Read Kalderash Romani Cornilescu Bible 2020 (Romania) Iosua 21 Bible Online

Iosua 21 - Kalderash Romani Cornilescu Bible 2020 (Romania) bible

Iosua 21

¹Le mai bară le familiengă le Levitiçăngă paši'le ăl rašastar le Eleazarostar, le Iosuostar, o šeau le Nunofko, thai le mai barăndar le familiengă le semeçiengă le šeavengo le Israelohkă.

²Dine lengă duma ando Silo, ando čem le Kanaanohko, thai phendine: „O Rai mothodea andoa Moise te den pe amengă četăçi kai te bešas, pehkă rigănça anda amară juvindimata.”

³Le šeave le Israelohkă dine atunčeara le Leviçăn, anda o mandimos lengo, kadala četăçi thai lengă riga, pala o mothodimos le Raiehko.

⁴Çîrdine koa sorço anda le familii le Chexatičengo; thai le Leviçea, le šeave le rašahkă le Aaronohkă, sas le andoa çîrdimos dešutrin četăçi anda e semençia le Iudasti, anda e semençia le Simeonosti, thai anda e semençia le Beneaminosti;

⁵le kolaver šeave le Cheatohkă sas le andoa çîrdimos deši četăçi le familiengă anda e semençia le Efraimosti, anda e semençia le Danosti, thai anda e dopaši semençia le Manasosti.

⁶Le šeave le Gheršonohkă sas le andoa çîrdimos dešutrin četăçi le familiengo anda e semençia le Isaxarosti, anda e semençia le Ašerosti, anda e semençia le Neftalosti thai anda e dopaši semençia le Manasosti ando Basano.

⁷Le šeave le Merarohkă, pala lengă familii, sas le dešudui četăçi anda e semençia le Rubenosti, anda e semençia le Gadosti, thai andai semençia le Zabulanosti.

⁸Le šeave le Israelohkă dine le Leviçăn, andoa çîrdimos, kadala četăçi pehkă rigănça, sar mothodeasas le Moisahkă o Rai.

⁹Dine anda e semençia le šeavendi le Iudasti thai anda e semençia le šeavendi le Simeonosti le četăçi kadala kai bušonas po anau,

¹⁰thai kai sas le ševengă le Aaronohkă andal familii le Chexatiçăngă thai le šeavengă le Levehkă, kă on ankăste mai anglal koa çîrdimos.

¹¹Dine le e Chiriat-Arba, or o Xebrono, ando baŕobaro le Iudahko, thai o than rigatar: o Arba sas o dadd le Anakohko.

¹²O islazo la četateako thai lakă gava sas dine ando stăpînimos le Kalebohko, o šeau le Iefunohko.

¹³Dine kadea le šeaven le rašahkă le Aaronohkă: e četatea le skăpimasti anda le mudarditorea, o Xebron thai le riga lehkă, e Libna thai lakă riga,

¹⁴O Iatiro thai lehkă riga, e Eštemoa thai lakă riga,

¹⁵O Xolono thai lehkă riga, o Debiro thai lehkă riga,

¹⁶O Aino thai lehkă riga, e Iuta thai lakă riga, thai o Bet-Šemešo thai lehkă riga: înia četăçi anda kadala dui semençii;

¹⁷thai anda e semençia le Beniaminosti: o Gabono thai lehkă riga, e Gheba thai lakă riga,

¹⁸o Anatot thai lehkă riga, thai o Almono thai lehkă riga: štar četăçi.

¹⁹Sa le četăçi le rašangă, le šeavengă le Aaronohkă, sas dešutrin četăçi thai lengă riga.

²⁰Le Leviçi anda le familii le kolavrăngă šeave le Cheatohkă sas le andoa çîrdimos četăçi anda e semençia le Efraimosti.

²¹Dine le e četatea le skăpimasti anda le mudaritorea, o Sixemo thai lehkă riga, ando baŕobaro le Efraimohko, o Ghezero thai lehkă riga,

²²O Chibçaim thai lehkă riga, thai o Bet-Xoron thai lehkă riga, štar četăçi;

²³anda e semençia le Danosti: e Elteche thai lakă riga, o Ghibeton thai lehkă riga,

²⁴o Aialon thai lehkă riga, thai o Gat-Rimon thai lehkă riga, štar četăçi;

²⁵thai andoa dopaši anda e semençia le Manasosti: o Taanak thai lehkă riga, thai o Gat-Rimon thai lehkă riga, dui četăçi.

²⁶Sa le četăçi sas deši, thai lengă riga, anda le familii le kolavră šeavengă le Chexatohkă.

²⁷Dine le šeaven le Gheršonohkă, anda le familii le Leviçăngă: anda e kolaver dopaši la semençiati le Manasosti, e četatea le skăpimasti anda le mudarditorea e Golan andoa Basano thai lakă riga, thai e Beeštra thai lakă riga, dui četăçi;

²⁸anda e semençia le Isaxarosti: o Chišion thai lehkă riga, o Dabrat thai lehkă riga,

²⁹o Iarmuto thai lehkă riga thai o En-Ganim thai lehkă riga, štar četăçi;

³⁰anda e semençia le Ašerosti: o Mišeal thai lehkă riga, o Abdono thai lehkă riga,

³¹o Xelkat thai lehkă riga, thai o Rexob thai lehkă riga, štar četăçi;

³²thai anda e semençia le Neftalesti: e četatea le skăpimasti anda le mudarditorea e Chedeš anda e Galilea thai lakă riga, O Xamot-Dor thai lehkă riga, thai o Kartano thai lehkă riga, trin Četăçi.

³³Sa le četăçi le Gheršoniçăndgă, pala lengă familii, sas dešutrin četăçi, thai lengă riga.

³⁴Le kolavrăngă Leviçăngă, kai kărănas rig anda le familii le Merarehkă, dine le: anda e semençia le Zabulanosti: o Iokneamo thai lehkă riga, e Karta thai lakă riga,

³⁵e Dimna thai lakă riga, thai o Naxalalo thai lehkă riga, štar četăçi;

³⁶anda e semençia le Rubenosti: o Beçero thai lehkă riga, e Iahça thai lakă riga,

³⁷o Chedemot thai lehkă riga, thai Mefaat thai lehkă riga, štar četăçi;

³⁸thai anda e semençia le Gadosti: e četatea le skăpimasti anda le mudaitorea, o Ramoto anda o Galaado thai lehkă riga, o Maxanaim thai lehkă riga,

³⁹o Xesbono thai lehkă riga, thai o Iaezero thai lehkă riga, dă sa: štar četăçi.

⁴⁰Sa le četăçi kai pele koa çîrdimos le šeavengă le Merarehkă, pala lengă familii, kai kărănas le kolaver familii le Leviçăngă, sas dešudui četăçi.

⁴¹Sa le četăçi le Leviçăngă andoa maškar le phuweango le šeavengo le Israelohkă sas štarvardeši thai oxto četăçi, thai lengă riga.

⁴²Sakogodi anda kadala četăçi sas la lakă riga dă paša late; kadea sas sa le četăçi kadala.

⁴³Kadedar, o Rai dea le Israelos soa čem kai solaxadeasas kă dela lengă les lengă daddengă; on line les ando stăpînimos thai thodine pe ande leste.

⁴⁴O Rai dea le xodinimos pa sal riga, sar solaxadeasas lengă daddengă; či iekh anda lengă dušmaia naštisardea te bešel angla lende, thai o Rai dea le saoŕăn ande lengo vast.

⁴⁵Anda sa le divanuri le laše kai phendeasas le ăl khărăhkă le Israelokă o Rai, či iekh či ašilo bikărdo: sa pherdile.