Read Kalderash Romani Cornilescu Bible 2020 (Romania) Krisînitorea 13 Bible Online

Krisînitorea 13 - Kalderash Romani Cornilescu Bible 2020 (Romania) bible

Krisînitorea 13

¹Le šeave le Israelohkă kărdine pale so či čeaileloas le Raies; thai o Rai dea le ando vast le Filistianengo, čiro dă štarvardeši bărši.

²Sas khă manuši ande Çorea, anda e familia le Daniçăndi, kai bušolas Monax. Lesti romni sas birodohko, thai či kărălas šeave.

³O Înjero le Raiehko sîkadi'lo la juwleakă, thai phendea lakă: „Dikta kă tu san birodohko, thai nai tu šeave; ta ašesa phari thai kărăsa khă šeau.

⁴Akana le mišto sama, te na pes či moll, či pimos zurallo, thai te na xas khanči biujo.

⁵Kă ašesa phari, thai kărăsa khă šeau. O ŕanglimos či nakhăla pa lehko šero, anda kă kadoa šeaoŕo avela dino le Devllehkă andoa păŕ phehka dako; thai o lela te skăpil le Israelos andoa vast le Filistianengo.”

⁶E juwli găli thai phendea pehkă romehkă: „Khă manuši le Devllehko avilo mande, thai amealas khă înjero le Devllehko, khă ameaimos daraimahko. Či pušlem les katar lo, thai čina či phendea mangă sao sî lehko anau.

⁷Ta phendea mangă: „Tu ašesa phari, thai kărăsa khă šeau, thai akana te na mai pes či moo, či pimos zuralo, thai te na xas khanči biujo, anda kă kadoa šaoŕo avela dino le Devllehkă andoa păŕ lehka deiako, ji ando des lehkă merimahko.”

⁸O Manoax kărdea le Raiehkă kakoa rudimos: „Raia, Rudi Tu, te mai avel amende ăkhdata o manuši le Devllehko kai tradean les, thai te sîkavel ame so trăbul te kăras andoa šeaoŕo kai kărdeola pe.”

⁹O Rai ašundea o rudimos le Manoahko, thai o Înjero le Devllehko avilo pale kai juwli. Oi bešelas pe khă phuw, thai o Manoax, lako rom, nas lasa.

¹⁰Oi prastaia iekhatar te del dă štire pehkă romehkă, thai phendea lehkă: „Dikta kă o manuši kai avilosas ando kolaver des mande, sîkadui'lo mangă pale.”

¹¹O Manoax ušti'lo, thai gălo pala pesti romni, gălo koa manuši kodoa, thai phendea lehkă: „Tu dean duma la juwleakă kadalakă?” O dea les anglal: „Me.”

¹²O Manoax phendea: „Akana, te pherdeola o divano Tiro, so trăbul te arakhas dikhlimasa koa šeaoŕo, thai so avela kărimahko?”

¹³O Înjero le Raiehko dea les anglal le Manoahos: „E juwli te arakhăl pe anda sa so phendem lakă.

¹⁴Te na gustil či rodo andai răz, te na pel či moll, či pimos zuralo, thai te na xal khanči biujo; te arakhăl pe anda sea so mothodem lakă.”

¹⁵O Manoax phendea le Injerohkă le Raiehkă: Mek ma te atărdearau Tu, thai te lašarau Tukă khă busno.”

¹⁶O Înjero le Raiehko dea les anglal le Manoahos: „Orta i te atărdearăsa Ma, nahkă xau anda te xabenata; ta kana kames te anes khă phabarimos dă sea, te anes les le Raiehkă.” O Manoah či jeanelas kă sî o Înjero le Raiehko.

¹⁷O Manoax phendea le Înjerohkă le Raiehkă: „Sao sî Te anau, kaste anas Tukă slava, kana pherdeola pe o divano Tiro?”

¹⁸O Înjero le Raiehko dea les anglal le Manoahos: „Anda soste mangăs Muŕo Anau? O sî minunato.”

¹⁹O Manoax lea o busno thai e pativ le xabenesti thai andea la jertffa le Raiehkă po kotor lebaŕăbarăhko. Kărdileas khă minunea, ando čiro kai o Manoaxo thai lesti romni dikhănas.

²⁰Ta kana e para anklelas poa altari karing o čerii, O Înjero le Raiehko ankăsto ande para le altarosti. Dikhlindoi e buti kadea, o Manoax thai lesti romni peline le mosa pe phuw.

²¹O Înjero le Raiehko či mai sîkadi'lo le Manoaxkă thai lehka romneakă. Atunčeara o Manoaxo ateardea kă sî o Înjero le Raiehko,

²²thai phendea pehka romneakă: „Merasa, kă dikhleam le Devlles.”

²³Lesti romni dea les anglal: „Te kamblino o Rai te mudarăll ame, nahkă lel anda amară vast o phabarimos dă sa thai e pativ le xabenesti, nahkă sîkavel amengă sa kadala, thai nahkă kărăl ame te ašunas kadalendar butea.” O kărdimos le Samsonohko.

²⁴E juwli năštisardea khă šeau, thai thodea lehkă anau Samson. O šeaoŕo barilo, thai o Rai dealesdumadămišto.

²⁵Thai o Duxo le Raiehko lea te mištiles ando Maxane-Dan, maškar e Çorea thai o Eštaol.