Read Kalderash Romani Cornilescu Bible 2020 (Romania) Iosua 16 Bible Online

Iosua 16 - Kalderash Romani Cornilescu Bible 2020 (Romania) bible

Iosua 16

¹E rig peli koa çîrdimos le šeavengă le Iosifohkă tinzolas pe dă kata o Iordano, paša o Ierixono, karing le paia le Ierixonohkă, katar anklelokham. E phuw jealas ande pustia kai vazdelas pe andoa Ierixono ando Betelo andoa baŕobaro.

²Jealas mai angle andoa Betelo ando Luz, thai nakhălas karing e phuw le Archiçendi andoa Ataroto.

³Pala kodea ulelas karing perălokham karing e phuw le Iafletiçăndi, ji kai phuw le Bet-Xoronosti dă telal thai ji koa Ghezero, ankăstindoi kai marea.

⁴Oče line pehko mandimos le šeave le Iosifohkă: o Manase thai o Efraimo.

⁵Dikta le phuwea le šeavengo le Efraimohkă, pala lengă familii. E phuw le mandimasti lendi sas, kataranklelokham, o Atarot-Adar ji ando Bet-Xorono dă opral.

⁶Anklelas karing e marea ando Mikmetate ande rig katar avelereat, amoldelas pe katar anklelokham andoa Ianoax.

⁷Andoa Ionax ulelas ando Atarot thai ando Naarata, malavelas o Ierixono, jealas ji ando Iordano.

⁸Andoa Tapuax jealas karing perălokham ji koa paioro o Kana, thai anklelas kai marea. Kadea sas o mandimos la semençiako le šeavendi le Efraimohkă, pala lengă familii.

⁹Le šeave le Efraimohkă sas le i četăçi avervaresar ando maškar le mandimahko le šeavengo le Manasohkă, sa pehkă gavença.

¹⁰On či našadine le Kananiçăn kai bešenas ando Ghezero, thai le Kananiça bešline ando maškar le Efraimohko ji ando des dă adesara, ta nas thodine te potinen biro.