Read Kambera 1 HANGANJI 4 Bible Online

1 HANGANJI 4 - Kambera bible

1 HANGANJI 4

¹Hanganji nggubulu Ihirailu-yaka i Halomu.

²Yiada-ha ba ma-bokulu pakata-da pawotu-na i Halomu: Da ratu: i Handuku, i Aharia anana i Handuku, i Àpuyataru Da hakaratarihu nanggara: i Elihoripu, dàngu i Ahia anana Hihia Na ma-pahàmu banda nanggara: i Yuhapàtu, anana i Ahilutu Na liku uru pabera: i Mbanaya, anana i Yuyanda Na ma-hamata ndàbaha da mbupati: i Aharia, anana i Natàngu Na ma-madaü kareuku hanganji: i Ratu Hambutu, anana i Natàngu Na ngora paloku la uma hanganji: i Ahihàru Na ngora ràma rondi: i Anduniràmu, anana i Àpanda

⁷I Halomu nawotu hakambulu madua mbupati la tana Ihirailu nggubulu-na. Na wai ngerada jiaya la pa-pauhingu pangangu welingu la tana ngabada nduma hanganji dàngu nggubulu ihi umana. Nimbihu mbupati dapandu - ndutungu panduma-nya nuna la dalu hau wulangu nimbihu ndaungu.

⁸Nuda da hakambulu madua mbupati nangora-nja haàtu nggumbunuru. Yiada-ha da tamuda da mbupati dàngu da tana nga-bada nimbihu-da: I Mbeni-Huru: la ngaba ma-palindingu la Epuraïmu I Mbeni-Ndekiru: da paraingu Makàhu, Hàlambimu, Mbetu-Hemihu, Elungu, Mbetu-Hanàngu I Mbeni-Hehitu: da paraingu Arumbutu, Hoku, nggubulu-na na tana ngabana la Hepiru I Mbeni-Ambinandàpu na leina i Tapàtu anana i Halomu: nggubulu-na na tana ngabana la Ndòru I Mbaana anana i Ahilutu: da paraingu Taanàku, Manggindu, nggubulu-na na tana lihina la Mbetu-Hiangu, lihina na paraingu Hàratàngu mbara luruna na paraingu Yihireyilu lundu hama marauna na paraingu Ambilu-Mahola, dàngu paraingu Yòkumiamu I Mbeni-Nggembiru: na paraingu Ramutu la Nggiliatu, da kotaku mangu kalibaru Yairu ana umbuku-na i Manahi la Nggiliatu, na ngaba tana Àrunggòpu la Mbahàngu; ba nomu kambulu-da da paraingu bokulu maningu tindingu dàngu kahoru parunggu la pindu - pindu bokulu-da I Ahinandàpu anana i Indu: na ngaba tana (...)

²⁰Na rayatu Yahunda dàngu Ihirailu hama tuna wara la hingi tehiku-ya danguna. Daluri mbaha eti dàngu ningu pangangu pangu-nungu.

²¹Nimbihu kuru uma ninguma woka angguru dàngu woka kapilitu-na. La ngala lurina i Halomu na rayatu la nggubulu Yahunda dàngu Ihirailu welingu la Ndàngu lundu la Mbiruhemba daluri mandangu dàngu da-mambiru. Nadu mbuu ndàbada da hanganji la patama loduna la Epuràtu da-rajaku lai nyuna, dàngu nggubulu-na welingu la nanggara-nanggara la winggiru pa-hanganji-na da pa-kandua dànya nyuna. Na tana la patama loduna na Epuràtu welingu la Tipuha la hingi Luku Epuràtu hanàhungu la patama lodu la paraingu Nggaha la Pilitingu lundu la padira Mehiru, nggubulu-da pa-kuaha-na i Halomu-ha. Da ba - banjaru la tana nuna da-rajaku lai nyuna dàngu da-wuangu hilu katiku. Da pangangu da pawàngu nimbihu lodu nyuna i Halomu jiaha da 5000 litaru kanguta taringgu kangidihu, 10.000 litaru kanguta taringgu nda kangidihu, hakambulu hapi pa-radangu, dua kambulu hapi pa-pawangu dàngu 100 mbimbi. Hinggilu-da nuda, ruha kahanga kadu, ruha kinjangu, ruha manjanganu dàngu maparuu kàpangu-mbu.

²⁶12.000-da da tanatara li la njarana[4] i Halomu, dàngu 40.000-da da oka ndumada da njara mayila-ha da kareta-na.

²⁷Da-pandutu - pandutu wulangu nimbihu-da da mbupati ba da-wuangu pangangu ndumana i Hanganji Halomu dàngu nduma mbuu ndàba na tau mangangu la uma hanganji, hi nda ana nggàra-a majapu-nja.

²⁸Nimbihu-da da mbupati da-wuangu-mbu uhu nggàndumu dàngu rembi nduma mbuu ndàba da njarana i Halomu, ka njara kaliti-ha ka njara kareta-hakai. Nuda da pangaa banda pangàndi la oka - oka njaraha tuda ràka nganguda.

²⁹I Ala nawua-nya eti diha kanandingu i Halomu, papingu wàngu manda ningu hamangu dàngu manggàna madira tanjiku.

³⁰La ta - tana pahunga lodu dàngu la Mehiru nda ningua tau marihi pingu welingu lai nyuna.

³¹Deningu-mana, ba hupu marihi pinguya welingu la mbuu ndàba tau. Narihi-nya i Etangu tau Ehirahi, i Hemàngu, i Kàlakòlu dàngu Ndàrunda da anana i Mahulu. Na tamuna i Halomu na-kawulangu la nggi - nggini la ta - tana winggiru pa-hanganji-na.

³²Ninja 3.000-da da lii pangerangu dàngu 1.000 rihida da ludu pa-lawiti-na.

³³Na-àdungu-ma papanii wànja da pingi ai dàngu da ngara matumbu — piti welingu la kajiu Limbanongu lupa la rumba hihupu matumbu la dindi - dindi watu; napanii wàmbunja da banda, ngera hama tuna da maningu ruu kàpangu, da mabei dàngu da iyangu.

³⁴Da hanganji la nggubulu pinu tana darongu-ya na pinguna i Halomu, hi da-palewa-nya tau palua parongu-ya nyuna.