Read Kambera DEDI 5 Bible Online

DEDI 5 - Kambera bible

DEDI 5

¹Yiada-haka da juru wàla wuana i Andamu. [Ba na-padika-nya na tau i Ala, nawulu-ha nyuda hama tuna Nyuna wikima i Ala.

²Na-padika-nja mini kawini. Na-pakanyuru-nja dàngu na-pangara-nja “tau”.]

³Ba 130 mbua ndau-naka na lurina i Andamu, ngalangu-nanyaka anakeda mini na maeru-ya nyuna, hi na-patamu-nya Hetu.

⁴Hàlaka nu i Andamu 800 mbua ndau-napa na lurina dàngu dadangu-mapa da anana hawiangu da pangala-na.

⁵Ba nameti 930 mbua ndauna na lurina.

⁶Ba 105 mbua ndau-naka na lurina i Hetu, ngalangu-nanyaka anakeda mini, Enuhu-ya na tamuna.

⁷Hàlaka nu i Hetu 807 mbua ndau-napa na lurina dàngu na-ngalangu-mapa anana hawiangu.

⁸Ba nameti 912 mbua ndauna na lurina.

⁹Ba 90 mbua ndau-naka na lurina i Enuhu, ngalangu-nanyaka anakeda mini, Kenàngu-ya na tamuna.

¹⁰Hàlaka nu i Enuhu 815 mbua ndau-napa na lurina dàngu na-ngalangu-mapa anana hawiangu.

¹¹Ba nameti 905 mbua ndauna na lurina.

¹²Ba 70 mbua ndau-naka na lurina i Kenàngu, ngalangu-nanyaka anakeda mini, Mahalaleyilu-ya na tamuna.

¹³I Kenàngu 840 mbua ndau-napa na lurina dàngu na-ngalangu-mapa anana hawiangu.

¹⁴Ba nameti 910 mbua ndauna na lurina.

¹⁵Ba 65 mbua ndau-naka na lurina i Mahalaleyilu, ngalangu-nanyaka anakeda mini, Yaritu-ya na tamuna.

¹⁶Hàlaka nu i Mahalaleyilu 830 mbua ndau-napa na lurina dàngu na-ngalangu-mapa anana hawiangu.

¹⁷Ba nameti 895 mbua ndauna na lurina.

¹⁸Ba 162 ndau-naka na lurina i Yaritu, ngalangu-nanyaka anakeda mini, i Henuku-ya na tamuna.

¹⁹Hàlaka nu i Yaritu 800 mbua ndau-napa na lurina, dàngu na-ngalangu-mapa anana hawiangu.

²⁰Ba nameti 962 ndauna na lurina.

²¹Ba 65 mbua ndau-naka na lurina i Henuku, ngalangu-nanyaka anakeda mini, i Metuhala-ya na tamuna.

²²Hàlaka nu i Henuku luri pambulu daa-mananya i Ala 300 mbua ndaungu. Na-ngalangu-mapa anana hawiangu

²³lundu natoma 365 mbua ndauna na lurina.

²⁴Nyuna i Henuku ba naluri angu mànunya i Ala, ka munangu-nanyaka, ka ba napiti-yaka duna paraïna i Ala.

²⁵Ba 187 mbua ndau-naka na lurina i Metuhala, ngalangu-nanyaka anakeda mini, i Lamiku-ya na tamuna.

²⁶Hàlaka nu i Metuhala 782 ndau-napa na lurina dàngu na-ngalangu-mapa anana hawiangu.

²⁷Ba nameti 969 ndauna na lurina.

²⁸Ba 182 ndau-naka na lurina i Lamiku, ngalangu-nanyaka anakeda mini.

²⁹Napanii i Lamiku, “Na anakeda yiana na-pahalimu-ya napa na paràma-nda na mambotu ba ta paloku-ya na tana na paràtu-na i MIRI,” wàna. Jia-duyaka i Lamiku hi na-patamu-nya Nuhu[19] nuna na anakeda.

³⁰Hàlaka nu i Lamiku 595 mbua ndau-napa na lurina. Na-ngalangu-mapa anana hawiangu,

³¹dàngu ba nameti 777 mbua ndauna na lurina.

³²Ba 500 mbua ndau-naka na lurina i Nuhu, ngalangu-nanyaka anana mini tau madua haàtu, nu i Hemu, i Yapitu dàngu i Hàmu.