Read Kambera 1 LII NDAI 27 Bible Online

1 LII NDAI 27 - Kambera bible

1 LII NDAI 27

¹Na pa-paloku la pareta pa-hanganji Ihirailu dabata-ya paraï ama boku - ama bokulu la kuru uma dàngu da liku uru - liku uru la kalibaru dàngu da parawira - parawira. La nimbihu ndaungu la dalu hau wulangu hapamba-ya na ma-pawai ngera ba wàngu pahilu - pahilungu la pairu ngàndingu-na na haàtu kapala-da. Nimbihu pamba tau 24.000-ya danguna. Yiada-haka da tamuda da kapala pamba da ma-pawai ngera nduma hau wulangu: Kawunga wulangu: i Yahombàmu anana i Hàpundialu (nyuna angu kalibaru Perihu kabihu Yahunda). Wulangu padua wàna: i Ndondai, wàla Ahohi. I Mikilutu jiaya na wakilu-na. Wulangu tailu: i Mbanaya anana i Ratu Yuyanda; nyuna liku-uruda da “Parawira pa-katailungu” (i Amihambàtu na anana jiaya na wakilu-na). Wulangu patu: i Ahaïlu angu dedina i Yuàpu (na hiluna jiaya i Hambanja na anana). Wulangu lima: i Hàmuhutu, wàlana i Yiràhu. Wulangu nomu: i Ira anana i Ikihu, welingu la paraingu Takua. Wulangu pihu: i Helihu, wàlana i Epuraïmu welingu la paraing(...)

¹⁶Yiana-yaka na huratu tamuda da ina ama kabihu la banjaru Ihirailu: [Kabihu] — [Ina ama] Rumbingu — i Eliyehiru anana i Hikiri Hamiungu — i Hapaha anana i Maaka Lewi — i Hahapia anana i Kamuilu Harungu — i Handuku Yahunda — i Elihu, anguna paluhu i Hanganji Ndautu Ihakàru — i Omuri anana i Mikayilu Hembulungu — i Yihimaya anana i Ombanja Nàputali — i Yirimutu anana i Àharialu Epuraïmu — i Hohia anana i Ahanjia Manahi patama lodu Luku Yorundangu — i Yoilu anana i Pandaya Manahi pahunga lodu Luku Yorundangu — i Yindu anana i Hakaria Mbanyamingu — i Yaahialu anana i Àpuneru Ndàngu — i Àhaneyilu anana i Yerohàmu

²³I Hanganji Ndautu nda na-patumbu-a diha nggubulu (sensus) la honga tau mandedi dua kambulu ndauna, nadu ba mbàda ràndi-mana-nyaka paraïna i MIRI napa nabonja padanya na tau Ihirailu hama tuna kandunu la awangu.

²⁴I Yuàpu anana i Haruya na-pakiringu-maka làti padiha nggubulu, ba tuna nda na-palundu-anya, nadu i Ala ba nahuku-nya na tau Ihirailu, lumuna nuna na diha nggubulu. Jia-duyaka na danguda nyuda hi nda ninja daa la mbukuna i Hanganji Ndautu.

²⁵Yiana-yaka na huratu tamuda da ngara ma-paloku-ha da banda manguna na hanganji: Da nggundangu la uma hanganji dàngu la Yeruhali: i Ahamawitu anana i Andialu Da nggundangu la hambeli Yeruhali: i Yunatàngu anana i Uhia Da maràma woka: i Ehiri anana i Kalupu Da woka angguru: i Himei welingu la paraingu Rama Da ngia pa-pahàmu angguru: i Hambandi welingu la paraingu Hipumi Da pingi haitungu dàngu pingi kapilitu (la kambu palindi patama lodu): i Mbaàlu-Hanàngu welingu la paraingu Ngganderi Da ngia pa-pahàmu mina haitungu: i Yoàhu Da banda la Padangu Harungu: i Hitirai welingu la paraingu Harungu Da banda la lola - lolangu: i Hapàtu anana i Àtalai Ota: i Ombilu wàlana i Ihimailu Kalandai: i Yehindeya welingu la paraingu Maronutu Mbimbi dàngu kamàmbi: i Yahihu, tau Hàkari.

³²I Yunatàngu, anguna paluhu ama i Hanganji Ndautu, haàtu ma-madaü ma-manggàna mapingu-ya. Nyuna dàngu i Yahialu anana i Hàkumoni pa-pandumangu-ha ka papida nyudaha jàka nggàraha da papeka wànja da ana maràmba.

³³I Ahitopilu jiaya na ma-padaüngu la hanganji, hamana i Huhai na tau Àraki, jia na ma-padaüngu dàngu kandua angu eti-nanya.

³⁴Ba nameti-ka i Ahitopilu, nahilu-ya paraïna i Àpuyataru dàngu i Yuyanda anana i Mbanaya. Na ngora kanguhuru pabera jiaya i Yuàpu.