Read Kalderash Romani Cornilescu Bible 2020 (Romania) Ezechiel 9 Bible Online

Ezechiel 9 - Kalderash Romani Cornilescu Bible 2020 (Romania) bible

Ezechiel 9

¹Pala kodea dea mui zuralles ka mîŕă kan: „Pašon tume kai trăbun te došaven e četatea, sakoiekh la buteasaa le xasarimasti lesti ando vast!”

²Thai dikta kă aviline šov manuši poa drom le udarăhko dă opralkaring avelereat, sakoiekh pehka buteasa le xasardimasti ando vast. Ando maškar lengo sas khă manuši xureado ande khă raxami inosti, thai kha černealasa koa brečinarii. Avile thai thodine pe paša o altarii la xarkumako.

³E slava le Raiesti le Israelosti vazdinisai'li poa xeruvimo pe sao sas, thai ortosa'li karing o prago le khărăhko; thai o akhardea le manušes kodoles kai sas xureado ande raxami le inosti thai kai sas les e černeala koa brečinarii.

⁴O Rai phendea lehkă: „Nakh andoa maškar la četateako, andoa maškar le Ierusalimohko, thai kăr ăkh sămno po čikat le manušengo, kai roven thai vatin andai doši sa le prikăjimatăngo, kai kărdeon oče.”

⁵Ta le kolavrăngă phendea lengă, ande muŕo ašundimos: „Nakhăn pala leste ande četatea, thai malaven, e iakh tumari te avel bi millati, thai te na fal tume nasul!

⁶Mudarăn, thai xasarăn le phurăn, le tărnen, le šeianbarean, le šaoŕăn thai le juwlean; ta te na azban tume či anda iekh kai sî les o sămno po čikat! Thon tume dă katar o Than Muŕo o sfînto!” On linela le phurănça, kai sas angloa Templo.

⁷Thai O phendea: „Marisarăn o khăr, thai pherăn le barea mullença! …Anklen… On ankăste, thai line te nudarăn ande četatea.

⁸Ta kana mudarănas on kadea, thai me bešauas oče korkoŕo kadea, pelem le mosa kai phuw, thai çîpisardem: „Au! Raia Devlla, kames te xasarăs sa so mai ašilo andoa Israelo, šordindoi Ti arman poa Ierusalimo?”

⁹O dea ma anglal: „E bikris le khărăsti le Israelosti thai le Iudasti sî bari, opră dă bari! O čem sî pherdo mudardimata, thai četatea sî pherdi bičeačimos; kă on phenen: „O Rai meklea o čem thai či dikhăl khanči!”

¹⁰Anda kodea i Me avaua bi milako, thai či fala Ma nasul, ta kăraua te perăl poa šero lengo lengă kărdimata.”

¹¹Thai dikta kă o manuši kukoa xureado ande raxami le inosti, thai sao sas les e černeala koa brečinarii, andea kakoa dimosanglal: „Kărdem sa so mothodean mangă!”