Read Kalderash Romani Cornilescu Bible 2020 (Romania) Iosua 15 Bible Online

Iosua 15 - Kalderash Romani Cornilescu Bible 2020 (Romania) bible

Iosua 15

¹E rig peli andoa çîrdimos la semençiakă le šeavendi le Iudahkă, pala lengă familii, tinzolas pe karing e phuw le Edomosti ji ande pustia e Çin, katarperălodes.

²Kadeadar, e phuw lendi katarperălodes telearălas kata o gor la mareako la Londeako, kata o bărkh kai rodel katarperălodes.

³Anklelas karing perălodes le ankăstimastar Akrabim, nakhălas andoa Çin, thai anklelas katarperălodes la Kades-Barnea; oçal nakhălas angle andoa Xeçron, anklelas karing o Adar, thai amboldelas pe ando Karkaa;

⁴nakhălas pala kodea andoa Açmono, jealas ji koa paioro le Ejiptohko, thai anklelas kai marea. Kadea te avel tumari phuw anda e rig katar perălodes.

⁵E phuw katar anklelokham sas e marea e Londi ji koa nakhadimos le Iordanohko. E phuw katar perălereat telearălas kata o bărkh la mareako kai sî koa nakhadimos le Iordanohko.

⁶Anklelas karing o Bet-Xogla, nakhălas katar perălereat andoa Bet-Araba, thai vazdelas pe ji koa baŕ le Boxanohko, o šeau le Rubenohko;

⁷anklelas mai angle ando Debiro, ka khă dureardimos lašoro la xareatar Akor, thai jealas karing perălereat karing o Ghilgalo, kai sî angloa mui le ankăstimahko o Adumimo karing avelodes le paiorăstar. Nakhălas paša le paia le En-Šemeš, thai jealas ji ando En-Roguelo.

⁸Anklelas oçal anda e xar Ben-Xinom karing perălodes le Iebusostar, kai sî o Ierusalimo; pala kodea vazdelas pe ji koa gor le baŕăbarăhko, kai sî ando čeačimos la xareako Xinomo karing perălokham, thai kata o gor la xareako le Refaimiçăndi karing perălereat.

⁹Anda o gor le baŕăbarăhko, e phuw tinzolas pe ji kai xaing le paiendi Neftoax, anklelas ka le četăçi le baŕbarăhkă o Efrono, thai nakhălas anda e Baala, or Chiriat-Iearim.

¹⁰Anda o Baala amboldelas pe karing perălokham karing o baŕbaro o Seir, nakhălas anda e rig katar avelereat le baŕbaăsti Iearim, or Chesalon, ulelas koa Bet-Šemeš, thai nakhălas anda e Timna.

¹¹Pala kodea anklelas ande laviça katar avelereat lethai anklelas kai marea.

¹²E phuw karin perălokham sas e marea e bari thai lati rig. Kadala sas, pa sal riga, le phuwea le šeavengă le Iudahkă, pala lengă familii.

¹³Le Kalebohkă, o šeau le Iefunohko, dine les khă rig ando maškar le šeavengo le Iudahko, sar mothodeasas le Iosuahkă o Rai; les dine les e Chiriat-Arba, kai sî o Xebrono: o Arba sas o dadd le Anakohko.

¹⁴O Kaleb našadea oçal le kolen trine šaven le Anakohkă: o Šešai, o Aximan thai o Talmai, le šeave le Anakohkă.

¹⁵Oçal ankăsto angla le manuši le Debirohkă: o Debiro bušolas mai anglal Chirat-Sefer.

¹⁶O Kaleb phendea: „Koles kai marăla e četatea e Chiriat-Sefer thai lela la, daua les dă romni mîŕa šea la Aksa.”

¹⁷O Otnielo, o šeau le Chenazehko, o phral le Kalebohko, thodea o vast pe late; thai o Kaleb dea les dă romni pehka šea la Aksa.

¹⁸Pala so šutea pe oi koa Otnielo, phendea lehkă te mangăl kata lako dadd khă phuw. Oi dea pe tele poa katîro lako, thai o Kaleb phendea lakă: „So kames?”

¹⁹Oi dea les anglal: „Kăr mangă khă pativ, kă dean ma khă phuw baŕardi; de ma i xainga paiehkă.” Thai o dea la le xainga opral thai le xainga telal.

²⁰Kadea sas o mandimos le šeavengo le Iudahko, pala lengă familii.

²¹Le četăçi thodine ande le phuwea katar avelodes, anda e rig e mai dureardi la semençiati le šeavendi le Iudasti, karing e phuw le Edomosti, sas, Kabçeel, Eder, Iagur,

²²China, Dimona, Adada,

²³Chedeš, Xaçor, Itnan,

²⁴Zif, Telem, Bealot,

²⁵Xaçor-Xadata, Cheriot-Xeçron, kai sî o Xaçor,

²⁶Amam, Šema, Molada,

²⁷Xaçar-Gada, Xešmon, Bet-Palet,

²⁸Xaçar-Šual, Beer-Šeba, Biziotia,

²⁹Baala, Iim, Açem,

³⁰Eltolad, Chesil, Xorma,

³¹Çiklag, Madmana, Sansana,

³²Lebaot, Šilxim, Ain thai Rimon. Sa le četăçi: biš thai înia, andekhthan lengă gavença.

³³Ando islazo: Eštaol, Çorea, Ašna,

³⁴Zanoax, En-Ganim, Tapuax, Enam,

³⁵Iarmut, Adulam, Soco, Azeka,

³⁶Šaaraim, Aditaim, Ghedera, thai Ghederotaim; štarvardeši četăçi, thai lengă gava.

³⁷Çenan, Xadaša, Migdal-Gad,

³⁸Dilean, Miçipe, Iokteel,

³⁹Lachiš, Boçkat, Eglon,

⁴⁰Kabon, Lahmas, Chitliš,

⁴¹Ghederot, Bet-Dagon, Naama, thai Macheda; dešušov četăçi, thai lengă gava.

⁴²Libna, Eter, Ašan,

⁴³Iiftax, Ašna, Neçib,

⁴⁴Cheila, Akzib thai Mareša; înia četăçi, thai lengă gava.

⁴⁵Ekron, le četăçi thai le gava lehkă,

⁴⁶andoa Ekrono thai kai perălokham, sa le četăçi paša o Asdod, thai le gava lengă,

⁴⁷o Asdod, le četăçi thai le gava lehkă; e Gaza, le četăçi, thai lakă gava, ji koa paioro le Ejiptohko, thai kai marea e bari, kai să lendi phuw.

⁴⁸Ando baŕobaro: Šamir, Iatir, Soko,

⁴⁹Dana, Chiriat-Sana, kai sî o Debiro,

⁵⁰Anab, Eštemo, Anim,

⁵¹Gosen, Xolon, thai Ghilo, dešiekh četăçi, thai lengă gava.

⁵²Arab, Duma, Ešean,

⁵³Janum, Bet-Tapuax, Afeka,

⁵⁴Xumta, Chiriat-Arba, kai sî o Xebrono, thai Çior; înia četăçi, thai lengă gava.

⁵⁵Maon, Karmel, Zif, Iuta,

⁵⁶Iizreel, Iokdeam, Zanoax,

⁵⁷Kain, Ghibea, thai Timna; deši četăçi, thai lengă gava.

⁵⁸Xalhul, Bet-Çur, Ghedor,

⁵⁹Maarat, Bet-Anot, thai Eltekon; šou četăçi thai lengă gava.

⁶⁰Chirat-Baal, kai sî o Chirat-Iearim, thai Raba; dui četăçi, thai lengă gava.

⁶¹Ande pustia: Bet-Araba, Midin, Sekaka,

⁶²Nibšan, Ir-Xamelax, thai En-Ghedi; šou četăçi thai lengă gava.

⁶³Le šeave le Iudahkă naštisarde te našaven le Iebusiçăn kai bešenas ando Ierusalimo; thai le Iebusiçea bešline le šavença le Iudahkă ando Ierusalimo ji ando des dă adesara.