Read Kalderash Romani Cornilescu Bible 2020 (Romania) 1 Ioanohko 1 Bible Online

1 Ioanohko 1 - Kalderash Romani Cornilescu Bible 2020 (Romania) bible

1 Ioanohko 1

¹So sas dă anglal, so dikhleam amară iakhănça, so dikhleam thai so amară vast azbade, dikhlimasa koa Divano la čivavako, —

²anda kă e čivava sas sîkadi, thai ame dikhleam la, thai vestisaras tumengă e čivava e vešniko, čivava kai sas kata o Dadd, thai savi sas amengă sîkadi; —

³kadea, so dikhleam thai ašundeam, kodea phenas i tumengă, ta i tumen te avel tume te aven andekhthan amença. Thai ame sam andekhthan le Daddesa thai le Šavesa Lehko, o Isus Kristososa.

⁴Thai ramosaras tumengă kadala butea anda o bukurimos tumaro te avel pherdo.

⁵E vestea kai ame ašundeam la Lestar thai kai dastumengă la duma, sî kă o Dell sî lumina, thai ande Leste nai tuneriko.

⁶Kana phenas kă sam andekhthan Lesa, thai phiras ando tuneriko, xoxavas, thai či traisaras o čeačimos.

⁷Ta kana phiras ande lumina, pala sar O orta sî ande lumina, sam andekhthan iekh avrănça; thai o rat le Isus Kristosohko, o Šeau Lehko, ujearăl ame orsavea bezexatar.

⁸Kana phenas kă nai ame bezex, athavas ame korkoŕo, thai o čeačimos nai ande amende.

⁹Kana phenas amară bezexa, O sî pateamno thai čeačio, kaste iertil amară bezexa thai te ujearăl ame anda orsao athadimos.

¹⁰Kana phenas kă či bezexardeam, kăras Les xoxamno, thai o Divano Lehko nai ande amende.