Read Kambera 1 LII NDAI 25 Bible Online

1 LII NDAI 25 - Kambera bible

1 LII NDAI 25

¹Ka ningu ma-pairu ngàndingu la lii lumu - lii lumungu, i Hanganji Ndautu dàngu da ngara liku uru tau Lewi dapindi-ha da kaliba - kalibaru Lewi yiada da ma-pandàkingu: i Ahawàpu, i Hemàngu dàngu i Yendutungu. Nyuda da-patanggu-nja la pa-patàka-nya na puluna i Ala ba parànja-nya malingu pambabu wàngu jungga, jungga lamba, dàngu kahàba. La pa-kapipi lii lumungu jàka nggàra pawàngu nimbihu-da pindi-danjaka yiada da pamba da ma-pa-ndàkingu:

²Da mapatu da anana mini i Ahawàpu: i Hakuru, i Yuhupu, i Netanya dàngu i Aharela. Na liku uruda nyuda jiaya i Ahawàpu, na ma-patàkangu lii welingu lai Ala, jàka na panduma-nja paraïna hanganji.

³Da manomu da anana mini i Yendutungu: i Nggandalia, i Heri, i Yahaya, i Himei, i Hahapia dàngu i Matiha. La kapipi-naha amada, da-patàka-nya na lii welingu lai Ala da-pakaria wànya malingu pambabu wàngu jungga ba dàngu lududa ludu wotungu dàngu ludu pamalangu-nya i MIRI.

⁴Da ma-hakambulu patu da anana mini i Hemàngu: i Mbukia, i Matanya, i Uhialu, i Hembuilu, i Yirimutu, i Hananya, i Hanani, i Eliata, i Nggindàliti, i Rumàmiti-Ehiru, i Yohimbikaha, i Maloti, i Hotiru dàngu i Mahahiutu.

⁵I Hemàngu jiaya na wunangu meha wikina na hanganji. I MIRI nawua-nya tau hakambulu mapatu anana mini hi jiaha ba tau madua haàtu-ha da anana kawini i Hemàngu, nadu ba mbàda ràndi-mana-nyaka paraïna i MIRI la pawua-nya nyuna na mandapu ama bokulu paràka patembi.

⁶Mbuu ndàbada da anana i Hemàngu da-palingu-ha da kahàba pambabu wàngu, da jungga dàngu da jungga lamba la kapipi-naha amada ba palaku karia-nya na lii lumungu la Umana i MIRI. I Ahawàpu, i Yendutungu dàngu i Hemàngu da-ngalangu wai ngerada pa-namatu-nya na pa-panduma-nanja paraina hanganji.

⁷Da tau dua kambulu mapatu anada mini dàngu da angu dedida mahupu pingu-maha ba pa-pandàmangu-ha la malingu pambabu wàngu. Nggubulu-da tau 288-ha.

⁸Ka pinya na pandàki - pandàkingu-da pa-palaku wai ngerada mbuu ndàbada dayila undi ka bidi tauya ka ma-kaweda-yakai, ka mambàda ndàmangu-ya ka mabidi papekangu-yakai.

⁹Nuda da tau 288 pa-pabiwangu-ha la dua kambulu patu pambada tundunya na kuru umada nimbihu-da. Nimbihu pamba da-maràngga tau 12 la kapipi-naha haàtu ma-kapipi. Tuna yiaka na pa-ndàkingu-da da tamuda katundu-nya na undi: 1. I Yuhupu welingu la kuru umana i Ahawàpu — 13. I Humbailu 2. I Nggandalia — 14. I Matiha 3. I Hakuru — 15. I Yeremutu 4. I Yirihu — 16. I Hananya 5. I Netanya — 17. I Yohimbikaha 6. I Mbukia — 18. I Hanani 7. I Yeharela — 19. I Maloti 8. I Yahaya — 20. I Eliata 9. I Matanya — 21. I Hotiru 10. I Himei — 22. I Nggindàliti 11. I Ahareyilu — 23. I Mahahiutu 12. I Hahapia — 24. I Rumàmiti-Ehiru