Read Kalderash Romani Cornilescu Bible 2020 (Romania) Deutronomul 17 Bible Online

Deutronomul 17 - Kalderash Romani Cornilescu Bible 2020 (Romania) bible

Deutronomul 17

¹Te na anes jertfa le Raiehkă, le Devllehkă tirăhkă, vo khă guruw, or vo khă bakrišo kai te avel les vokh maladimos or vokh dukh ando stato, kă sahkă avel khă prikăjimos angloa Rai, o Dell tiro.

²Daštila te arakhadeol ande teo maškar, ande vo iekh anda le četăçi kai del tukă le o Rai, o Dell tiro, khă murši or khă juwli kai te kărăl so sî nasul angla o Rai, o Dell tiro, thai sao te ušteavel o phanglimos Lehko;

³kai te jeal pala aver devla thai te kandele thai te rudil pe angla lende, pala o kham, o šonuto or sa e oštirea le čerurendi, kadea sar me na mothodem.

⁴Dă iekhatar so lesa prinjeandimos thai ašunesa kadala buteatar, te kărăs rodimata peste sa. Te avela e buti kadea čeačes, kana o kărimos sî čeačiuno, kana o prikăjimos kadoa sas kărdino ando Israelo,

⁵atunčeara te anes kal udara tea četateakă le muršes or la juwlea kai avela došalo anda kadea jungali buti, thai te mudarăs le barănça or te došaves le mullimasa le muršes or la juwlea kodola.

⁶O došalo le mullimahko te avel mudardo po phendimos duiengo or trine martorengo; te na avel mudardo po phendimos khă korkoro martorohko.

⁷Anglal o vast le martorengo te vazdel pe leste kaste mudarăl les, thai pala kodea o vast sa le poporohko. Te ankalaves kadea o nasul anda teo maškar.

⁸Kana fala pe tukă but pharo te krisînis khă doši dikhlini ka khă mudarimos, ka khă biaterimatako, or kakh dukhaimos, thai kai dela than kakh xolli ande ti četatea, te uštes thai te ankles po than kai alosarăla les o Rai, o Dell tiro.

⁹Te jeas kal raša, kal Leviçea, thai ka kukoa kai avela ande slujba le krisinitoresti, te pušes le, thai on phenena tukă o phendimos la krisako.

¹⁰Te kărăs sar phenena tukă on ando than kai alosarăla les o Rai, thai te avel tu grija te kărăs sar sîkavena tu on.

¹¹Te kărăs pala e kris kai sîkavena tu thai pala o phendimos kai phenena les on, te na dureos kata so phenena tukă on, či ande rig e čeači či ande bičeači.

¹²O manuši kai, andoa barimos, či ašunela le rašastar thodino oče kaste kandel le Raies, te Devlles, or sao či ašunela le krisînitorestar, o manuši kodoa te avel došaldo le mullimasa. Te ankalaves o nasuol andoa maškar le Israelohko,

¹³anda ka soa poporo te ašunel thai te daral, thai te na mai delpebaro. E kris anda o thagar.

¹⁴Pala so šosa tu ando čem kai dela tu o Rai, o Dell tiro, thai stăpînisa les, pala so anzarăsa teo bešlimos, thai va phenesa: „Kamau te thoau pa mande khă thagar, sar sa le neamuri kai denmaroata,”

¹⁵te thos pa tute sar thagar koles kai alosarăla les o Rai, o Dell tiro, ta varesar te les khă thagar andoa maškar te phralengo; naštisa te thos thagar khă străinos, kai te na avel teo phral.

¹⁶Ta te na aven les but grast, thai te na amboldel le poporos ando Ejipto kaste aven les but grast; kă o rai phendea tumengă: „Te na mai ambolden tume po drom kodoa.”

¹⁷Te na avel les khă baro dindimos romneango, kaste na dureol lehko illo; thai te na tidel bară gomile rupehkă thai sumnakahkă.

¹⁸Kana thola pe po skamin le raimahko la thagarimahko lehko, te ramol anda leste, ande khă lill, khă kopia kadala krisako, kai te lela kata le raša anda o neamo le Leviçăngo.

¹⁹Sî te avela lesa thai te drabarăla ande sa le des pehka čivavakă, kaste sîteol te daral le Raiestar, pehkă Devllestar, thai te arakhăl thai te pherăl sa le divanuri anda e kris kadea thai sa le mothodimata kadala,

²⁰anda ka lehko illo te na vazdel pe mai opră lehkă phralendar, thai te na dureol kata le mothodimata kadala či ande čeačirig či ande bičeači, thai te aven les kadea but des ando thagarimos lehko, o thai le šeave lehkă, ando maškar le Israelohko.