Read Kalderash Romani Cornilescu Bible 2020 (Romania) Numeri 33 Bible Online

Numeri 33 - Kalderash Romani Cornilescu Bible 2020 (Romania) bible

Numeri 33

¹Dikta le atărdimata le šeavengă le Israelohkă kai ankăste andoa čem le Ejiptohko, pala lengă oštiri, tala o phendimos le Moisahko thai le Aaronohkă.

²O Moise ramosardea le phirimata lengă anda sako atărdimos atărdimahko, pala o mothodimos le Raiehko.Thai dikta le atărdimata lengă, pala lengă phirimata.

³Telearde andoa Ramses ando anglal šon, le desăshko dešupanji. O duito des pala e Patradi, le šave le Israelohkă ankăste iekhatar te marăn pe angla sa le Ejiptenea,

⁴ando čiro kai le Ejiptenea praxonas pehkă anglal kărdinen, kai maladea sas le o Rai anda lende kă o Rai kărdea sas i lengă devlen te atearăn Lesti zor.

⁵Le šeave le Israelohkă telearde andoa Ramses thai arăsle ando Sukot.

⁶Telearde andoa Sukot, thai arăsle ando Etam, kai sî kai rig la pustiati.

⁷Telearde andoa Etam, amboldi'le parpale koa Pi-Xaxirot, mui muieste le Ball-Çefonosa, thai ašile angloa Migdolo.

⁸Teleardea angloa Pi-Xaxirot, thai nakhle andoa maškar la mareako karing e pustia; kărdine khă drom trine desăngo ande pustia le Etamosti, thai bešine ande Mara.

⁹Telearde katai Mara, thai arăsle koa Elim; ando Elimo sas dešudui xainga paiehkă thai eftavardeši finičea: oče bešline.

¹⁰Telearde andoa Elimo, thai ašile paša e marea e Lolli.

¹¹Telearde katar e marea e Lolli, thai ašile ande pustia e Sin.

¹²Telearde katar e pustia Sin, thai ašile ande Dofka.

¹³Telearde katar e Dofka, thai ašile ando Aluš.

¹⁴Telearde katro Aluš, thai ašile ando Refidim, kai o poporo či arakhline pai pimahko.

¹⁵Telearde andoa Refidimo, thai ašile ande pustia Sinai.

¹⁶Telearde anda e pustia Sinai, thai ašile ande Chibrot-Xataava.

¹⁷Telearde anda e Chibrot-Xataava, thai ašile ande Xaçerot.

¹⁸Telearde anda o Xaçerot, thai arăsle ande Ritma.

¹⁹Telearde anda e Ritma, thai arăsle ando Rimon-Pereç.

²⁰Telearde anda o Rimon-Pereç, thai arăsle ande Libna.

²¹Telearde anda e Libna, thai arăsle ande Risa.

²²Telearde anda e Risa, thai arăsle ande Chexelata.

²³Telearde anda e Chexelata, thai arăsle koa barbaŕo o Šafer.

²⁴Telearde kata o barbaŕo o Šafer, thai arăsle kai Xarada.

²⁵Telearde anda e Xarada, thai arăsle ando Machelot.

²⁶Telearde andoa Machelot, thai arăsle ando Taxat.

²⁷Telearde andoa Taxat, thai arăsle ando Tarax.

²⁸Telearde anda o Tarax, thai arăsle ande Mitka.

²⁹Telearde anda e Mitka, thai arăsle ande Xašomona.

³⁰Telearde anda e Xašomona, thai arăsle ando Moserot.

³¹Telearde anda o Moserot, thai arăsle ando Bene-Iaakan.

³²Telearde andoa Bene-Iaakan, thai arăsle ando Xor-Ghidgad.

³³Telearde anda o Xor-Ghidgad, thai arăsle ande Iotbata.

³⁴Telearde anda e Iotbata, thai arăsle ande Abrona.

³⁵Telearde anda e Abrona, thai arăsle ando Eçion-Gheber.

³⁶Telearde anda o Eçion-Gheber, thai arăsle ande pustia Çin, phenel pe ando Kades.

³⁷Telearde anda o Kades, thai arăsle koa barbaŕo o Xor, kai rig le čemesti le Edomosti.

³⁸O rašai o Aarono ankăstoa koa barbaŕo o Xor, pala o mothodimos le Raierhko, thai mullo oče, andoa štarvardešelea bărši pala o ankăstimos le šeavengo le Israelohkă andoa Ejipto, ando šon o panji, ando des anglal le šonehko.

³⁹O Aarona sas les ăkh šell thai biši thai trin bărši kana mullo po barbaŕo o Xor.

⁴⁰O thagar le Aradohko, o Kanaanito, kai bešelas ande rig katar anklelokham le čemehko le Kanaanohko, ašundea kă aviline le šeave le Israelohkă.

⁴¹Telearde kata o barbaŕo o Xor, thai arăsle ande Çalamona.

⁴²Telearde anda e Çalamona, thai arăsle ando Punon.

⁴³Telearde andoa Punon, thai arăsle ando Obot.

⁴⁴Telearde andoa Obot, thai arăsle ando Iie-Abarim, kai phuw le Moabosti.

⁴⁵Telearde kata o Iie-Abarim, thai arăsle ando Dibon-Gad:

⁴⁶Telearde andoa Dibon-Gad, thai arăsle ando Almon-Diblataim.

⁴⁷Telearde andoa Almon-Diblataim, thai arăsle kal baŕbarăle Abarim, angloa barbaro o Nebo.

⁴⁸Telearde katal baŕbară Abarim, thai arăsle ando islazo le Moabohko, paša o Iordano, angloa Ierixono.

⁴⁹Arăsle paša o Iordano, katar o Bet-Iešimot ji ando Abel-Sitim, ando islazo le Moabohko.

⁵⁰O Rai dea duma le Moisahkă ando islazo le Moabohko, paša o Iordano, angloa Ierixono. Thai phendea:

⁵¹„De duma le šeavengă le Israelohkă, thai phen lengă: „Pala so nakhăna o Iordano thai šona tume ando čem o Kanaano,

⁵²te našaven angla tumende sa le manušen le čemehkă, te peraven sa lengă idolea le baŕăhkă, thai te linčearăn sa le ikoane šordine, thai te peraven sa lengă vazdimata anda le jertfe.

⁵³Te len o čem ando stăpînimos, thai te thon tume ande leste; kă Me dem tume o čem kadoa, kaste avel tumaro mandimos.

⁵⁴Te xulaven o čem, te çîrden kal sorça, pala tumară familii. Kukolengă kai sî ando dindimos mai but, te den le khă rig mai bari, thai kukolengă kai sî ando dindimos mai xançî, te den le khă rig mai çînorî. Orsao te stăpînil so perăla lehkă koa çîrdimos; te len les ando stăpînimos, pala le semençii tumară daddengă.

⁵⁵Ta kana či našavena angla tumende le manušen kadale čemehkă, kodola anda lende kai mukăna le, avena tumengă sar varesar kanŕă ande le prašave: avena tumengă dušmaia ando čem ande sao jeana te thon tume.

⁵⁶Thai kărava i tumengă so kamblemas te kărau lengă.”