Read Kalderash Romani Cornilescu Bible 2020 (Romania) Daniel 11 Bible Online

Daniel 11 - Kalderash Romani Cornilescu Bible 2020 (Romania) bible

Daniel 11

¹Ando bărši dă anglal le Dariulohko, o Medio, sîmas i me leste, kaste kandau les thai te nikrau les.

²Akana, kăraua tukă prinjeando o čeačimos: Dikta kă mai avena trin thagar ande Persia. Kukoa o štarto tidela mai but bravalimos dă sar sa le kolaver; thai kana atearăla pe zurallo anda lehkă bravalimata, vazdela sa poa thagarimos la Grečiako.

³Ta vazdela pe khă thagar zurallo, kai stăpînila barea zorasa, thai kărăla so kamela.

⁴Thai sar zureaolla, kadea i linčeaola o thagarimos lehko, thai avela xulado ande kola štar bravallea le čerurengă, ta na ande lehkă avimata, thai čina či avela sa kadea dă zurallo sode sas tala leste, kă avela kărdo kotoriça, thai nakhăla ka aver avreal anda kala.

⁵O thagar katar avelodes arăsăla zurallo. Ta iekh anda lehkă mai bară avela i mai zuralo sar leste, thai raila kărdindoi khă baro thagarimos.

⁶Pala varesar bărši, tidena pe, thai e šei le thagaresti katar avelodes avela sar romni koa thagar katar avelereat, kaste kărăn khă foro. Ta kadala butea le kandimahkă či avela le či zor, thai či le kolaver butea lehkă našti nikrăna kolin, ta oi avela dini merimahkă andekhthan lakă manušença, lakă daddesa thai kolesa kai phanglea pe latar.

⁷Ta ando čiro kodoa vazdela pe ando than lako khă ŕaioŕîsa anda kodoa angluminos lakărăstar, thai avela pai oštirea la Siriati, e, šola pe ande četăçuia le thagaresti katar avelereat, kărăla so kamela lasa, thai avela biruimahko.

⁸Vazdela la thai mutisarăla la ando Ejipto, akhdata le astardença le mardimahkărănça, orta i le devlença thai le tipurença le šordinença, andekhthan le vasurença lengă le kuči le rupune tha le sumnakahkă. Palakodea mekăla varesar bărši împače le thagares katar avelereat.

⁹Kadoa telearăla poa thagarimos le thagarehko katar avelodes, ta amboldela pe pale ande pehko čem.

¹⁰Ta le šave lehkă lena pale mardimos, thai tidena khă baro butimos kătanengo, kai jeana angle thai denaopral sar khă nanilaši, kai anklel pal maluri, thai spidena les pale parpale ji ande četăçuia.

¹¹O thagar katar avelodes, xolleariko anda kodea, anklela thai marăla pe le thagaresa katar avelereat; vazdela khă bari armata, ta le kătane le thagarehkă katar avelereat avena dine andel vast lehkă thai xasardine.

¹²Atunčeara o illo le thagarehko phuteola, dela tele deši mii, ta sa či izbîndila.

¹³Kă o thagar katar avelereat amboldela pe thai tidela khă armata mai bari dă sar kutea dă anglal; thai pala varesar čiro, pala varesar bărši, telearăla ando čikat kha barea armatako mišto armome.

¹⁴Ando čiro kadoa, vazdena pe but poa thagar katar avelodes, thai khă kîrdo prikăjimenengo andoa poporo tiro vazdena pe, kaste pherdeol o dikhlimos; ta perăna.

¹⁵O thagar katar avelereat avela angle, vazdela zuralimata, thai thola o vast pe le četăçi le zureardea. Le kătane katar avelodes, či orta e lulludi le manušendi le thagarnesti, naština te nikrăn kolin, či avela le zor te den pe leste.

¹⁶Kukoa kai jeala pa leste, kărăla sa so kamela, thai khonikh či dela pe pa leste; o atărdearăla ando čem o šukardino, xasarindoi biatărdimahko sa so perăla lehkă ando vast.

¹⁷Thola pehkă ando gîndo te lel ando stăpînimos sa o thagarimos lehko, thai, kărdindoi pe kă sîles gîndurea uje lesa, dela les pehka šea dă romni, gîndosa te xasarăles; ta e buti kadea či kărdeola pe, thai či izbîndila lehkă.

¹⁸Pala kodea amboldela pehkă dikhlimata karing le insule, thai lela but anda lende; ta khă šerobaro thola gor le lajawehkă kai kamelas o te anel lehkă, thai amboldeala les pa leste.

¹⁹Palakodea ortola pe karing le četăçi pehkă čemehkă; ta lopînzăla pe, perăla, thai či mai arakhăna les.

²⁰Kukoa kai lela lehko than, anela khă zuralomekhlimatorii, ande kutea e mai šukar rig le thagarimasti; ta ande varesar des avela linčeardo, thai dăsar na andai xolli, niči andoa mardimos.

²¹Ando than lehko vazdela pe khă manuši bidikhlino, bi te aveles zor thagarnimasti; ta vazdela pe andakhdata, thai thola o vast po thagarimos ande čiordani buti.

²²„Le kătane denaopral sar khă nanilaši angla leste ta či avena xasardinea, andekhthan khă šerăbarăsa le phanglimahko.

²³Pala so tidena pe lesa, o kărăla khă čiordaimos, telearăla, thai izbîndila xançoŕî lumeasa.

²⁴Šola pe, biajukărimahko, ande le thana le mai roditoare la phuweakă; kărăla so či kărdesa či lehkă dadda, či le dadda lehkă daddengă: xulavela o limos, le jefuimata thai le bravalimata; kărăla planuri pal četăçui, thai kadea nikrăla khă čiro.

²⁵Palakodea, telearăla ando čikat kha barea armatako, la zorasa thai la xolleasa lehkăreasa, poa thagar katar avelodes. Thai o thagar kataravelodes astardeola koa mardimos kha armatasa bareasa thai but zuralli; ta či daštila te nikrăl kolin, kă kărdeona pe planurea nasulpa leste.

²⁶Kola kai xana anda lehkă xabenata kai skafidi anea lehkă o xasarimos; le kătane lehkă phaŕadeona sar khă nanilaši, thai le mulle perăna ando baro dindimos.

²⁷Kola le dui thagar či rodena dă sar te kărăn pehkă nasul iekh avrăhkă, bešena sa ka kodea skafidi thai dena duma čiorimasa. Ta či izbîndina, kă o gor či avela dă sar koa čiro mothodino.

²⁸Kana amboldela pe ande pehko čem bară bravalimatînça, ande lehko illo avela dušmano o phanglimos o sfînto, kărăla buti pa leste, thai palakodea amboldela pe ande pehko čem.

²⁹Kakh čiro mothodino, telearăla pale poa thagar katar avelodes; ta ande data kadea le butea či mai jeana sar anglal.

³⁰Ta varesar beruri andoa Chitim avena pa leste; ta o, tristome, amboldela parpale. Palakodea, xolleariko poa phanglimos o sfînto, či mai bešela le vastença ando bărkh; ta, koa amboldimos, dela pe duma kolença kai mekăna o phanglimos o sfînto.

³¹Varesar kătane tradine lestar, avena thai marina o sfînto Than, e četăçuia, kărăna te atărdeol e jertfa le biatărdimasti, thai thona o prikăjimos le pustitorehko. Athavela andel čeaŕlimata kolen kai šinen o phanglimos.

³²Ta kola andoa poporo, kai prinjeanena pehkă Devlles, ašena zuralle, thai kărăna bară isprăvimata.

³³Le xarane le poporohkă sîkavena buten. Iekh perăna, anda khă čiro, maladine la sabiatar thai la paraiagatar, le robimastar thai le jefuimastar.

³⁴Kana perăna, avena kandime xançî, thai but tidena pe lença pe čiorimaste.

³⁵Orta i anda kola le godeaver, but perăna, kaste aven zumade, ujearde thai parnearde, ji koa čiro le gorăhko, kă o gor či avekla dăsar koa čiro mothodino.

³⁶O thagar kărăla so kamela; vazdela pe, barearăla pe mai opră dă sal devla, thai phenela butea bimaiašundine poa Dell le devlengo; thai jealangle ji kana nakhăla e xolli, kă so sî mothodino kărdeola.

³⁷Či lena sama či le devlendar lengă daddengărăndar, či andoa kamimos le juwleango; khă divanosa, či lena sama či khă devlestar, ta slăvila pe pes mai opră dă sa.

³⁸Ando paruglimos, dela pativ le devles le četăçuiengărăs; kadale devles, kai či prinjeanena les či lehkă dadda, anela lehkă pativ sumnakasa thai rupesa, baŕănça kuči thai buteança kučimahkărănça.

³⁹Le kandimasa kadale devlehko le străinohko butearăla pal thana le zurearde; kon prinjeanela les, delales bari pativ, kărăla les te rail pa but, thai xulavela lengă phuwea sar potindimos.

⁴⁰Koa čiro le gorăhko, o thagar katar avelodes pusavela pe lesa. Thai o thagar katar avelereat šudela pe sar khă barobrîšind pa leste, le urdonença thai le grastarença, thai bute berurença; avela angle pa lehkă čema, šordeola pe sar khă nanilaši thai tasavela le.

⁴¹Šola pe ando čem kukoa o šukarino, thai deše miiengă perăna. Ta o Edomo, o Moabo, thai le čikate le šavengă le Amonohkă skăpina anda lehko vast.

⁴²Tinzola pehko vast pa butearimata čemengă, thai či o čem le Ejiptohko či skăpila.

⁴³Ta kărdeola stăpîno pal bravalimata le sumnakahkă thai le rupehkă, thai pe sal butea le kučimahkă le Ejiptohkă. Le Libienea thai le Etiopienea avena bigorăhko pala leste.

⁴⁴Ta varesar vesti, aviline katarlulludearălokham thai katar avelereat, daravena les, thai atunčea telearăla kha barea xolleasa, kaste ŕandel thai te xasarăl biatărdimahko buten.

⁴⁵Tinzola pehkă çăre le palatohkă maškar e marea thai obaŕobaro kukoa slăvime thai sfînto. Palakodea arăsăla pehko gor, thai khonikh či avela lehkă ando kandimos.