Read Kambera 1 LII NDAI 12 Bible Online

1 LII NDAI 12 - Kambera bible

1 LII NDAI 12

¹Ba jiaya na palaina i Ndautu welingu lai Hanganji Haulu, hinggilu-nanyaka la Hikulàku. Dangu ma-patarangu ma-tuturu dàngu mandàmangu da ma-tundungu pa-kapuli karia-nya i Ndautu.

²Nyuda welida la kabihu Mbanyamingu hama tuna i Haulu. Nyuda tau pinguha la papana dàngu la pa-kapitu-ka — wàngu lima kawana hamangui wàngu lima kalai-kai.

³Da ma-kapipi-ha nyuda jia-duhaka i Ahiyehiru dàngu i Yoàhu, da anana i Hemaà welingu la Nggimbia. Yiada-haka da ma-patarangu: I Yanjialu dàngu i Pelitu da anana i Àhamawitu I Mbaràkahu dàngu i Yiahu tau Anatutu I Yihimaya tau Nggimbiungu, na ma-patarangu mawuwa tamuna, haàtu ma-pairungu-ya la kaloka “Parawira Pa-katailu kambulungu.” I Yerimia, i Yahahialu, i Yuhanàngu, dàngu i Yuhambàtu tau Nggandera I Eluhai, i Yirimutu, i Mbialia, i Hemaria dàngu i Hapaha tau Harupi I Elikana, i Yihia, i Ahareyilu, i Yowehiru, dàngu i Yahombàmu welingu la kalibaru Kora I Yowela dàngu i Hambanja da anana i Yerohàmu tau Nggenduru.

⁸Ba jiaya na ninya i Ndautu la hau pangia maningu tindingu-na la maràda telangu, dangu ma-patarangu mawuwa tamuna dàngu ma-ndàmangu welingu la kabihu Nggàtu da ma-kapuli karia-nya nyuna. Nyuda jia-mahaka da mini pa-tarangu da mambana màhida la pa-katangu temingu dàngu nimbu; nyuda ba itaha da-pahada ma-mbeningu-ma hama tuna hinga dàngu na nggodada dawàngu pa-kapundilu hama tuna ruhaha.

⁹Yiada-haka da tamuda nyuda da pa-pandutungu tundunya na pànggatu-da: i Ehiru, i Ombanja, i Eliapu, i Mihumana, i Yerimia, i Ataï, i Elialu, i Yuhanàngu, i Elihambàtu, i Yerimia, i Màkambanai.

¹⁴Hawiangu welingu lai nyuda da tau Nggàtu parawira mangia ditaha mairu ngàndi tau 1.000 hawiangui parawira mairu ngàndi tau hangahu.

¹⁵Tuna handàka la kawunga wulangu, ba talànga iwa obungu-na na Luku Yorundangu pala biada-nya na luku nuda da parawira hi dawàngga-ha da tau mangia-nja da lolangu, ka la pahunga loduna, ka la patama lodu-nakai na luku.

¹⁶Handàka la hau rehi ninja ba ha-kanguhuru-da da tau welingu la kabihu Mbanyamingu dàngu Yahunda dalua la tindingu ngia pa-ngiangu-na i Ndautu.

¹⁷I Ndautu nalua tomaha nyuda hi na-pabanjaru dànja, “Bai mai nu angu-ndanya ka takaraha-ya jàka wàmi, màla nyuna kai pambulu danggama nyuma. Ma-kataku mbaha eti-makai duma. Tàka bai mai nu ka ta-kahili wànya la papana jàka wàmi, bundu nda ningu ma-akatu pawunda-nggu lai nyimi, i Ala na pa-maraku-da da boku la mangilu-nda napi-manya duna, Nyuna duna napa na ma-kaleha-kai,” wànanja.

¹⁸Na haàtu welingu lai nyuda, nu i Amahai, napa la malamiri jiaya na maliku-urunya na kanguhuru “Parawira Pa-katailu kambulungu,” najuju-ya paraïna Ngahuna i Ala hi napanii, “Ndautu, anana i Ihai! Nyuma duma karaha-mamanggau nyumu! Mala àruki kau madàpangu nyumu dàngu da ma-karaha-kau. I Ala napalai karia-nggau nyumu!” wànanya. Ka nggepi-nahaka nyuda paraïna i Ndautu hi nawotu-ha panjadi parawira la kanguhuru pabera-na.

¹⁹Ba jia naangu-nanja da tau Pilitingu i Ndautu la pabera-ya i Haulu, hawiangu welingu la panjuri kabihu Manahi dapala la ngabana i Ndautu. Làti duna nda na-pambapa-da-anja da tau Pilitingu. Ba ha-pajia ndàbaha da liku uru Pilitingu da paràha-manyaka pabeli la Hikulàku nadu ba da-mangàdatu raï hi napala bia lai Haulu hi na-pambeli hangga ninja nyuda.

²⁰Yiada-haka da tamuda da ngara ma-patarangu welingu la kabihu Manahi da mapala lai Ndautu ba jiaya nalaku-na la Hikulàku: i Àtana, i Yuhambàtu, i Yandiyaïlu, i Mikayilu, i Yuhambàtu, i Elihu dàngu i Hilitaï. Da-kawàra 1000 panjuri pairu ngàndida.

²¹Nyuda mini pa-tarangu kaboranguha da ma-karaha-ya i Ndautu pa-rawaku-ya na kalibaru tau rambangu.[22] La lodu malamiri danjadi-ha parawira la kanguhuru pabera Ihirailu.

²²Tika pa-nimbihu lodu ba ningu tau bidi ma-kapuli karia-nya i Ndautu, hi lupa ndedi nggi tuna mandaina ka bokulu ailulu-nanyaka na pambana i Ndautu.

²³Ba jiaya na ninya la Hemburungu i Ndautu, nadangu na ma-patarangu mambàda ndàmangu ma-pakapulingu wikina lai nyuna. Da-karaha-ya ka peku njadina hanganji pahilu-ya i Haulu, hama tuna na paràndina i MIRI, wàda. Na danguda nyuda tuna yia na pa-ndutungu-da: Welingu la kabihu Yahunda: tau 6.800 (nomu rata walu ngahu)-ya màtu temingu dàngu nimbuda. Welingu la kabihu Hamiungu: tau 7.100 (pihu rata hangahu)-ya, tau pambàda pandàmangu. Welingu la kabihu Lewi: tau 4.600 (patu rata nomu ngahu)-ya. Da tauna i Yuyanda na liku uru wàlana i Harungu: tau 3.700 (tailu rata pihu ngahu)-ya. Da kalembi-na i Handuku, na haàtu bidi mini pa-tarangu matoru mbeni: tau 22 (dua kambulu madua)-ya — mbuu ndàbada ama bokulu kuru umaha. Welingu la kabihu Mbanyamingu (kabihu-na i Haulu): tau 3.000 (tailu rata)-ya; nadangu-mapa na kabihu Mbanyamingu na ma-tuturu lai Haulu. Welingu la kabihu Epuraïmu: tau 20.800 (dua kambulu rata walu ngahu)-ya, tau wuwa hàla-maha la ha-paangu kalibaru-d(...)

³⁸Mbuu ndàbada nuda da mini pa-tarangu dalua la Hemburungu ba dàngu rimangu-da padua la pa-kangaburu dàngu kita eti-madanya la pawotu-ya i Ndautu ka na-hanganji la nggubulu tana Ihirailu, ba wàda. Lupa da tau Ihirailu hawiangu-mbu jia-maya ba hau eti-aha.

³⁹Tailu mbua lodu mandaina da mini pa-tarangu ba da-engangu lai nu dàngu i Ndautu, ba dàngu mbabuda la papàda-nja da pangangu pa-ngunungu da pa-payema-danja paraï tau Ihirailu hawiangu.

⁴⁰Welingu la kabihu - kabihu mbara dia la mamarau-mbu nu welingu la kabihu Ihakàru, Hembulungu dàngu na Nàputali, na - nàmu-manja dàngu kalandai, ota, dàngu hapi da mambotu la ngara pangangu: kanguta, wua kapilitu, kimihu, angguru dàngu mina haitungu. Dangàndi-mbu hapi dàngu mbimbi parupu ka ngangu. Nuna nu mbuu ndàbana lohangu-nanya ba kanjupu hawola-ya na rayatu la Ihirailu.