Read Kambera 1 LII NDAI 4 Bible Online

1 LII NDAI 4 - Kambera bible

1 LII NDAI 4

¹Da ma-pandàkingu yiada jia-haka hawiangu da wàlana i Yahunda: i Perihu, i Hehirungu, i Kàrami, i Huru dàngu i Hombàlu.

²I Hombàlu amana i Reaya-ya, i Reaya amana i Yahàtu-ya. I Yahàtu dadua da anana mini: i Ahumai dàngu i Lahàtu. Nyuda boku la mangilu-da da tau mangia-nya la paraingu Hora.

³Na anana mini i Kalipu na ma-maaya dehi dàngu i Epuràtu papaha-na jiaya i Huru. Da wàlana i Huru jia-haka da ma-pahada-nya na paraingu Mbetulehimu. I Etàmu, i Panuilu dàngu i Ehiru jia-duhaka da anana i Huru. I Etàmu tau madua haàtu-ha da anana, da tamuda i Yihireyilu, i Imàhu dàngu i Itumbàhu, dàngu haàtu-na na anana kawini na tamuna i Hahaleliponi. I Panuilu na ma-pahada-nya na paraingu Nggenduru tàka i Ehiru na ma-pahada-nya na paraingu Huha.

⁵I Àhuru na ma-pahada-nya na paraingu Takua dadua da papaha-na, i Hela dàngu i Naara.

⁶Welingu lai Naara na-ngalangu tau mapatu-ha da anana mini: i Ahuhàmu, i Hepiru, i Tameni dàngu i Ahatari.

⁷Lai Hela, i Àhuru na-ngalangu tau madua haàtu-ha da anana mini, nu i Heritu, i Yehohàru dàngu i Etanàngu.

⁸I Anupu dàngu i Hahumbemba jiaha da anana mini i Kohu boku la mangilu-na na kalibaru wàlana i Ahàruhilu anana i Harumu.

⁹Ninya na haàtu na tau mini, Yambihu[4]-ya na tamuna; nyuna parihi tembiya welingu la angu dedina. Hi na-patamu-nya Yambihu paraïna inana, nadu ba lalu mayila-ya na inana ba na-habola-nya.

¹⁰Ba tuna i Yambihu na-hamayangu lai Ala na palumu tau Ihirailu, “Dou Ala, pa-kanyuru àruka dàngu palera àrunya na tana ngabanggu. Mangga àrungga dàngu pamarau àruya na ura pàda ka àmbu ku-hambeta àruya,” wàna. I Ala duna na-pajàngapu-manya na pa-kamahi-na.

¹¹I Kalupu angu dedina i Huha ningu anana mini, Mehiru-ya na tamuna. Na anana i Mehiru jiaya i Etungu,

¹²tàka i Etungu dua haàtu-da da anana mini, i Mbetu-Rapa, i Pahia dàngu i Tahina. I Tahina na-pahada-nya na paraingu Nahàhu. Na wàlada da tau nuda nyuda da mandàdiku la paraingu Reka.

¹³I Kenàhu tau madua-ha da anana mini, i Otunialu dàngu i Haraya. I Otunialu tau madua-mahai duna da anana mini, i Hatàtu dàngu i Miaunutaï.

¹⁴Na anana i Miaunutaï, jiaya i Òpura. Na anana i Haraya jiaya i Yuàpu, na ma-pahada-nya la Lolangu Tau Pandoi. Mbuu ndàbana na ma-ngiangu la lolangu nuna bai tau pandoi-maha.

¹⁵I Kalipu anana i Yapuni tau madua haàtu-ha da anana mini: I Iru, i Ela dàngu i Naàmu. Na anana i Ela jiaya i Kenàhu.

¹⁶I Yahalileyilu ma-patuha da anana mini: i Hipu, i Hipa, i Tiriya dàngu i Ahareyilu.

¹⁷Da anana mini i Ehira dapatu: i Yetiru, i Meritu, i Epiru dàngu i Yalungu. I Meritu napiti-ya i Mbiha na anana kawini na hanganji Mehiru. Da-ngalangu haàtu anada kawini, i Miriyàmu-ya na tamuna, hi dadua da anada mini nu i Hamai dàngu i Yimbàhu. I Yimbàhu nyuna na ma-pahada-nya na paraingu Etimua. I Meritu napiti-mbu haàtu kawini welingu la kabihu Yahunda; da anada mini tau madua haàtu-ha: i Yeritu na ma-pahada-nya na paraingu Nggeduru, i Hembiru na ma-pahada-nya na paraingu Hoku; dàngu i Yekutialu na ma-pahada-nya na paraingu Hanua.

¹⁹I Hondia na-kanoma-ya na anawini-na i Nahàmu. Da wàlada nyuda jia-duhaka da boku la mangilu-da da kalibaru Nggàrimi dàngu kalibaru Maaka. Da kalibaru Nggàrimi da-ngiangu la paraingu Kahila, tàka da kalibaru Maaka da-engangu la paraingu Etimua.

²⁰I Himungu dapatu da anana mini: i Àmunungu, i Rina, i Mbenihanàngu dàngu i Tilungu. I Yihei dadua da anana mini: i Hohitu dàngu i Mbeni-Hohitu.

²¹Na haàtu welingu la anana i Yahunda na tamuna Hela-ya. Da wàlana jiaha yiada da ma-pandutungu: I Eru na ma-pahada-nya na paraingu Leka I Landa na ma-pahada-nya na paraingu Mareha Da kalibaru mapingu pa-tinungu tera linangu la paraingu Mbetu-Ahimbia-ha I Yokimu Da mangia-nya la paraingu Kohemba I Yoàhu I Haràpu na mapiti-ha da kawini Muapu[5] tàka la malamiri dabeli la Mbetulehimu. Na juru tamuda yiana pa-haleli welingu la pa-tulihu ndaiya.

²³Nyuda mbuu ndàbada mapipi kadihi dàngu mbàlu ndumana na hanganji-ha, hi da-ngiangu la paraingu Netaïmu dàngu Nggandera.

²⁴I Hamiungu tau malima-ha da anana mini: i Nemuilu, i Yamingu, i Yaripu, i Heràhu dàngu i Haulu.

²⁵Na anana i Haulu, I Halumu I Mipihàmu I Mihuma I Hamuilu I Hakuru I Himei.

²⁷I Himei tau dua kambulu madua-ha da anana: tau hakambulu manomu-ha da mini, hi danomu da kawini. Tàka na angu dedina i Himei hawutu-ada da anada. Da wàlana i Hamiungu nda hama dangu-ada da wàlana i Yahunda.

²⁸Lupa tomaya la rehina i Hanganji Ndautu, da wàlana i Hamiungu da-ngiangu la parai - paraingu: Mbiruhemba, Molanda, Hahàru-Hualu,

²⁹Mbiluha, Ehimu, Tolàtu,

³⁰Mbetuilu, Hòruma, Hikulàku,

³¹Mbetu-Marakambutu, Hàharu-Huhimu, Mbetu-Mbiri dàngu Haaraïmu.

³²Nyuda da-ngiangu-mbu la lima mbua pa-ngiangu hawiangu, nu la Etàmu, Aïngu, Rimungu, Tokingu dàngu Ahàngu,

³³dàngu la ana kota - kotaku la winggiru-da nuda da ngia pa-ngiangu-da lundu tàka la paraingu Mbaàlu la tubana ba hanggangu patama lodu pa-haritungu hu luru. Tuna nu na pa-tulihu na maninya la wàlana i Hamiungu na ngera ndalaru dedida dàngu na ngia pa-ngiangu-da.

³⁴Da ma-pandàkingu yiada jiaha da tamuda da ama bokulu kalibaru la kabihu Hamiungu: I Mahombàpu I Yamuliku I Yoha anana i Amanjia I Yoilu I Yiahu anana i Yuhipya (i Yuhipya anana i Haraya-ya, umbuku-na i Ahialu), I Eliyowinai I Yaakomba I Yehuhaya I Ahaya I Andialu I Yehimialu I Mbanaya I Njinja anana i Hipei (na walaku dedi welingu lai Hipei hanàhungu la bokuda jiaha: i Alungu, i Yandaya, i Himiri dàngu i Hamaya). Ba dabo - bonjangu-ka ba hapajia-ha ma-pakalembingu,

³⁹ka tanyàlangu-danyaka hanggangu la patama lodu lundu la lihina na paraingu Nggenduru la hau lolangu. La pahunga loduna na lolangu da-jàngapu maràda pa-rumbangu ma-kamboka dàngu na ma-lerangu ngia pangudu-da da banda. Àmangu jiaha da tau Hàmu duna làti da mangia-nya na ngabana lai nu ba dàngu mambiru-da.

⁴¹Ba ngaru-napa i Hihikia hanganji Yahunda nuda da wàlana i Hamiungu da-kangaburu-ya la Nggenduru. Da-weharu hàlaha da maü terada da mamangu paraingu dàngu da tau Miaunimu, hi dawàngga-ya na mangia-nya. Tunaka nu pa-engangu-danyaka lai nu nadu ba nadangu na maràda pa-rumbangu ndumada da bandada.

⁴²Ba da-pairu ngàndika da anana i Yihei, nu i Pelaha, i Niaria, i Rapaya dàngu i Uhialu, 500-ya na ha-paangu-da la kabihu Hamiungu da ma-haleli la Endumu la pahunga lodu.

⁴³Da-pameti mbutaha da tau Amaliku da ma-kanjepi, hi da-padaingu nyuda lai nu lundu lodu nàhu.