Read Kalderash Romani Cornilescu Bible 2020 (Romania) Iona 2 Bible Online

Iona 2 - Kalderash Romani Cornilescu Bible 2020 (Romania) bible

Iona 2

¹O Iona rudisa'lo le Raiehkă, pehkă Devllehkă, andoa păŕ le mašehko,

²thai phendea: „Ando strandimos muŕo, akhardem le Raies, thai ašundea ma; andoa maškar le thanengo le mullengo çîpisardem, thai ašundean muŕo mui.

³Thai varesar šudeanas ma ando andraimos, ando illo la mareako, thai le nanilašurea le paiehkă dinesasmaangali; sa le valuri thai sa le talazurea Tiră nakhline pa mande.

⁴Phenauas: „Sîm šudino anglal iakha Tiră! Ta pale dikhaua O Templo Tiro kukoa o sfînto.

⁵Le paia gadade ma ji paše te len mîŕî čivava, o andraimos pateardea ma, e papura akhuvdi'li karing muŕo šero.

⁶Ulistem ji kal temelii le baŕbarăngo, le druguri la phuweakă phandavenas ma ando veako; ta Tu ankladean ma juwindo andai groapa, Raia, Devlla muŕo!

⁷Kana rovelas o illo ande mande, ande mangă godi le Raiestar, thai o rudimos Muŕo arăslo ji Tute, ando Templo Tiro kukoa o sfînto.

⁸Kola kai astardeon le idolendar le khančehkă durear e mila lendar.

⁹Ta me anaua Tukă jertfe khă çîpimasa naismaskărăsa, peraua le solaxaimata kai kărdem le. O skăpimos avel kata o Rai.”

¹⁰O Rai deaduma le mašehkă, thai o mašo šordea le Ionas pe phuw.