Read Kalderash Romani Cornilescu Bible 2020 (Romania) Galatenea 4 Bible Online

Galatenea 4 - Kalderash Romani Cornilescu Bible 2020 (Romania) bible

Galatenea 4

¹Ta sode čiro o mandimatorii sî bibăršengo, me phenau kă či dičiol khančestar le robosa, barem kă sî srtăpîno pa sa.

²Ta sî tala le epitropea thai kandimatorea, ji koa čiro lašardino lehkă daddestar.

³Sa kadea i ame, kana samas bibăršengo, samas tala o robimos le sîkaimatăngo line la lumeakă.

⁴Ta kana avilo o pherdimos le čirohko, o Dell tradea Pehkă Šeaves, kărdo andai juwli, kărdo tala e Kris,

⁵kaste potinel kukolen kai sas talai Kris, anda kaste las o šeavimos.

⁶Thai anda kă san šeave, o Dell tradea mengă ando illo o Duxo Pehkă Šavehko, kai del mui: „Ava” kadea: „Daddna!”

⁷Kadea kă či mai san robo, ta šeau; thai kana san šeau, san mandimatorii, andoa Dell.

⁸Averdata, kana či prinjeanenas le Devlles, sanas robime kolengă so ande lumea lend, nai devla.

⁹Ta akana, pala so prinjeandean le Devlles, or mai mišto phendino, pala so sanas prinjeande le Devllestar, sar mai ambolden tume pale ka kodola sîkaimata dă anglal, kovle thai čioŕă, savengă kamen te mekăn tume pale?

¹⁰Tume arakhăn des, šon, čiruri thai bărši.

¹¹Darau te na ašadilino dăivea anda tumende.

¹²Phralale, rudi tume te aven sar mande, kă i me sîm sar tumende. Či kărdean mangă či khă bičeačimos.

¹³Avervaresar, jeanen kă, ando bidaštimos le statohko dem tumengă duma e LašiVestea anda mai anglal data.

¹⁴Thai, či sîkadean či khă bilašimos, či khă greçomos anda so sas khă zumaimos anda tumende ande muŕo stato: avervaresar, lean ma sar khă înjeros le Devllehko, orta sar le Isusos Kristosos.

¹⁵Kai sî o baxtalimos tumaro? Kă phenau tumengă kă, te avilino daštimasa, sahkă ankalaven tumengă ji pune i le iakha thai sahkă den mangă le.

¹⁶Kărdilem kadea tumaro dušmano, anda kă phendem tumengă o čeačimos?

¹⁷Na le gîndosa lašo sî pherde zor on anda tumende, ta kamen te dentumerigate paša amende, kaste aven pherde zor anda lende.

¹⁸Sî mišto te aves pherdo zor orkana andoa mištimos, na numai kana sîm angla tumende.

¹⁹Mîŕă šeaoŕă, anda save pale atearau le dukhaimata le kărdimahkă, ji kana lela o Kristoso tipo ande tumende!

²⁰O, sar sahkă kamau te avau akana angla tumende, thai te paruvau muŕo glaso; kă či jeanau so te mai pateau!

²¹Phenen mangă tume, kai kamen te aven talai Kris, či ašunen tume e Kris?

²²Kă sî ramome kă o Avraamo sas les dui šeave: iekh andai roaba, thai iekh andai juwli e slobodo.

²³Ta kukoa andai roaba kărdi'lo ando tipo sar trăbul, ta kukoa anda e juwli e slobodo kărdi'lo andoa šinadimos.

²⁴Le butea kadala trăbun ateardine aver atearimasa: kadala sî dui phanglimata: iekh poa baŕobaro o Sinai kărdo anda e robia thai sî e Agar,

²⁵kă e Agar sî o baŕobaro o Sinai andai Arabia; — thai del anglal le Ierusalimos dă akanara, kai sî ande robia andekhthan pehkă šeavença.

²⁶Ta o Ierusalimo dă opral sî slobodo, thai o sî amari dei.

²⁷Anda kă sî ramome: „Bukurisao, tu kai našti aven tu gloate! Demui bukurimasa thai çîpisar, tu, kai či san andel dukhaimata le kărdimahkă! Kă le šeave kolati meklini avena ando dindimos mai baro dă sar le šeave kolati romesa.”

²⁸Thai tume, phralale, sar i o Isako, tume san šeave le šinaimahkă.

²⁹Thai sar kărdilea atunči, kă kukoa kai kărdi'lo sas ando tipo la lumeako, našavelas koles kai kărdi'lo sas andoa Duxo sa kadea kărdiol i akana.

³⁰Ta so phenel o LillleDevllehko? „Našau la roaba thai lakă šeaves, kă o šeau la roabako či mandinila andekhthan le šeavesa la juwleako slobodo.”

³¹Anda kodea, phralale, ame či sam le šeave kodola roabakă, ta le šeave la juwleakă slobodo. O Kristso skăpisardeame kaste avas slobozea.