Read Kalderash Romani Cornilescu Bible 2020 (Romania) Numeri 13 Bible Online

Numeri 13 - Kalderash Romani Cornilescu Bible 2020 (Romania) bible

Numeri 13

¹O Rai dea duma le Moiasahkă, thai phendea:

²„Trade varesar manuši te dikhănčioreal o čem le Kanaanohko, kai dav les le šeavengă le Israelohkărăngă. Te trades po khă manuši anda sako le semençii lengă daddengo, saoŕă te aven anda lengă mailaše.”

³O Moise tradea le anda e pustia Paran, pala o mothodimos le Raiehko, sa le manuši kadala sas lešerăbară le šeavengo le Israelohkă.

⁴Dikta lengă anava: anda e semençia le Rubenosti: o Šamua, o šeau le Zakurohko;

⁵anda e semençia le Simionosti: o Šafato, o šeau le Xoriehko;

⁶anda e semençia le Iudasti: o Kaleb, o šeau le Iefunehko;

⁷anda e semençia le Išaxarosti: o Igualo, o šeau le Iosifohko;

⁸anda e semençia le Efraimosti: o Xosea, o šeau le Nunohko;

⁹anda e semençia le Beaminosti: o Palati, o šeau le Rafuohko;

¹⁰anda e semençia le Zabulonosti: o Gadielo, o šeau le Sodiehko;

¹¹ana e semençia le Iosifosti, e semençia le Manasosti: o Gadi, o šeau le Susiehko;

¹²anda e semençia le Danosti: o Amielo, o šeau le Ghemalehko;

¹³anda e semençia le Ašerosti: o Seturo, o šeau le Mikaelohko;

¹⁴anda e semençia le Neftalosti: o Naxabi, o šeau le Vofsiehko;

¹⁵anda e semençia le Gadosti: o Gheuelo, o šeau le Machiehko.

¹⁶Kada la sî le anava le romengă, kai tradea le o Moise te dikhăn cioreal o čem. Le Xoseahkă, o šeau le Nunohko, o Moise thodea lehkă o anau Iosua.

¹⁷O Moise tradea le te dikhănčioreal o čem le Kanaanohko. O phendea lengă: „Telearăn koçal karing anklelodes, thai pala kodea te anklen po baŕbaro.

¹⁸Dikhăn o čem, dikhăn sar sî o, sar sî o poporo kai bešel ande leste, kana sî zuralo or naizuralo, kana sî xançî koa dindimos or baro koa dindimos;

¹⁹dikhăn sar sî o čem ande sao bešen: kana sî lašo or čioŕo, sar sî le četăçî ande save ašen: kana sî pîtărde or zurearde;

²⁰sar sî e phuw: kana sî thuli or šuti, kana sî or nai kašt pe late. Aven illesa, thai len tumença roade andoa čem.” Sas po čiro kana pateon le drakha.

²¹On ankăste, thai dikhlečioreal o čem, kata e pustia e Çin ji koa Rexobo, po drom kai nigrăl koa Xamato.

²²Ankăste katar avelodes, thai găle ji koa Xebrono, kai arakhadeolas o Aximano, o Šešaio, thai o Talamaio, le šeave le Anakohkă. O Xebrono sas zîdime efta băršrnça anglal la četateatar e Çoan andoa Ejipto.

²³Arăsle ji ande xar Eškol; oče šinde khă ŕai răzati khă korkoŕo drakhasa, thai nigărde les po dui pe khă prjina, line i rodii thai i smoikhine.

²⁴O than kodoa thode lehkă anau Eškolo (Drakha), ana e doši le drakhasti kai šinde les oçal le šeave le Israelohkă.

²⁵Amboldile pala o dikhlimosočiordano le čemehko pala štarvardeši des pherde.

²⁶Telearde thai arăsle koa Moise thai koa Aarono, thai koa sa o tidimos le šeavengo le Israelohkă, koa Kades, ande pustia e Paran. Andine lengă vestiuri, lengă thai sa le tidimahkă, thai sîkade lengă le roade le čemehkă.

²⁷Dikta so phendine le Moisahkă: „Găleam ando čem kai tradean ame. Le čeačimasa, sî khă čem ande sao thavdel thud thai avdin, thai dikta lehkă roade.

²⁸Ta o poporo kai bešel ando čem kadoa sî zuralo, le četăçî sî zurerdea thai but barea. Ta sa dikhleam oče le šeaven le Anakohkă.

²⁹Le Amalečiçea bešen dă katar o than katar avelodes, le Iebusiçea thai le Amoriçea bešen po baŕbaro; thai le Kanaaniçea thai le Xetiçea bešen paša e marea thai ando lungo le Iordanohko.”

³⁰O Kaleb potolisardea o poporo, kai pupuilas anda o Moise. O phendea: „Aven te ankleas, thai te thoas o vast po čem, kă avasa izbîndimasa!”

³¹Ta le rom kai sas andekhthan lesa phendine: „Naštisaras te ankleas angla o poporo kodoa, kă sî mai zuralo sar amende.”

³²Thai kalearde angla le šeave le Israelohkă o čem kai dikhlesaslesčioreal. On phendine: „O čem kai phirdeam les, kaste dikhaslesčioreal, sî khă čem kai xal pehkă manušen; sa kodola kai dikhleam le oče sî manuši le statohkă but učee.

³³Thai mai dikhleam ande leste i le uriašea, le šeave le Anakohkă, kai çîrden pe anda e viça le uriašendi: angla amende thai angla lende amealas kă samas varesar grastengăčearea.”