Read Kalderash Romani Cornilescu Bible 2020 (Romania) Numeri 23 Bible Online

Numeri 23 - Kalderash Romani Cornilescu Bible 2020 (Romania) bible

Numeri 23

¹O Balaam phendea le Balakohkă: „Vazde mangă koče efta altarea, thai lašarmangă koče efta guruwiça thai efta bakriše.”

²O Balak kărdea sar phendea lehkă o Balaamo; thai o Balak thai o Balaamo andine po khă guruwiçî thai po khă bakrišo pe sako altari.

³O Balaam phendea le Balakohkă: „Beši paša o phabarimos dă sa, thai me duriuvaua lestar; daštil pe kă o Rai anklela mangă anglal; thai so sîkavela mangă, phenaua tukă.” Thai gălo pe khă than mai opră.

⁴O Dell avilo angloa Balaamo; thai o Balaamo phendea Lehkă: „Vazdeam efta altarea, thai pe sako altari andeam po khă guruwiçî thai po khă bakrišo.”

⁵O Rai thodea divanuri ando mui le Balaamohko, thai phendea: „Ambolde tu koa Balak, thai kadea te des lehkă duma.”

⁶O Balaam amboldi'lo koa Balako; thai dikta kă o Balak bešelas paša lehko phabarimos dă sa, o thai sa le šerălebară le Moabohkă.

⁷O Balaam phendea pesti proročia, thai phendea: „O Balak andea ma andoa Aram (Mesopotamia). O thagar le Moabohko, akhardea ma anda le baŕbară Kataravelodes, phendindoi mangă: „Av, thai dearmaia le Iakovos! Av, thai kărleslajavehko le Israelos!”

⁸Sar te dau me armaia kukoles kai či deles armaia o Dell? Sar te kăraulajavehko me kukoles kai či kărăleslajavehko o Rai?

⁹Dikhau les andoa gor le kotorlebaŕăngo, Dikau les poa učimos le pleaiengo: Sî khă poporo kai bešel dinorigate, Thai či kărăl rig anda le neamurea.

¹⁰Kon daštil te dinel e poši le Iakovosti? Thai te phenel o dindimos khă dopašinpadopaši le Israelohko? O, te meraua le mullimasa kolengo kai naibezexale, Thai muro nakhlimos te avel sar lengo!”

¹¹O Balak phendea le Balaamohkă: „So kărdean mangă? Lem tu te des armaia mîŕă dušmanos, thai tu deslesdumadămišto!”

¹²O dealesanglal, phendea: „Či trăbul te mothoau so thol mangă o Rai ando mui?”

¹³O Balak phendea lehkă: „Av, rudi tu, mança ande aver than, katar te dašti dikăs les; kă koče či dikhăs numai khă rig anda leste, ta dikhăs les dă sa.Thai oçal te des mangă les armaia.”

¹⁴Nigărdea les ando islazo Çofim, karing o gor le baŕbarăhko Pisga; vazdea efta altarea, thai andea po khă guruwiçî thai po khă bakrišo pe sako altari.

¹⁵O Balaamo phendea le Balakohkă: „Beši koče, paša o phabarimos dă sa, thai me sî te jeaua angloa Dell.”

¹⁶O Rai avilo angla o Balaamo; thodea lehkă divanuri ando mui, thai phendea: „Ambolde tu koa Balako, thai kadea te des lehkă duma.”

¹⁷O Balaam amboldi'lo leste; thai dikta kă o Balak bešelas paša o phabarimos dă sa, le šerănçalebarănça le Moabohkă. O Balak phendea lehkă: „So phendea tukă o Rai?”

¹⁸O Balaam mothodea pesti proročia, thai phendea: „Ušti Balak, thai ašun! Le godi mande, o šeau le Çiporohko!

¹⁹O Dell nai khă manuši kaste xoxavel, Či khă šeau khă manušehko, kaste fal Les nasul. So phendea oare te na kărăl? So šinadea oare te na pherăl?

²⁰Dikta kă dea pe mangă mothodimos te daudumadămišto. E, O deadumadămišto, thai me našti te amboldau.

²¹O či dikhăl či khă bezexalimos ando Iakovo, Či dikhăl či khă nasulimos ando Israelo. O Rai, o Dell lehko, sî lesa, O sî lehko Thagar, o lošalimos lehko.

²²O Dell ankaladea le andoa Ejipto, O Zuralimos Lehko sî anda leste sar le guruwekalehko.

²³O drabarimos našti kărăl khanči le Iakovohkă, Či le drabarnea nai le zor poa Israelo; Akana dašti phenel pe poa Iakovo thoa Israelo: So butea barea kărdea o Dell!

²⁴E, o poporo kadoa uštel sar khă leoaika, Thai vazdel pe orta sar khă leo; Či sovel ji pune na xalea sa o astardimos, Thai či pilea o rat kolengo mudardine.”

²⁵O Balak phendea le Balaamohkă: „Na deles armaia, ta či na dedumadămišto!”

²⁶O Balaam deales anglal, thai phendea le Balakohkă: „Či phendem tukă kă kăraua sa so phenela mangă o Rai?”

²⁷O Balak phendea le Balaamohkă: „Av, rudi tu, nigraua tu ande aver than; daštil pe kă o Dell arakhăla drom te des mangă armaia oçal le poporos kadales!”

²⁸O Balak nigărdea le Balaamos po gor le barbarăhko Peor, kai sî le mosa karing e pustia.

²⁹O Balaam phendea le Balakohkă: „Vazde mangă koče efta altarea, thai lašar mangă koče efta guruwiça thai efta bakriše!”

³⁰O Balak kărdea sar phendeasas lehkă o Balaamo, thai andea po khă guruwiçî thai po khă bakriši anda sakogodi altari.