Read Kambera 1 LII NDAI 24 Bible Online

1 LII NDAI 24 - Kambera bible

1 LII NDAI 24

¹I Harungu dapatu da anana mini: i Nandàpu, i Ambihu, i Eliahàru dàngu i Itamàru. I Nandàpu dàngu i Ambihu dameti mangilu welingu la amada dàngu nda ningu anada. Jia-duyaka i Eliahàru dàngu i Itamàru da angu dedida hi wotuha paratu. Na-pabiwa-nja da wàlana i Harungu paraïna Ndautu la pamba - pamba pa-namatu-nya na wai ngerada. Nu ba pabiwa-nja da pambada jiaha i Handuku wàlana i Eliahàru dàngu i Ahimeliku wàlana i Itamàru da ma-pambapa dànya i Ndautu.

⁴Da wàlana i Itamàru pa-pabiwangu-ha la walu mbua pamba, tàka da wàlana i Eliahàru la hakambulu nomu mbua pamba, nadu la wàlana i Eliahàru dadangu da mini da ama bokulu la kuru uma.

⁵Rukuna ba ningu mapawai ngaba la Umana i MIRI dàngu maliku uru la huri lumungu nu la wàlana i Eliahàru hamangui la wàlana i Itamàru jia-duyaka ba pa-biwangu wai ngera hi wàngu paundi.

⁶Da wàlana i Eliahàru dàngu da wàlana i Itamàru da-pahilu - pahilungu ba dayila undi hàla hi tulihu-ha da tamuda paraï haàtu hakaratarihu na ma-tamungu Hamaya anana i Netaneyilu tau Lewi. Mbuu ndàbada nuda pawunda-ha la hangga hanganji dàngu panggawi-na, i Ratu Handuku, i Ahimeliku anana i Àpuyataru dàngu da ma-pairungu la kuru uma la kaloka ratu dàngu da ama bokulu kuru uma la kaloka tau Lewi.

⁷Yiada-ha da nomuru pandutungu-da la papawai ngera pa-namatu-nya na undi ndumada da dua kambulu patu pamba: 1. I Yoyaripu — 13. I Hupa 2. I Yandaya — 14. I Yehimbiapu 3. I Harimu — 15. I Mbilingga 4. I Haorimu — 16. I Imiru 5. I Màlakia — 17. I Hehiru 6. I Miyamingu — 18. I Hapihi 7. I Hakuhu — 19. I Patahia 8. I Ambia — 20. I Yahakialu 9. I Yehua — 21. I Yakingu 10. I Hakanya — 22. I Nggamulu 11. I Eliyahipu — 23. I Ndalaya 12. I Yakimu — 24. I Maahiya

¹⁹Da tamuda nuda da tau da-tulihu-ha tundunya na patanggu-da ba datama la Umana i MIRI dàngu ba da-paloku-ya na lumungu na pambàda pamàndu-na i Harungu, na boku la mangilu-da, pajàngapu-nya na pareta-na i MIRI, Ala Ihirailu.

²⁰Hinggilu-da nuda la wàla Lewi datamambupa da ama bokulu kuru uma da ma-pandutungu yiada: I Yehindeya, wàlana i Àmuràmu welingu la walaku wàlana i Humbailu; i Yihia, wàlana i Rehapia; i Yahàtu, wàlana i Yihàru, welingu la walaku wàlana i Halomutu; i Yeria, i Amària, i Yahahialu, dàngu i Yekamiamu da anana i Hemburungu tundunya na dedida; i Hamiru, wàlana i Uhialu welingu la walaku wàlana i Mika; i Hakaria, wàlana i Uhialu welingu la walaku wàlana Yihia angu dedina i Mika; i Màhali, i Muhi dàngu i Yaahia, wàlana i Marari.

²⁷I Yaahia dadua haàtu da anana mini: i Hohàmu, i Hakuru dàngu i Hipiri.

²⁸I Màhali dadua da anana mini da ma-tamungu i Eliahàru dàngu i Kihi. I Eliahàru nda ningu anana mini, tàka i Kihi haàtu-na na anana mini Yerameyilu-ya na tamuna.

³⁰Da anana mini i Muhi dua haàtu-da: i Màhali, i Endiru dàngu i Yirimutu. Nuda-haka da kuru uma - kuru uma la kabihu Lewi.

³¹Nu na pandutu - pandutungu-da la wai ngerada, nimbihu ama bokulu la kuru uma dàngu haàtu erina mini, dayila undi hama tuna na pawàda da angu dedida, nu da ngara ratu wàlana i Harungu. Nu ba yila undi hamata-mananja paraïna i Hanganji Ndautu, anguda i Handuku, i Ahimeliku lupa da ama bokulu la kuru umada da kalibaru ratu dàngu da kalibaru tau Lewi.