Read Kalderash Romani Cornilescu Bible 2020 (Romania) Filimono 1 Bible Online

Filimono 1 - Kalderash Romani Cornilescu Bible 2020 (Romania) bible

Filimono 1

¹O Pavelo, o phandado le Isus Kristosohko, thai o phral o Timotei, karing o but kamblino Filimono, o jeno amaro la buteako,

²karing e phei e Apfia thai karing o Arxip, o jeno amaro le mardimahko, thai karing e Khăngări anda teo khăr:

³Xaro thai pačea kata o Dell, o Dadd amaro, thai kata o Rai o Isus Kristoso!

⁴Naisarau orkana mîŕă Devllehkă, or sodivar anau mangă godi tutar ande mîŕă rudimata,

⁵anda kă ašundem poa pateaimos kai sî tu ando Rai o Isus thai o kamblimos angla sal sfinçea.

⁶Rudi Les ta kadoa rudimos tiro ando pateaimos te dičiol pe andal kărdimata, kaste sîkaven soa lašimos kai kărdeol pe maškar amende ando Kristoso.

⁷Ande čeačimaste, sas ma khă baro bukurimos thai lašimos, andoa kamblimos tiro, andakă, phrala, le ille le sfinçăngă sas zureardo ande tute.

⁸Anda kodea, barem kă sî ma soa slobozîmos ando Kristoso te mothoau tukă so trăbul te kărăs,

⁹kamau mai iekhatar te kărau tukă khă rudimos ando anau le kamblimahko, me, kadea sar sîm, o phuro Pavelo; ta akana phandado andoa Isus Kristoso Isuso.

¹⁰Rudi tu andoa šeau muŕo, kai kărdem les ande mîŕă lançuri: anda o Onisimo,

¹¹kai aver data sas tukă bikandimahko, ta sao akana sî tukă kandimahko i tukă sar vi mangă.

¹²Tradau tukă les parpale, les, o illo muŕo.

¹³Sahkă kamau te nikrau les mande, kaste kandel mangă ando than tiro sode sîm andel lançuri andai LašiVestea.

¹⁴Ta či kamblem te kărau khanči bi te pušlimahko, anda koa mištimos, sao kărăs mangă les, te na avel zorasa, ta kamimasa lašo.

¹⁵Daštil pe kă o sas dinorigate tutar, anda khă čiro, orta kaste avel tu andakh vešničimos,

¹⁶ta na sar khă robo, ta but mai opră dă sar khă robo: sar khă phral but kamblino, mai but anda mande, thai kaditi mai but tutar, avela ando tipo lumeako, avela ando Rai!

¹⁷Kana dines ma sar khă prinjeando tiro, leles sar lesama man.

¹⁸Thai kana andea tukă vokh dukhaimos or sî tukă unjile varesosa, tho kadea ande muŕo dindimos.

¹⁹Me, o Pavelo, „potinaoa” — ramo mîŕă vastesa — kaste na phenau tukă kames mangă unjilimasa mangă.

²⁰E, phrala, kăr mangă o mištimos kadoa ando Rai, thai zurear muro illo ando Kristoso!

²¹Ramosardem tukă pe tiro ašundimos, thai jeanau kă kărăsa orta mai but dă sar mangaua tukă.

²²Sakh data, lašar mangă i khă than gostimahko, kă nikrau ajukărimos te avau tumengă dino, anda le rudimata tumară.

²³O Epafra, o jeno muŕo le phandaimahko ando Kristoso Isuso, tradel tukă sastimos,

²⁴sa kadea i o Marko, o Aristarax, o Dima, o Luka, le jene mîŕă la buteakă.

²⁵O Xaro le Raiehko amarăhko le Isus Kristosohko te avel tumară duxosa! Amin.