Read Kalderash Romani Cornilescu Bible 2020 (Romania) Numeri 27 Bible Online

Numeri 27 - Kalderash Romani Cornilescu Bible 2020 (Romania) bible

Numeri 27

¹Le šeia le Čelofhadohkă, o šeau le Xeferohko, o šeau le Galaadohko, o šeau le Machirohko, o šeau le Manasesko, o šeau le Iosifohko, thai savengă anava sas: e Mahla, e Noa, e Xogla, e Milka thai e Tirça,

²pašile thai aviline angloa Moise, angla o rašai o Eleazar, angla le mai bară thai angla soa tidimos, koa uluw la çărako le arakhadimasti. On phendine:

³„Amaro dadd mullo ande pustia; o nas ando maškar le manušengo kai xolleaile angloa Rai, ando maškar le manušengo le Korehkă, o mullo anda pesti bezex, thai nas les šeave.

⁴Anda soste te atărdeol o anau amară daddehko ando maškar lehka familiako, anda kă nas les šeave? Deame i amen khă mandimos maškar le phral amară daddehkă.”

⁵O Moise ande lengo phendimos angla o Rai.

⁶Thai o Rai phendea le Moisahkă:

⁷„Le šeia le Čelofhadohkă sî le čeačimos. Te des le mandimos khă mandimos maškar le phral lengă dadehko, thai te nakhaves pa lende o mandimos lengă daddehko.

⁸Ta le šeavengă le Israelohkă, te des lengă duma thai te phenes lengă: „Kana khă manuši merălla bi te mekăl šeave, te nakhaven lehko mandimos pe lehkă šeia.

⁹Kana nai les či khă šei, o mandimos lehko te den les lehkă phralengă.

¹⁰Kana nai les či phral, o mandimos lehko te den les le phralengă lehkă daddehkă.

¹¹Thai kana či lehko dadd nai les phral, o mandimos lehko te den les koa neamo mai dă pašal anda lesti familia. Kadea te avel khă kris thai khă čečimos anda le šeave le Israelohkă, sar mothodeas le Moisahkă o Rai.”

¹²O Rai phendea le Moisahkă: „Ankli po baŕbaro koakoa o Abarim, thai dikh o čem kai dem les le šeavengă le Israelohkă.

¹³Te dikhăs les, ta tu avesa thodino ka teo poporo, sar sas thodino i teo phral o Aarono;

¹⁴anda kă či kărdean pala muŕo motxodimos, ande pustia e Çin, kana le xamasa le tidimahko, thai či sfinçosardean Ma angla lende kana sas le paia.” (Kadala sî le paia le xallimahkă, ando Kades, ande pustia Çin.)

¹⁵O Moise dea duma le Raiehkă, thai phendea:

¹⁶„Raia, o Dell le duxurengo orsave statohkă, te alosarăl poa tidimos khă manuši

¹⁷kai te anklel angla lende, thai te šolpe angla lende, kai te ankalavele avri thai te šole andră, anda o tidimos le Raiehko te na avel sar varesar bakrea kai nai le bakreari.”

¹⁸O Rai phendea le Moisahkă. „Le tukă le Iosuas, rom ande sao sî Muŕo Duxo, thai te thos teo vast pa leste.

¹⁹Te thos les angloa rašai o Eleazar thai angla sa o tidimos, thai te des les mothodimata tala lengă iakha.

²⁰Te kărăs les ortako kai drăgătoria tiri, anda sa o tidimos le šeavengo le Israelohko kaste ašunen lestar.

²¹Te avel angla o rašai o Eleazar, kai te pušel anda leste e kris le Urimosti angloa Rai; thai o Iosua, thai soa tidimos, te lel pe pala o mothodimos le Elezarohko thai te šolpe pala lehko mothodimos.

²²O Moise kărdea sar mothodea lehkă o Rai. Lea le Iosuas, thai thodea les angloa rašai o Eleazar thai angla soa tidimos.

²³Thodea pehkă vast pa leste, thai dea les mothodimata, sar phendeasas o Rai andoa Moise.