebaă le Israelohkă, prooročisar pa lende,

³thai phen: „Baŕbară le Israelohkă, ašunen o Divano le Raiehko, le Devllehko! Kadea delduma o Rai o Dell karing le baŕlebară, le pleaia, karing le văgăunea thai xarea: „Dikta, anaua e sabia pa tumende, thai xasaraua tumară učimata.

⁴Le altare tumară avena pustiime, le tille tumară thodine le khamehkă avena linčearde, thai kăraua ta le mulle tumară te perăn angla le idollea tumară.

⁵Thoaua le staturea le mulle le šavengă le Israelohkă angla lengă idolea, thai phaŕavaua tumară kokala karing tumară altarea.

⁶Orkatar kai bešen, le četăçi avena tumengă xasardinea, thai le učimata pustiimena; le altarea tumară avena perade thai mekline, le idolea tumară avena linčearde thai xasaona, le tille tumară dine le khamehkă avena šinde, thai le butea tumară xasardine.

⁷Le mulle perăna ando maškar tumaro, thai jeanena kă Me sîm o Rai.

⁸Ta mekaua varesar ašimata anda tumende, kai skîpisarăna la sabiatar maškar le neamuri, kana avena phaŕadine ande aver čema.

⁹Thai kola kai skăpina anda tumende anena pehkă godi Mandar maškar le neamuri kai avena robea, anda kă linčearaua lengo illo o butkurvarii thai bipateamno, thai le iakha kai kurvisarde pala lengă idolea. Atunčeara avela lengă greaça orta lerndar, andai doši le čiorîmatăngo kai kărde le, andai doši sa lengă prikăjimatăngo.

¹⁰Thai jeanena kă Me sîm o Rai, thai na kă dăiweantaină daradem le kă tradaua lengă sa kadala nasulimata.

¹¹Kadea delduma o Rai, o Dell: „Mar andal vast, de andal pînŕă, thai phen: „Au!” anda sa le prikăjimata kola le nasul le khărăhkă le Israelohkă, kai perăla malado la sabiatar, le bokhalimastar thai la čiumatar.

¹²Kon avela dur merălla čiumatar, thai kon avela paše merăla sabiatar; thai kon ašela thai avela dinoroata, xasaola bokhatar. Kadea atărderaua Mîŕî arman pa lende.

¹³Thai jeanena kă Me sîm o Rai, kana lengă mulle avena ando maškar lengă idolengo, andel riga lengă altarengă, pe orsao pleai učio, pe sal gora le barăbaŕăngo, tala orsao kašt zăleno, tala orsao stejeari patrinalo, oče kai anenas tămîia sungaimasa čeailo sa lengă idolengă.

¹⁴Tinzpua Muŕo vast pa lende, thai kăraua o čem khančehko thai pusto, dă kata o pustiimos ji ande Dibla, orkai bešena. Thai jeanena kă Me sîm o Rai.”