Read Kalderash Romani Cornilescu Bible 2020 (Romania) Iosua 12 Bible Online

Iosua 12 - Kalderash Romani Cornilescu Bible 2020 (Romania) bible

Iosua 12

¹Dikta le thagar kai marde le ăl šeave le Israelohkă, thai savengo čem line les ando stăpînimos ande kolaver rig le Iordanosti, karing anklelokham, katoa paioro Arnon ji koa baŕbaro o Xermono, sa le islazosa katar avelodes:

²Le Sixonos, o thagar le Amoriçăngo, kai bešelas ando Xesbon. O stăpînimos lehko tinzolas pe dă kata o Aroer, kai sî po malo le paiorohko Arono, thai, kata o maškar le paiorăhko, pa dopaši andoa Galaado, ji koa pai Iabok, e phuw le šeavendi le Amonohkă;

³kato islazo ji kai marea Chineret katar avelodes, ji kai marea le islazosti, kai sî e marea e Londi, katar avelodes, karing o Bet-Iešimot; thai katar dopašidesăsko karing e podi le baŕbarăsti e Pisga.

⁴Le Ogos, o thagar le Basanohko, e korkoro urma le Refamiçăndi, kai bešenas ando Aštarot thai ando Edrei.

⁵O stăpînimos lehko tinzolas pe poa baŕobaro le Xermonohko, pai Salka, pa soa Basano, ji kai phuw le Ghešuriçăndi thai le Maakatiçăndi, thai poa dopaši andoa Galaado, e phuw le Sixonosti, othagar le Xesbronohko.

⁶O Moise, o robo le Raiehko, thai le šeave le Israelohkă, marde le; thai o Moise, o robo le Raiehko, dea le len o čem ando stăpînimos le Rubeniçăndi, le Gadiçinendi, thai koa dopaši anda e semençia le Manasosti.

⁷Dikta le thagar kai mardea le o Iosua thai le šeave le Israelohkă ordal le Iordanostar, kai perălokham, katar o Ball-Gad ande xar le Libanosti ji koa baŕobaro o ŕanglo, kai vazdel pe karing o Seir. O Iosua dea lengo čem ando stăpînimos le semençiengo le Israelohkă, sakoiekhăs dea les lesti rig,

⁸ando baŕobaro, ande xar, ando islazo, pel prašave, ande pustia, thai ande rig katar o dopašiodes o čem le Xetiçăngo, le Moriçăngo, le Kanaaniçăngo, le Fereziçăngo, le Xeviçăngo thai le Iebusiçăngo.

⁹O thagar le Ierixonohko, iekh; o thagar andoa Ai, paša o Betel, iekh;

¹⁰o thagar le Ierusalimohko, iekh; o thagar le Xebrunohko, iekh;

¹¹o thagar le Iarmutohko, iekh; o thagar le Lakxišohko, iekh;

¹²o thagar le Eglonohko, iekh; o thagar le Ghezerohko, iekh;

¹³o thagar le Debirohko, iekh; o thagar le Ghederohko, iekh;

¹⁴o thagar anda e Xorma, iekh; o thagar le Aradohko, iekh;

¹⁵o thagar la Libnako, iekh; o thagar le Adulathamohko, iekh;

¹⁶o thagar anda e Macheda, iekh; o thagar le Betelohko, iekh;

¹⁷o thagar le Tapuahohko, iekh; o thagar le Xeferohko, iekh;

¹⁸o thagar le Afekohko, iekh; o thagar le Lašaronohko, iekh;

¹⁹o thagar le Madonohko, iekh; o thagar le Xaçorohko, iekh;

²⁰o thagar le Šimrom-Meronohko, iekh; o thagar le Akšafohko, iekh;

²¹o athagar le Taannakohko, iekh; o thagar andoa Meghido, iekh;

²²o thagar andoa Chedeš, iekh; o thagar le Iokneamohko, ando Karmelo, iekh;

²³o thagar le Dorohko, pel učimata le Dorohkă, iekh; o thagar le Goimohko, paša o Gxilgalo, iekh;

²⁴o thagar anda e Tirça, iekh; Pa sea treanda thai iekh thagar.