Read Kalderash Romani Cornilescu Bible 2020 (Romania) 1 Timotei 2 Bible Online

1 Timotei 2 - Kalderash Romani Cornilescu Bible 2020 (Romania) bible

1 Timotei 2

¹Ta me mothoau tumengă, anglal dă sa, te kărăn rudimata, manglimata, andimata, naismata anda sal manuši,

²anda le thagar thai anda sa kola kai sî le vazdine andel vazdimata bară kaste dašti nigras kadea khă čivava uji thai laši, sa le patimasa thai sa la pativasa.

³Kadea buti sî vareso lašo thai mišto lino angloa Dell, o Skăpitorii amaro,

⁴kai kamel ka sal manuši te aven skăpime thai te aven koa prinjeandimos le čeačimahko.

⁵Kă sî khă kortkoŕo Dell, thai sî khă korkoŕo lašaitorii maškar o Dell thai le manuši: o Manuši o Isus Kristoso,

⁶kai dea Pe orta Pes, sar potindimos potindimahko anda saoŕă: e buti kadea trăbulas čeačeardi koa čiro lino,

⁷thai o dinoduma thai o apostol lehko sîmas thodino me — phenau o čeačimos ando Kristoso, či xoxavau-kaste sîkavau le Neamuren o pateimos thai o čeačimos.

⁸Kamau ta le murši te rudin pe ande or savo than, thai te vazden karing o čerii vast uje, bi xoleako thai bi te denparpale.

⁹Kamau, sakadea, le juwlea te rudin pe xureadea ando tipo sar trăbul, lajavesa thai darasa; na akhuvdimatănça le ballengă, či sumnakasa, či merjealença, či çoalença kuči,

¹⁰ta kărimatença laše, sar avel mišto le juwleangă kai phenen kă sî pateamnea.

¹¹E juwli te sîteol so ašunel muto, sa le meklimasa.

¹²Le juwlean či mekau le te sîkaven avrăn, či te vazden pe mai opră dă sar o murši, ta te bešen ando ašimos.

¹³Kă anglal sas kărdo o Adamo, thai palal e Eva.

¹⁴Thai na o Adam sas athado; ta e juwli sas athadi, kărdili došali kă ušteadea o mothodimos.

¹⁵Varesar oi avela skăime andoa kărdimos le šeavengo, kana bešena mekline ando pateaimos, ando kamblimos thai ando sfinçimos.