Read Kalderash Romani Cornilescu Bible 2020 (Romania) Luka 20 Bible Online

Luka 20 - Kalderash Romani Cornilescu Bible 2020 (Romania) bible

Luka 20

¹Ande iekh anada kodola des, kana sîkavelas le norodos ando Templo thai delasduma e LašiVestea, avile andakhdata le raša le mai bară thai le zakonarea, le phurănça,

²thai phendea Lehkă: „Phen amengă, savea zorasa kărăs Tu kadala butea, or kon dea Tu kadea zor?”

³Čečio phendimos, O phendea lengă: „Sî ma te thoau tumengă i Me khă pušlimos. Phenen Mangă:

⁴O boldimos le Ioanohko avelas andoa čeri or katal manuši?”

⁵Ta on denas pe godi maškar lende: „Te das anglal: „Andoa čeri”, phenela: „Atunčeara sostar či pateaian les?”

⁶Thai kana das anglal: „Katal manuši”, soa norodo mudarăl ame baŕănça; kă sî pateaimatahko kă o Ioan sas khă prooroko.”

⁷Atunčeara dine anglal kă či jeanen katar avel o boldimos le Ioanahko.

⁸Thai o Isus, phendea lengă: „Či Me či phenau tumengă savea zorasa kărau kadala butea.”

⁹Pala kodea lea te phenel le norodohkă e pilda kadea: „Khă manuši thodea khă răz, thai dea la ka varesar răzarea thai teleardea ande aver čem, anda khă čiro mai dureardo.

¹⁰Koa čiro le rodurengo, tradea kal răzarea khă robo, kaste deles e rig lesti andoa rodo la răzako. Le răzarea mardine les, thai trade les parpale le vastença nangă.

¹¹Mai tradea i aver robo; on mardine les i kodoles, dine les po lajau, thai trade les le vastença nangă.

¹²Mai tradea khă trito robo; on dukhade i kodoles, thai ankalade les avri.

¹³O stăpîno la răzako phendea: „So te kărau? Sî te tradau mîŕă šeaves le but kamblines; daštila pe kă primina les pativasa.”

¹⁴Ta le răzarea, kana dikhle les, dine pe duma maškar lende, thai phendine: „Dikta, o manditorii; aven te mudaras les, ta o mandimos te avel amaro.”

¹⁵Thai ankalade les avri andai răz, thai mudarde les. Akana, so kărăla lengă o stăpîno la răzako?

¹⁶Sî te avela, xasarăla sa le răzaren kodolen, thai e răz dela la avrăngă. „Kana ašundine on le divanuri kadala, phendine: „Čiăkdata!”

¹⁷Ta o Isus dikhlea orta pe lende, thai phendea: „So amean le divanuri kadala, kai sas ramome: „O Baŕ, kai šude les le vazditorea, arăslo te avel thodino ando šero le kolçohko?

¹⁸Or kon perăla poa baŕ kadoa, avela linčeardo lestar: thai pa kukoa kai perăla o, avela biurmako?

¹⁹Le raša le mai bară thai le zakonarea rodenas te thon o vast pe Leste, orta ando čeaso kodoa, ta daranas le norodostar. Ateardesas kă o Isus phendeasas e pilda kadea pa lende.

²⁰Von thodine te len sama po Isus; thai tradine varesar roditorea, kai kărdeonas kă sî bibezexale, kaste astarăn Les la orbasa thai te den Les po vast le stăpîniengo thai po vast la zorako le guvernatorehko.

²¹Le roditorea kadala pušle Les: „Sîkaitorina, jeanas kă des duma thai sîkaves le manušen orta, thai kă či rodes koa mui le manušengo, thai sîkaves le o drom le Devllehko ando čečimos.

²²Avela pe te potinas biro le Čezarohkă or na?”

²³O Isus ateardea lengo čiorimos, thai dea le anglal: „Anda soste zumaven Ma?

²⁴Sîkaven Mangă khă lov. Kahko tipo, thai kahkă slove sî ramome pe leste?” „Le Čezarohkă” dine anglal on.

²⁵Atunčera O phendea lengă: „Den le Čezarohkă ta so sî le Čezarohko, thai le Devllehkă so sî le Devllehkă.”

²⁶Našti astardine Les la orbasa angloa norodo; ta, mirime anda lehko dimos anglal, ašilemuto.

²⁷Unii andal Saducheia, kai phenen kă nai juvindimos, pašile thai pušline le Isusos:

²⁸„Sîkaitorina, dikta so ramosardea amengă o Moise: „Kana merăll o phral varekahko, kai sî les romni, ta bi te aven les šeave, o phral lehko te lel la romnea lehkărea, thai te vazdel o anau pehkă phralehkă.”

²⁹Ta sas efta phral. O mai anglal, însurisai'lo, thai mullo bi šeavengo.

³⁰Lehka romnea, lea la o duito; thai mullo i o bi šeavengo.

³¹Lea la i o trito, thai sa kadea li efta; thai mulle bi te mekăn šeave.

³²Pala sa, mulli i e juwli.

³³Akana, koa juvindimos, e romni savesti anda lende avela e juwli? Anda kă sogodi efta sas lengă romni?”

³⁴O Isus dea le anglal: „Le šeave le veakohkă kadalehkă însurin pe thai maritin pe;

³⁵ta kukola kai avena arakhade vrenikuri te avele rig andoa veako kai avela, čina či însurina pe, čina či măritina pe.

³⁶Anda kă čina či daština te merăn, kă avena sar le înjerea. Thai avena le šeave le Devllehkă, avindoi šave le juvindimahkă.

³⁷Ta kă le mulle juvindin, sîkadea orta o Moise, ando than kai sî o divano poa „Rugo”, kana del anau le Raies: „O Dell le Avraamohko, o Dell le Isakohko thai o Dell le Iakovohko.”

³⁸Ta o Dell nai khă Dell kolengo le mullengo, ta kolengo le juvindengo, kă anda Leste saoŕă sî juvinde.”

³⁹Iekh anda le zakonarea line o divano, thai phendine: „Sîkaitorina, mišto phendean.”

⁴⁰Thai či mai daštinas te thon Lehkă či khă pušlimos.

⁴¹O Isus phendea lengă: „Sar phenel pe kă o Kristoso sî o šeau le Davidohko?

⁴²Kă orta o David phenel ando Lill le Psalmengo: „O Rai phendea le Raiehkă mîŕăhkă: „Beši ande čečirig Mîŕî,

⁴³ji kana thoaua Te dušmaien tala Te pînŕă.”

⁴⁴Ta kana o Davido phenel Lehkă Rai; atunčeara sar O sî lehko šeau?”

⁴⁵Atunčeara phendea Pehkă jenngă ando ašundimos sa le norodohko:

⁴⁶„Arakhăn tume le zakonarendar, savengă čeaileon le te phiraven raxamea lunji, thai te kărăn lengă sai lumea rudimata andel piaçuri; on phirăn pala le skamina anglal andel khăngărea, thai pala le thana anglal kal pativa;

⁴⁷thai le khăra le phiwleangă xan le, ando čiro so, andal iakha la lumeakă, kărăn rudimata lunji. Anda kodea lena khă mai baro došalimos.”