Read Kalderash Romani Cornilescu Bible 2020 (Romania) Numeri 7 Bible Online

Numeri 7 - Kalderash Romani Cornilescu Bible 2020 (Romania) bible

Numeri 7

¹Kana isprăvisardea o Moise ta anzardea e çăra, makhleala thai sfinçosardea la andekhthan sa lakă buteança, sar i o altari thai sea lehkă buteança; makhlea le thai sfinçosardea le.

²Atunčeara le mai bară le Israelohkă, le šerăbară le khărăngă lengă daddengă, andine pehkă pativa: kadala sasle mai bară le semeçiengă, kai linesas rig koa dindimos.

³On andine sar pativ angloa Rai: šou urdona garade thai dešudui guruw, sar khă urdon ka dui šerăbară, thai khă guruw dă sako šerobaro; thai andine le angla e çăra.

⁴O Rai dea duma le Moisahkă, thai phendea:

⁵„Le lendar kadala butea, thai te nikărăs le anda o kandimos la çărako le arakhadimasti; te des le Leviçăngă, sakoiekhăhkă pala sar mangăl lehko kandimos.”

⁶O Moise lea le urdona thai le guruw, thai dea le kal Leviçea.

⁷Dea dui urdona thai štar guruv le šeavengă le Gheršonohkă, pala sar mangănas lengă kandimata;

⁸dea štar urdona thai oxto guruv le šeavengă le Merarehkă, pala sar mangănas lengă kandimata, tala o vast le Itamarohkă, o šeau le rašahko le Aaronohko.

⁹Ta či dea či iekh le šeavengă le Chexatohkă, andakă, pala sar mangănas lengă kandimata, on trăbunas te nigrăn le butea le sfinçome pel dume.

¹⁰Le šerălebară andine pehkă pativa anda o sfinçomos le altarehko, ando des kana makhle les; le šerălebară andine pehkă pativa angloa altari.

¹¹O Rai phendea le Moisahkă: „Le šerălebară te aven iekh po iekh, thai sar sakogodi ande khă des dikhlino, kaste anel pesti pativ, anda o sfinçomos le altarehko.”

¹²Kukoa kai andea pesti pativ ando anglal des sas o Naxšono, o šeau le Aminadabohko, anda e semençia le Iudasti.

¹³O andea: khă teiari rupuno pharo dă ăkh šell thai treanda siklea, khă lideano rupuno eftavardeši thai panjengo siklea, pala o siklo le sfîntone thanehko, lidui pherde la lulludeasa le aŕăsti, kovlearde zetinosa, pala e pativ le xabenesti;

¹⁴ăkh vaso sumnakuno deše siklengo, pherdo tămîiasa,

¹⁵khă guruwiçî, khă bakro, khă bakrišo khă băršehko, anda o phabarimos dă sa;

¹⁶khă busno, anda e jertfa le iertimasti;

¹⁷thai, anda e jertfa le naismasti, dui guruw, panji bakriše, panji busne, panji bakroră khă băršehko. Kadea sas e pativ le Naxšonosti, o šeau le Aminadabohko.

¹⁸O duito des, andea pesti pativ o Netaneelo, o šeau le Çuaerohko, o šerobaro le Isaxarohko.

¹⁹O andea: ăkh teiari rupuno pharo dă ăkh šell thai treanda siklea, khă lideano rupuno eftavardešithaipanji sikleango, pala o siklo le sfîntone thanehko, lidui pherde la lulludeasa le aŕăsti, kovleardi zetinosa, anda e pativ le xabenesti;

²⁰khă vaso sumnakuno deše siklengo, pherdo tămîiasa;

²¹khă guruwiçî, khă bakro, khă bakrišoro khă băršehko, anda o phabarimos dă sa;

²²khă busno, anda e jertfa le iertimasti;

²³thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Netaneelosti, o šeau le Çuarohko.

²⁴O trito des, o šerobaro le šeavengo le Zabulonohko, o Eliab, o šeau le Xelonohko,

²⁵andea: Khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

²⁶khă vaso sumnakuno deše siklengo, pherdo tămîiasa;

²⁷khă guruwiçî, khă bakro, khă bakrišo khă băršehko, anda o phabarimos dă sa;

²⁸khă busno, anda e jertfa le iertimasti;

²⁹thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Eliabosti, o šeau le Xelonohko.

³⁰O štarto des, o šerobaro le šeavengo le Rubenohkă, o Eliçuro, o šeau le Šedeuroko,

³¹andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

³²khă vaso sumnakuno deše siklengo, pherdo tămîiasa;

³³khă guruwiçî, khă bakro, khă bakrišo khă băršehko, anda o phabarimos dă sa;

³⁴khă busno, anda e jertfa le iertimasti;

³⁵thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Eliçurohko, o šeau le Šedeurohko.

³⁶O panjto des, o šerobaro le šeavengo le Simeonohkă, o Šelumielo, o šeau le Çurišadaiehko,

³⁷andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

³⁸khă vaso sumnakuno deše siklengo, pherdo tămîiasa;

³⁹khă guruwiçî, khă bakro, khă bakrišo khă băršehko, anda o phabarimos dă sa;

⁴⁰khă busno, anda e jertfa le iertimasti;

⁴¹thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Šelumielo, o šeau le Çurišadaiehko,

⁴²O šovto des, o šerobaro le šeavengo le Gadoohkă, o Eliasafo, o šeau le Deuelohko,

⁴³andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁴⁴khă vaso sumnakuno deše siklengo, pherdo tămîiasa;

⁴⁵khă guruwiçî, khă bakro, khă bakrišo khă băršehko, anda o phabarimos dă sa;

⁴⁶khă busno, anda e jertfa le iertimasti;

⁴⁷thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Eliasafosti, o šeau le Deuelohko.

⁴⁸O eftato des, o šerobaro le šeavengo le Efraimohko, o Elišama, o šeau le Amixudohko,

⁴⁹andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁵⁰khă vaso sumnakuno deše siklengo, pherdo tămîiasa;

⁵¹khă guruwiçî, khă bakro, khă bakrišo khă băršehko, anda o phabarimos dă sa;

⁵²khă busno, anda e jertfa le iertimasti;

⁵³thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Elišamasti, o šeau le Amixudohko.

⁵⁴O oxtoto des, o šerobaro le šeavengo le Manasehko, o Gamlielo, o šeau le Pedaxçurohko,

⁵⁵andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁵⁶khă vaso sumnakuno deše siklengo, pherdo tămîiasa;

⁵⁷khă guruwiçî, khă bakro, khă bakrišo khă băršehko, anda o phabarimos dă sa;

⁵⁸khă busno, anda e jertfa le iertimasti;

⁵⁹thai, anda e jertfa le naismasti, dui guruw, panji bakriše, panji busne, panji bakriše po khă băršehkă.Kadea sas e pativ le Gamlieloho, o šeau le Pedaxçurohko.

⁶⁰O îniato des, o šerobaro le šeavengo le Beniaminohkă, o Abidano, o šeau le Ghideoniehko,

⁶¹andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁶²khă vaso sumnakuno deše siklengo, pherdo tămîiasa;

⁶³khă guruwiçî, khă bakro, khă bakrišo khă băršehko, anda o phabarimos dă sa;

⁶⁴khă busno, anda e jertfa le iertimasti;

⁶⁵thai, anda e jertfa le naismasti, dui guruw, panji bakriše, panji busne, panji bakriše po khă băršehkă.Kadea sas e pativ le Abidanosti, o šeau le Ghideoniehko.

⁶⁶O dešto des, o šerobaro le šeavengo le Danohkă, o Axiezero, o šeau le Amišadaiehko,

⁶⁷andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁶⁸khă vaso sumnakuno deše siklengo, pherdo tămîiasa;

⁶⁹khă guruwiçî, khă bakro, khă bakrišo khă băršehko, anda o phabarimos dă sa;

⁷⁰khă busno, anda e jertfa le iertimasti;

⁷¹thai, anda e jertfa le naismasti, dui guruw, panji bakriše, panji busne, panji bakriše po khă băršehkă.Kadea sas e pativ le Axiezerosti, o šeau le Amišadaiehko.

⁷²O dešuiekto des, o šerobaro le šeavengo le Ašerohkă, o Paguielo, o šeau le Okranohko,

⁷³andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁷⁴khă vaso sumnakuno deše siklengo, pherdo tămîiasa;

⁷⁵khă guruwiçî, khă bakro, khă bakrišo khă băršehko, anda o phabarimos dă sa;

⁷⁶khă busno, anda e jertfa le iertimasti;

⁷⁷thai, anda e jertfa le naismasti, dui guruw, panji bakriše, panji busne, panji bakriše po khă băršehkă. Kadea sas e pativ le Paguielo, o šeau le Okranohko.

⁷⁸O dešduito des, o šerobaro le šeavengo le Neftalohkă, o Axira, o šeau le Enanohko,

⁷⁹andea: khă teiari rupuno pharo dă ăkh šell thai treanda siklea, khă lideano rupuno dă eftavardeši thai panji siklea, pala o siklo le sfîntone thanehko, lidui pherde ala lulludeasa le aŕăsti, kovleardi zetinosa, anda e pativ le xabenesti;

⁸⁰khă vaso sumnakuno deše siklengo, pherdo tămîiasa;

⁸¹khă guruwiçî, khă bakro, khă bakrišoŕo khă băršehko, andoa phabarimos dă sa;

⁸²khă busno, anda e jertfa le iertimasti;

⁸³thai, anda e jertfa le naismasti, dui guruv, panji bakriše, panji busne, panji bakriše po khă băršehkă. Kadea sas e pativ le Axirahko, o šeau le Enanohko.

⁸⁴Kadala sas le pativa andine le šerăndarle bară le Israelohkă anda o sfinçomos le altarehko, ando des kana makhle les. Sas dešudui teiarea rupune, dešudui lideaia rupune, dešudui vasuri sumnakune;

⁸⁵sakkogodi teari rupuno tolas ăkh šell thai treanda siklea, sakogodi lideano tolas eftavardeši siklea, kadea kă o rup kadale buteango vazdelas pe ande sa ka dui mii thai štar šella sikea, pala o siklo le sfîntone thanehko.

⁸⁶Sas dešudui vasuri sumnakune pherde tîmîiasa, po deši siklea o vaso, pala o siklo le sfîntone thanehko; o sumnakai le vasurengo vazdelas pe ka ăkhšell thai biši siklea.

⁸⁷Sa le juvindimata anda o phabarimos dă sa sas dešdui guruwiçî, dešudui bakriše, dešudui bakrišoră khă băršehkă, le pativença le xabenehkă kai thonas pe, dešudui busne, anda e jertfa le iertimasti.

⁸⁸Sa le juvindimata anda e jertfa le naismasti; biš thai štar guruw, šovardeši bakriše, šovardeši busne, šovardeši bakrišoră khă băršehkă. Kadala sas le pativa anda o sfinçomos le altarehko, pala so makhle les.

⁸⁹Kana šolas pe o Moise ande çăra le arakhadimasti te del duma le Raiesa, ašunelas o mui kai delas lehkă duma poa kapako le iertimahko kai sas thodino po chivoto le phendimahko, maškar le dui xeruvimea. Thai delas duma le Raiesa.