Read Kalderash Romani Cornilescu Bible 2020 (Romania) Krisînitorea 5 Bible Online

Krisînitorea 5 - Kalderash Romani Cornilescu Bible 2020 (Romania) bible

Krisînitorea 5

¹Ando des kodoa, e Debora dillabaia kadea dilli, le Barakosa, o šeau le Abinoamohko:

²Varesar šerăbară thodine pe anglal ando poporo le Israelohko, Thai o poporo sîkadi'lo iekhatar te marăl pe: Dendumadămišto le Raies!

³Ašunen, thagara! Len sama, raimatale! Dilabaua, e, dilabaua le Raiehkă, Dilabaua andai lăuta le Raiehkă, le Devllehkă le Israelohkărăhkă.

⁴Raia, kana ankăstean andoa Seiro, Kana teleardean anda le islazuri le Edomohkă, E phuw isdraia, le čeruri pitearde, Thai le norea šordine pai la vadrasa;

⁵Le baŕlebară mištisaile angloa Rai, o Dell le Israelohko.”

⁶Ando čiro le Šamagarohko, o šeau le Anatohko, Po čiro la Iaelako, le droma sas pustii, Thai le phiritorea lenas le droma bangă.

⁷Le šerălebară sas bi zorako ando Israelo, bi zorako, Ji kana uštilem me, e Debora, Ji kana vazdema me, sar khă dei ando Israelo.

⁸O alosardeasas pehkă aver devla: Atunčeara o mardimos sas kal udara; Ta či dikhăsas či skuto, či suliça Ka štarvardeši mii ando Israelo.

⁹Muŕo illo ortolas pe karing le šerălebarî le Israelohkă, Karing kodola andoa poporo kai sîkadile gata mardimahkă. Dendumadămišto le Raies!

¹⁰Tume, kai anklen pe le čiušnea le parnea, Tume, kai bešen pe le viguri, Thai tume, kai phirăn po drom, — dillaban!

¹¹Le arkašea, andoa maškar le vălăurengo, Te lăudin pehkă mosa le mištimata le Raiehkă, Le mištimata le tradimahkă Lehkă ando Israelo. Atunčeara o poporo le Raiehko ulisto kal udara:

¹²Uštita, uštita, Debora! Uštita, uštita thai phen khă dillabaimos! Uštita, Barak, Thai an te roben le mardimahkă. Šeau le Abinoamohko!

¹³Atunčeara khă kotoriç andoa poporo mardea kolen le zuralen.

¹⁴Andoa Efraimo avile le manuši le Amalekohkă. Pala tute gălo o Beneamino ande teo kătanimos. Andoa Machiro avile le šerălebară, Thai andoa Zabulono le traditorea.

¹⁵Le mai bară le Israxelohkă sas la Deborasa, Thai o Isaxar avilo pala o Barak, Sas tradino pala leste ande xar. Kal nanilašuri le Rubenohkă, Sas bară phendimata!

¹⁶Anda soste ašilean ando maškar le çarkurengo Te ašunes o bexaimos le turmengo? Kal nanilašuri le Rubenohkă Bară sas le divanuri!

¹⁷O Galaado dă înteal o Iordano meklea pehko khăr. Anda soste bešlo o Dano pel beruri? O Ašer bešlo but po mallo la mareako, Thai xodinisai'lo ande lehkă thana.

¹⁸O Zabulono sî khă poporo kai nikărdea kolin le mullimahkă, Thai o Neftali sa kadea, pe le učimata andoa islazo.

¹⁹Le thagar avile, mardine pe; Atunči mardine pe le thagar le Kanaanohkă, Ando Tanaako, kal paia le Meghido; Či line či khă buti, či rup.

²⁰Andal čeruri marănas pe, Pa le droma lengă le čeraia marănas pe le Siserasa,

²¹O nanilašo Chison lea le, O nanilaši anda le čiruri le purane, onanilaši o Chison! Le duxuri, ušteaven andel pînŕă le zuralen!

²²Atunčeara le kopite le grastengă dinemui Andoa našimos, andoa našimos xoleariko lengă marditorengo.

²³Denarman la Merozas, phendea o Înjero le Raiehko, Denarman, denarman lehkă manušen; Kă či avile ando kandimos le Raiehko, Ando kandimos le Raiehko, maškar le manuši le zurale.”

²⁴Dinodumadămišto te avel maškar le romnea e Iaela, E romni le Xeberosti, o Chenito! Dinidumadămišto te avel oi maškar le juwlea kai bešen andel çăre!

²⁵O manglea pai, thai oi dea les thud; Ando taxtai o thagaruno andea lehkă čil.

²⁶Khă vastesa lea o tillo, Thai le čeačesa e kutula le butearitendi, Maladea le Siseras, pîtărdeea lehko šero, Linčeardea thai pusadea lesti teama.

²⁷O tidea pe: pelo thai suto ka lakă pînŕă; Tidea pe thai pelo ka lakă pînŕă; Oče kai pelo, oče pelo bi čivavako.

²⁸Poa jeamo, maškar le sastriça, Dikhăl e dei le Siserasti, thai çîpil: „Anda soste čiavel o urdon lehko te avel? Anda soste te aven lehkă urdona kadea dă lokăs?”

²⁹Le mai xaranea maškar lakă juwlea den la anglal, Thai oi del pehkă anglal korkoŕo:

³⁰„Biatxaimahko, arakhline but butea! Thai xulaven le: Khă šei, dui šeia ka sogodi manuši; Butea çoalengă makhline andoa Sisera; Butea çoalengă makhline astarde andoavast, Dui raxame makhline thai astardeaandoavast, Thodine pe koŕ le zuralimatohkă!”

³¹Kadea te jeantar sa Te dušmaia, Raia! Ta kola kai kamen Les sî sar o kham, Kana sîkadeol ande pesti zor.” O čem sas les xodinimos štarvardeši bărši.