Read Kambera 1 LII NDAI 1 Bible Online

1 LII NDAI 1 - Kambera bible

1 LII NDAI 1

¹Na dedida da boku la mangilu-na na banjaru Ihirailu welingu lai Andamu lupa lai Nuhu, yiada-haka da ma-pandàkingu: I Andamu I Hetu I Enuhu I Kenangu I Mahalaleyilu I Yaritu I Henuku I Metuhala I Lamiku I Nuhu. Da anana mini i Nuhu dua haàtu-da: i Hemu, i Hàmu dàngu i Yapitu.

⁵Da anana mini i Yapitu jiaha i Nggomiru, i Mangguku, i Mandai, i Yawàngu, i Tumbàlu, i Mehiku dàngu i Tirahu. Nyuda jia-haka da boku la mangilu-da da banjaru da patiki pa-namatu-nya na tamuda nyuda.

⁶Da wàlana i Nggomiru jiaha da tau Àhakenahu, Ripàtu, dàngu Tunggàrama.

⁷Da wàlana i Yawàngu jiaha da tau Eliha, Hapanyulu, Hipuru dàngu Rondihu.

⁸Da anana mini i Hàmu jiaha i Kuhu, i Mehiru, i Limbia dàngu i Kanaàngu. Nyuda jia-haka da boku la mangilu-da da banjaru da patiki pa-namatu-nya na tamuda nyuda.

⁹Da wàlana i Kuhu jiaha da tau Hemba, Hawila, Hàputa, Raema dàngu Hàputeka. Da wàlana i Raema jiaha da tau Heimba dàngu Ndendàngu. (

¹⁰I Kuhu ninya na haàtu na anana mini, Nimurutu-ya na tamuna, nyuna jia-yaka na kawunga mini kaborangu la pinu tana.)

¹¹Da wàlana i Mehiru jia-haka da tau Lindia, Anamimu, Lehambimu, Nàputuhimu,

¹²Pàturuhimu, Kàhaluhimu, dàngu Kareta. Da tau Pilitingu wàlada nyuda-duhaka.

¹³Da anana mini i Kanaàngu jia-duyaka i Hindungu na ma-maaya dehi hi mangu i Heti. Nyuda jia-haka da boku la mangilu-da da banjaru da patiki pa-namatu-nya na tamuda nyuda.

¹⁴I Kanaàngu jia-mbuya na boku la mangilu banjaru Yambuhi, Amori, Nggiringgahi,

¹⁵Hewi, Àraki, Hini,

¹⁶Àrawandi, Hamari dàngu Hamati.

¹⁷Da anana mini i Hemu jiaha: i Elàmu, i Ahuru, i Àrapàkahàtu, i Lutu, i Aràmu, i Uhu, i Hulu, i Nggetiru dàngu i Mehiku. Nyuda jia-haka da kawunga bokuda da banjaru da patiki pa-namatu-nya na tamuda nyuda.

¹⁸I Àrapàkahàtu amana i Helàhu. Dàngu i Helàhu amana i Embiru.

¹⁹I Embiru dadua da anana mini; na ma-kawunga jiaya i Peliku,[1] jia-duyaka la rehina nyuna da ba - banjaru ba dapabi - biwangu; na padua wàna Yòkutàngu-ya na tamuna.

²⁰Da wàlana i Yòkutàngu jia-duhaka da tau Àlumondàtu, Helipu, Hahàru-Mawitu, Yera,

²¹Handoràmu, Uhàlu, Ndikula,

²²Embàlu, Ambimaïlu, Heimba.

²³Opiru, Hawila dàngu Yombàpu.

²⁴Na dedida da boku banjaru Ihirailu welingu lai Hemu lupa lai Ambarahàmu, tuna nu na pandàkingu-na: I Hemu I Àrapàkahàtu I Helàhu I Embiru I Peliku I Rehu I Heruku I Nahuru I Tera I Àmbaràmu (hàla, Ambarahàmu wàdanya).

²⁸I Ambarahàmu dadua da anana mini, nu i Ihàku dàngu i Ihimailu.

²⁹Yia-dahaka da anana i Ihimailu: nu i Nembayutu na ma-maaya dehi, hàla i Kendàru, i Àdambeyilu, i Mipihàmu,

³⁰i Mihuma, i Nduma, i Maha, i Handàtu, i Tema,

³¹i Yeturu, i Napi dàngu i Ketima.

³²I Ambarahàmu ningu kala wihina haàtu, Katura-ya na tamuna. Welingu lai Katura tau manomu-ha da anana mini: i Himuràngu, i Yòkuhàngu, i Mendàngu, i Mindiangu, i Ihimbàku dàngu i Huwàhu. I Yòkuhàngu dadua da anana mini: i Heimba dàngu i Ndedàngu.

³³I Mindiangu dalima da anana mini: i Epa, i Epiru, i Hanuku, i Ambinda dàngu i Elinda-a.

³⁴I Ihàku anana i Ambarahàmu dadua da anana mini, i Ehaü dàngu i Yakupu (dàngu Ihirailu ba wàda-mbunya).

³⁵Da anana mini i Ehaü, jiaha i Elipàhu, i Rehuilu, i Yeuhu, i Yaelàmu dàngu i Kora.

³⁶I Elipàhu jiaya na boku banjaru Temàngu, Omaru, Hepi Nggaitàmu, Kenàhu, Timuna dàngu Amaliku.

³⁷I Rehuilu jiaya na boku kabihu la mangilu banjaru Nahàtu, Heràhu, Hama dàngu Miha.

³⁸Na tau mangia memanya la tana Endumu jiaha da wàlana da anana i Heyiru, nu i Lotàngu, i Hombàlu, i Himbiungu, i Ana, i Ndihiungu, i Ehiru dàngu i Ndihiangu. Da anana mini i Lotàngu jiaha i Hori dàngu i Homamu. I Lotàngu ningu haàtu anawini-na, i Timuna-ya na tamuna. Da anana mini i Hombàlu jiaha i Àluyàngu, i Manahàtu, i Embàlu, i Hepi dàngu i Onàmu. Da anana mini i Himbiungu jiaha i Aya dàngu i Ana. Da anana i Ana, nu i Ndihiungu; tàka da anana i Ndihiungu jiaha i Hàmuràngu, i Ehimbàngu, i Yituràngu dàngu i Keràngu. Da anana mini i Ehiru, jiaha i Mbiluhàngu, Haawàngu dàngu i Yaakàngu. Da anana mini i Ndihiangu, jiaha i Uhu dàngu i Aràngu.

⁴³Ba ndedi ningupa hanganji-na na Ihirailu, la Endumu mbàda pandutu - pandutu-daka da hanganji da ma-pareta-ya: I Mbela anana i Mbeuru la Ndinuhamba I Yombàpu anana i Heràhu la Mbòhura I Huhiamu welingu la ngaba Temàngu I Handàtu anana i Mbendàtu la Awitu (nyunaka na matalu-ya na tau Mindiangu ba da-pakangaburu la ngaba Muapu), I Hàmula welingu la Màhareka I Haulu welingu la Rihombutu la hingi luku I Mbaàlu-Hanàngu anana i Àkumburu I Handàtu welingu la Pahi (na tamu papaha-na Mehitambeyilu-ya, anana i Màtaretu dàngu umbuku-na i Mihahàpu).

⁵¹Na banjaru Endumu jia ndàbaha da kabihu Timuna, Àluya, Yetitu,

⁵²Ohulimbama, Ela, Pinungu,

⁵³Kenàhu, Temàngu, Mipunjaru,

⁵⁴Màkandialu dàngu Iramu.