Read Kalderash Romani Cornilescu Bible 2020 (Romania) Deutronomul 33 Bible Online

Deutronomul 33 - Kalderash Romani Cornilescu Bible 2020 (Romania) bible

Deutronomul 33

¹Dikta o dinodumadămišto savesa o Moise, o manuši le Devllehko, deadumadămišto le šeaven le Israelohkă, anglal te merăl.

²O phendea: „O Rai avilo andoa Sinai, Thai lulludeardea pa lende andoa Seir, Străfeailo anda o baŕobaro o Paran, Thai ankăsto anda o maškar le dešengo le miiengă le sfinçăngă, Avindoi Les ande rig e čeači e iag la krisati.

³E, O kamel le popoare; Sa le sfinçi sî ande Teo vast. On bešline ka Te pînŕă, Line le divanuri Tiră.

⁴O Moise de ame e kris, O mandimos le tidimahko le Iakovohko.

⁵O sas thagar ando Israelo, Kana tidenas pe le šerălebară le poporohkă Thai le semençii le Israelohkă.

⁶Te trail o Ruben thai te na merăl, Thai le murši lehkă te aven but ando dindimos!”

⁷Dikta so phendea poa Iuda: „Ašun, Raia o mui le Iudahko, Thai an les ka lehko poporo. Zurale te aven lehkă vast, Thai te aves lehkă ando kandimos anda lehkă dušmaia!

⁸Poa Levi phendea: „Tumim thai urim sas dine le muršehkă le sfîntonehkă, Saves zumadean les ande Masa, Thai savesa xalean Tu ka le paia Le Meriba.”

⁹O Levi phendea pa pehko dadd thai pa pesti dei: „Či dikhlem le!” Thai pa pehkă phral: „Či prinjeanau tume!” Ta le šaoŕăndar či kamblea te mai jeanel.” Kă on arakhăn o Divano Tiro, Thai nikrăn o phanglimos Tusa;

¹⁰On sîkaven le Iakovos Te mothodimata, Thai le Israelos Ti kris; On thon tămîia tala Te nur, Thai phabarimos dă sa pe Tiro altari.

¹¹Dedumadămišto lesti zor, Raia! Le e buti lehkă vastendi! Phag le prašave lehkă dušmaiengă, Thai le dušmaia lehkă te na mai ušten!”

¹²Pa o Beniamin phendea: „O sî o but kammblino le Raiehko, O bešela garado paša Leste. O Rai avela lesa orkana, Thai xodinila maškar le dume Lehkă.”

¹³Poa Iosif phendea: „O čem lehko lela kata o Rai, sar Sămno doinedumadămištimahko, E mai laši pativ le čeresti, e iasflačeareati, Le mai laše paia kai sî tele,

¹⁴Kukola le mai laše roade le khamehkă, Le mai laše roade sako šonehko,

¹⁵Le mai laše rodurea andal baŕlebară le purane, Kukola le mai laše roade pal pleaia le vešnikuri,

¹⁶Kola le mai laše roade la phuweakă thai sa so sî pe late. O lašimos Kukolehko kai sîkadi'lo ando rugo Te avel poa šero le Iosifohko, Po krešteto le šerăhko le raiehko lehkă phralengo!

¹⁷Les sî les o šukarimos le anglal kărdinehko le taurohko; Le šinga lehkă sî sar le šinga le kaleguruwehkă; Lença pusavela sa le popoare, Ji koa gor la phuweako: On sî le dešea le miiengă le Efraimohkă, On sî le mii le Manasoshkă.”

¹⁸Poa Zabulon phendea: „Bukurisao, Zabuloane, anda te prastaimata, Thai tu, Isaxar, le çărendar tirăndar!

¹⁹On akharăna le popoare po baŕobaro; Oče, anena jertfe čeačimahkă, Kă pena o bravallimos la mareako, Thai le mandina garade ande tišai.”

²⁰Poa Gad phendea: „Dinodumadămišto te avel kon buflearăl le Gados: O Gad xodinil sar khă leo, Thai xal le angale thai le šeră.

²¹O alosardea e mai anglal rig le čemesti, Kă oče bešel garado o mandimos le krisînitorehko; O gălo le maibarănça le poporoskă, Andea o pherdimos le čeačimahko le Raiekărăstar, Thai le mothodimata Lehkă angloa Israelo.”

²²Pa o Dan phendea: „O Dano sî khă puio leohko, Kai šudel pe andoa Basano.”

²³Poa Naftali phendea: „O Neftali, čeilo lašimastar, Thai pherdo dinedumadămišto kata o Rai, Lel ando stăpînimos e rig katar pherălokham thai katar avelodes!”

²⁴Poa Ašer phendea: „Dinodumadămišto te avel o Ašer maškar le šeave le Israelohkă! Čeailimasa te avel pehkă phralengă, Thai te kovlearăl pehko punŕo ando zetino!

²⁵Le druguri tiră te aven sastrehkă thai xarkumakă, Thai ti zor te nikrăl sode sî te des!”

²⁶Khonikh nai sar o Dell le Israelohko, O nakhăl pal čeruri kaste avel te kandel tu, Nakhăl barimasa pal norea.

²⁷O Dell o vešniko sî khă than garaimahko, Thai tala leskă vast le vešničea sî khă than skăpimahko. O našadea le dušmanos angla tute, Thai phendea: „Xasar les.”

²⁸O Israelo sî bidarako ande lehko than, E xaing le Iakovosti sî andekhrig Ande khă čem pherdo div thai musto, Thai o čeri lehko piteal iasfčeareati.

²⁹Baxtalimos tutar, Israele „Kon sî sar tute, Khă poporo skăpisardo le Raiestar, O skuto kai del tu kandimos, Thai e sabia kai kărăl tu slăvime? Te dušmai kărăna sar le amal angla tute, Thai tu, ušteavesa pa lengă učimata.”