Read Kambera 1 LII NDAI 2 Bible Online

1 LII NDAI 2 - Kambera bible

1 LII NDAI 2

¹Da anana mini i Yakupu tau hakambulu madua-ha: i Rumbingu, i Hamiungu, i Lewi, i Yahunda, i Ihakàru, i Hembulungu,

²i Ndàngu, i Yuhupu, i Mbanyamingu, i Nàputali, i Nggàtu, i Ahiaru.

³Da anana mini i Yahunda tau malima-ha. Welingu la papaha-na i Mbàtuhua na kawini Kanaàngu, na-paana-nja i Eru, i Onangu dàngu i Hela; welingu la papaha-na i Tamàru ba wàdanya, na ri ana wikina, dadedi i Perihu dàngu Heràhu. I Eru na kawunga anana i Yahunda lalu mbana akatu-ya, hi lupa na-pameti-ya paraïna i MIRI.

⁴

⁵I Perihu dadua da anana mini, nu i Hehirungu dàngu i Hamulu.

⁶I Heràhu dalima da anana mini: nu i Himuri, i Etangu, i Hemàngu, i Kàlakòlu dàngu i Ndara.

⁷I Àkuhàngu[2] anana i Kàrami wàlana i Heràhu, na ma-patàka-nya ura pàda na banjaru Ihirailu, nadu ba napiti banda pa-taribu la pabera, na pa-panuda-nya i Ala-a duna làti.

⁸Na anana mini i Etangu jiaya i Aharia.

⁹I Hehirungu datailu da anana mini: i Yerameyilu, i Ràmu dàngu i Kalipu.

¹⁰Na walaku dedi welingu lai Ràmu lupa tàka lai Ihai nuya na pandutungu-da: I Ràmu I Aminandàpu I Nahahungu (tau ma-pangora la kabihu Yahunda)

¹¹I Hàlamungu I Mbowàhu

¹²I Ombitu I Ihai.

¹³Da anana mini i Ihai dapihu. Jia-duhaka da tamuda tundunya na pa-ndàkingu dedida: i Eliapu, i Ambinandapu, i Himia,

¹⁴i Netaneyilu, i Randai,

¹⁵i Ohimu, i Ndautu.

¹⁶Ningumbu anana kawini i Ihai, nu i Haruya dàngu i Ambinggaïlu. I Haruya da dua haàtu da anana: i Ambihai, i Yuàpu dàngu i Ahaïlu.

¹⁷I Ambinggaïlu na-mangoma lai Yetiru wàlana i Ihimailu. Nyuda ningu haàtu anada mini, Amaha-ya na tamuna.

¹⁸I Kalipu anana i Hehirungu na-kanoma-ya i Ahumba, hi na-ngalangu haàtu anana kawini, Yeriutu[3]-ya na tamuna. I Yeriutu dadua haàtu da anana mini: i Yehiru, i Hombàpu, i Àrundongu.

¹⁹Ba taliu metina-ka i Ahumba, i Kalipu na-kanoma-ya i Epuràtu, na-ngalangu haàtu anakeda mini, Huru-ya na tamuna.

²⁰Na anana mini i Huru, Uri-ya na tamuna, tàka na umbuku-na i Mbahalialu.

²¹I Hehirungu ba nomu kambulu-naka na ndau lurina, kanoma-nanyaka na anawini-na i Nggiliatu, anana i Makiru. Da-ngalangu haàtu anakeda mini, Henggupu-ya na tamuna,

²²i Henggupu na-ngalangu haàtu anakeda mini, Yairu-ya na tamuna, na mamangu-nja da dua kambulu tailu mbua ndeha la ngaba Nggiliatu.

²³Tàka da pa-hanganji Nggehuru dàngu Aràmu, datalu-ha da nomu kambulu mbua ndeha la ngabana lai nu, jia ndàba-mbuha da ndeha tau Yairu dàngu Kenàtu, lupa da ndeha - ndeha kudu la winggiru-na. Mbuu ndàbana na tau na ma-ngiangu lai nu wàlana i Makiru amana i Nggiliatu-ha.

²⁴Ba nameti-ka i Hehirungu, i Kalipu anana na-kanoma-ya i Epuràtu na pameti wàruna na amana. Na anada mini nyuda Ahuru-ya na tamuna; nyunaka na ma-pahada-nya na paraingu la Takua.

²⁵I Yerameyilu kawunga anana i Hehirungu ningu malima-ha da anana mini: i Ràmu na ma-maaya dehi, hàla i Mbuna, i Oringu, i Ohimu dàngu i Ahia.

²⁶I Ràmu ningu dua haàtu-da da anana mini: i Maàhu, i Yamingu dàngu i Ekiru. I Yerameyilu ningu papaha haàtu-na, Atara-ya na tamuna; da-ngalangu haàtu anada mini, Onàmu-ya na tamuna.

²⁷

²⁸Da anana mini i Onàmu dadua: i Hamai dàngu i Yanda. I Hamai-mbu ningu madua-ha da anana mini, i Nandàpu dàngu i Ambihuru.

²⁹I Ambihuru na-kanoma-ya i Ambihaïlu, da-ngalangu madua anada mini; i Àhambàngu dàngu i Molitu.

³⁰I Nandàpu ayana i Ambihuru ningu madua-mahai duna da anana mini, i Helitu dàngu i Apaïmu, na nyuna i Helitu nameti dàngu nda ningu anana mini.

³¹I Apaïmu amana i Yihei, i Yihei amana i Hehàngu, dàngu i Hehàngu amana i Àhalai.

³²I Yanda anguna paluhu i Hamai ningu madua-ha da anana mini, i Yetiru dàngu i Yunatàngu. Tàka i Yetiru nameti dàngu nda ningu anana mini.

³³I Yunatàngu ningu madua-ha da anana mini, i Pelitu dàngu i Haha. Nyuda mbuu ndàbada wàlana i Yerameyilu-ha.

³⁴I Hehàngu nda ningu anana mini, jia-aha da anana kawini. Na atana na tau Mehiru i Yàraha,

³⁵na-papohu-nya na haàtu na anana. Nyuda da-ngalangu anada mini, Ataï-ya na tamuna.

³⁶Na walaku wàlana i Ataï lundu tàka lai Elihama, tuna nu na pa-ndutungu-da: I Ataï I Natàngu I Njambatu I Epulàlu I Ombitu I Yiahu I Aharia I Helihu I Elaha I Hihuma I Halumu I Yakàmuya I Elihama.

⁴⁰

⁴²I Kalipu angu dedina i Yerameyilu ningu anana mini, na ma-maaya dehi i Meha. I Meha amana i Hipu, i Hipu amana i Mareha, i Mareha amana i Hemburungu.

⁴³I Hemburungu ningu patuda da anana mini: i Kora, i Tapua, i Rekimu dàngu i Hema.

⁴⁴I Hema amana i Rahàmu. Na umbuku-na i Hema i Yòrukiamu. I Rekimu ayana i Hema, amana i Hamai-ya;

⁴⁵i Hamai amana i Maüngu-ya; tàka i Maüngu amana i Mbetu-Huru.

⁴⁶I Kalipu ningu kala wihina, i Epa-ya na tamuna. Da-ngalangu anada mini, tau madua haàtu-ha da ma-tamungu i Haràngu, i Moha dàngu i Nggahihu. I Haràngu ningumai duna anana mini, i Nggahihu-ya na tamuna. (

⁴⁷Na haàtu Yohundai-ya na tamuna, danomu da anana mini: i Renggimu, i Yotàmu, i Nggehàngu, i Pelitu, i Epa dàngu i Haàpu.)

⁴⁸I Kalipu ningu-maipa haàtu kala wihina, Maaka-ya na tamuna. Dàngu nyuna i Kalipu na-ngalangu tau madua anana mini: i Hembiru dàngu i Tiruhana;

⁴⁹tunaka nu hili paana-danyai tau madua anakeda mini: i Haàpu dàngu i Hewa. I Haàpu jia-duyaka na ma-pahada-nya na paraingu Màtumana, tàka i Hewa na ma-pahada-nya na paraingu Makambena dàngu Nggimbia. I Kalipu ningu haàtu anana kawini, Àkaha-ya na tamuna.

⁵⁰Yiada da ma-pandàkingu wàlana i Kalipu-mahai-pa: I Huru kawunga anana i Kalipu dàngu papaha-na na ma-tamungu i Epuràtu. I Hombàlu anana i Huru jia-yaka na ma-pahada-nya na paraingu Kiriyàtu-Yiaarimu.

⁵¹I Hàlama na ana padua wàda nyunaka na ma-pahada-nya na paraingu Mbetulehimu; tàka i Harepu na ana pa-tailu wàna na ma-pahada-nya na paraingu Mbetu-Nggandiru.

⁵²I Hombàlu na ma-pahada-nya na paraingu Kiriyàtu-Yiaarimu jia-yaka na boku la mangilu-na na tau Harowi, dàngu hawiangu na mangia-nya la Manuhutu,

⁵³tàka da boku la mangilu-da da kaliba - kalibaru da ma-ngiangu la Kiriyàtu-Yiaarimu, nu da kalibaru Yetiri, Puti, Humati dàngu Mihirai. (Da mangianya la paraingu Hora dàngu Ehitaülu ngia paweli-madanya da kalibaru nuda.)

⁵⁴I Hàlama na ma-pahada-nya na paraingu Mbetulehimu jia-yaka na boku la mangilu-da da tau Netopa, da tau Ataròtu-Mbetu-Yuàpu, dàngu da tau Njori, nu na hau welingu la dàmbu kalibaru da ma-ngiangu la Manàti.

⁵⁵Welingu la kalibaru Tirati, Himati dàngu Hukati da ma-ngiangu la paraingu Yambihu ningu tau mahupu pingu la pa-tulihu dàngu pahaleli-ha da huratu - huratu ma-mbàtingu. Nyuda tau Keni-ha da ma-papiti dàngu tau Rekàpu.