Read Kambera 1 LII NDAI 15 Bible Online

1 LII NDAI 15 - Kambera bible

1 LII NDAI 15

¹Wulu-nanjaka da umana i Ndautu la paraingu-na i Ndautu, na-paloku-mbunya pangia-na na Pàti Pa-ràndingu-na i Ala dàngu nawulu-manya maü ndumana nuna na Pàti.

²Tunaka nu hi napanii i Ndautu, “Mbulungu tau Lewi-a madanda-nya na Pàti Pa-ràndingu-na i MIRI, nadu ba nyudadu da papindi-na i MIRI la paduku-ya na Pàti dàngu la palumu-nya[27] lundu nu - nu,” wàna.

³Tunaka nu i Ndautu hi napaau hàlanya na tau Ihirailu pamai la Yeruhali ka paleli-nya na Pàti Pa-ràndingu-na i MIRI la pa-ngiangu na pambàda paloku-nanya.

⁴Hàla hi na-paràha-nja pa-pauhi da wàlana i Harungu dàngu da tau Lewi.

⁵Welingu la kalibaru Kehàtu, kabihu Lewi, hurungu-nanyaka i Urialu na mairu ngàndiha da 120 angu kalibaru-na.

⁶Welingu la kalibaru Marari hurungu-nanyaka i Ahaya na mairu ngàndiha da tau 220.

⁷Welingu la kalibaru Nggerihongu hurungu-nanyaka i Yoilu, na mairu ngàndiha da tau 130.

⁸Welingu la kalibaru Elihapàngu hurungu-nanyaka i Hamaya na mairu ngàndiha da tau 200.

⁹Welingu la kalibaru Hemburungu hurungu-nanyaka i Elialu na mairu ngàndiha da tau 80.

¹⁰Dàngu welingu la kalibaru Uhialu hurungu-nanyaka i Aminandàpu na mairu ngàndiha da tau 112.

¹¹Hàla paau-nanjaka paraïna i Ndautu i Ratu Handuku dàngu i Ratu Àpuyataru lupa da manomu da tau Lewi, nu i Urialu, i Ahaya, i Yoilu, i Hamaya, i Elialu dàngu i Aminandàpu.

¹²Napanii i Ndautu lai nyuda, “Nyimi jia-kaika ma-pairungu la kalibaru-mi la kabihu Lewi. Jia ba tuna, màtawa nyimi dàngu da tau Lewi hawiangu kai pa-yahangu wikimi ka peku paleli-minya na Pàti Pa-ràndingu-na i MIRI, Ala Ihirailu, la pa-ngiangu na pambàda paloku-nggunya.

¹³Ba jiaya na kawunga paleli-nya nuna na Pàti, nda ni-anggai nyimi lai nu la pangàndi-ya làti. Jia-duyaka nu i MIRI, na Alanda, hi nahuku-nda, nadu ba talumu-nya Nyuna nda na-pajàngapungu-a la pambuha-na,” wàna.

¹⁴Ba tuna, ba hapajia-ha da ratu dàngu tau Lewi ka da-payahangu wikida ka peku paleli-danya na Pàti Pa-ràndingu-na i MIRI, Ala Ihirailu.

¹⁵Ba paleli-nya nuna na Pàti, daduku-ya la kunduda wàngu ai duku, nunjuya na kalaratu na pawua-na i MIRI la ngaruna i Muha.

¹⁶I Ndautu napanii-mbunja da ngara ma-pairungu tau Lewi ka da-patunggu-nja ngerada pi - pirada da tau welingu la kabihu-da nyuda la paludu wànja da wiliku hanggela la jungga dàngu la kahàba.

¹⁷Welingu la honga kalembi maludu, dapindi-ha yiada da ma-pandàkingu da tau da ma-palingu-ha da kahàba parunggu: i Hemàngu anana i Yoilu dàngu na kalembi-na na ma-tamungu Ahawàpu anana i Mberikia, dàngu i Etangu anana i Kuhaya welingu la kalibaru Marari. Tàka na ma-parànja dànja nyuda dàngu da ma-tundungu jungga wiliku ma-kakingu dapindi-ha da tau Lewi yiada da ma-pandàkingu: i Hakaria, i Yaahialu, i Hemiramutu, i Yahialu, i Uni, i Eliapu, i Maaheya dàngu i Mbanaya. Tungguna na majungga pawawangu, dapindi-ha da tau Lewi yiada: i Matiha, i Elipeli, i Mikinaya, i Ahanjia, dàngu da madua da madaiya na Umana i MIRI, nu i Ombitu-Endumu dàngu i Yeyilu.

²²I Kenanya papindi-ya ka ma-pairungu-ya la ma-kawana-nja da malingu pambabu wàngu, nadu nyuna ba mahupu pinguya la malingu pambabu wàngu.

²³I Mberikia dàngu i Elikana anguda i Ombitu-Endumu dàngu i Yehia pa-pindiha ka nyuda da mamangga-nya na Pàti Pa-ràndingu-na i MIRI. Da ngara ratu yiada da ma-pandàkingu: i Hambanya, i Yuhapàtu, i Netaneyilu, i Amahai, i Hakaria, i Mbanaya dàngu i Eliyehiru, nyudaka da papindi la pa-palingu-ha da taropitu la hanggana na Pàti.

²⁵Ka lua-nanyaka i Hanganji Ndautu dàngu da ngara ma-pairungu la Ihirailu dàngu da parawira - parawira la umana i Ombitu-Endumu la papiti-ya nuna na Pàti Pa-ràndingu wàngu mbabu pa-bokulungu-da.

²⁶Pihu ngiuda da hapi mini dàngu hi pihu ngiuda da mbimbi na pa-maraku wàdanya i Ala rukuna ba mbàda ndula-nahaka da tau Lewi da madanda-nya nuna na Pàti Pa-ràndingu.

²⁷La rehina nu i Ndautu napaki kalembi bokulu tera linangu tamainangu, hama-madai duda da ngara matanggu palingu-ha da pambabu wàngu dàngu i Kenanya na liku-uruda lupa da tau Lewi da madanda-nya na Pàti Pa-ràndingu. I Ndautu nawotu-mai duna kalembi eputu.[28]

²⁸Mbuu ndàbana na banjaru Ihirailu nalua hàla patundu-nya na Pàti Pa-ràndingu lundu tàka la Yeruhali wàngu kayaka kakàlaku mbaha etida, pa-kariangu lingu taropitu, napiri, kahàba dàngu jungga.

²⁹Ba talànga tama ngàndi-danyaka na Pàti daa la paraingu, i Mikàlu anana i Haulu ngaduna-padua welingu la katonga dàngu hi naita-ya i Hanganji Ndautu ba nalaku renja dàngu hanggela hawola-na. Tàka nyuna i Mikàlu nalabu na etina ba naita-ya ba tuna nu i Ndautu.