Read Kambera 1 LII NDAI 7 Bible Online

1 LII NDAI 7 - Kambera bible

1 LII NDAI 7

¹I Ihakàru dapatu da anana mini: i Tola, i Pua, i Yahupu dàngu i Himurungu.

²I Tola danomu da anana mini: i Uhi, i Rapaya, i Yerialu, i Yàhumai, i Yipuhàmu, dàngu i Hamuilu. Nyuda jiaha da ama bokulu la kuru uma la kalibaru-da Tola, dàngu na tanda hàlama-ha tau ba panjuri kaborangu-ha. Ba ngaru-napa na Hanganji Ndautu, da wàlada nyuda mbàda 22.600-daka.

³I Uhi haàtu mini na anana, Yihiràhaya-ya na tamuna. I Yihiràhaya dapatu da anana mini nu i Mikayilu, i Ombanja, i Yoilu dàngu i Yihia, nyuda ama bokulu-ha la kalibaru.

⁴Da papaha-da dàngu da anada datika padangu, hi lupa na wàlada nyuda peku pa-yemangu-da tau 36.000 mini maràka patama la ndihi tanatara.

⁵Tundunya na juru tamu na pawàngu, welingu la mbuu ndàba kuru uma la kabihu Ihakàru nggubulu-da 87.000-ya na mini jua na maràka patama la ndihi tanatara.

⁶I Mbanyamingu dadua haàtu-da da anana mini: i Mbela, i Mbikiru dàngu Yandiyaïlu.

⁷I Mbela dalima da anana mini: i Ehimbongu, i Uhi, i Uhialu, i Yirimutu dàngu i Iri. Nyuda ama bokulu kuru umaha la kalibaru-da nyuda, dàngu natanda hàlaha tau ba panjuri kaborangu-ha. La juru wàlada nyuda tau 22.034-ha da maràka patama la ndihi tanatara.

⁸I Mbikiru dahiwa da anana mini: i Hemira, i Yoàhu, i Eliyehiru, i Eliyowinai, i Omuri, i Yeremutu, i Ambia, i Anatutu dàngu i Alemitu.

⁹Ama bokulu kuru umaha nyuda la kalibaru-da Tundunya na juru wàlada na pawàngu, tau 20.200-ya na ràka matama la ndihi tanatara.

¹⁰I Yandiyaïlu haàtu-na na anana mini, Mbiluhàngu-ya na tamuna. I Mbiluhàngu dapihu da anana mini: i Yeuhu, i Mbanyamingu, i Ehutu, i Kanaana, i Njetangu, i Tàrihu dàngu i Ahihahàru.

¹¹Nyuda ama bokulu-ha la kuru uma la kalibaru-da nyuda dàngu patanda-maha ba panjuri kaborangu-ha. La juru wàlada nyuda ningu tau 17.200-ya na mini na maràka matama la ndihi tanatara.

¹²I Hupingu dàngu i Hupimu wàlana i Iru-ha. I Huhimu anana i Ndàngu-ya.[8]

¹³I Nàputali dapatu da anana mini: i Yahialu, i Ngguni, i Yehiru dàngu i Halumu. Nyuda umbuku-na i Mbiluha-ha.[9]

¹⁴I Manahi dàngu na kala wihina na kawini Aràmu dadua da anada mini: i Àharialu dàngu i Makiru. Na anana mini i Makiru jiaya i Nggiliatu.

¹⁵I Makiru nahimbu-nja papaha[10]-da i Hupingu dàngu i Hupimu. Na tamu papaha-na i Makiru Maaka-ya. Na anana i Makiru na padua wàna jiaya i Helapehatu. I Helapehatu nda ningua anana mini, kawini-a maningu.

¹⁶I Maaka papaha-na i Makiru na-paanangu tau madua-ha da mini da pa-patamungu i Perihu dàngu i Herihu; i Perihu dadua da anana mini da ma-tamungu i Ulàmu dàngu i Rekimu.

¹⁷I Ulàmu haàtu-na na anana mini na ma-tamungu Mbedangu. Nudaha da wàlana i Nggiliatu anana i Makiru umbuku-na i Manahi.

¹⁸Na anawini-na i Nggiliatu, na ma-tamungu Molikitu dadua haàtu-da da anana mini: i Ihihutu, i Ambiyehiru dàngu i Màhala.

¹⁹I Haminda tau mapatu-ha da anana mini: i Àhayàngu, i Hekimu, i Liki dàngu i Aniamu.

²⁰I Epuraïmu dadua haàtu da anana mini: i Hutela, i Ehiru, dàngu i Elàtu. Na ndalaru pa-ana umbukungu-na i Epuraïmu lai Hutela jiaha i Mberitu, i Tahàtu, i Elanda, i Tahàtu, i Njambatu, i Hutela. I Ehiru dàngu i Elàtu pa-pameti-haka ba da-patikingu pa-manganga banda tau memangu ka parai Nggàtu.

²²Na amada na-hawina-nja nda pira mbua lodu bia, hi lupa damai da angu dedina pa-pamanda-nya.

²³Tunaka nu nyuna i Epuraïmu hili angu-nanyaka na papaha-na, hi naworu ihina nuna na tau kawini, hi na-paana-nya na haàtu na anakeda mini, hi datunya tamuna Mbiria,[11] wàdanya, nadu ba jia na handuka na manggàna-ha nyuda.

²⁴I Epuraïmu ningu anana kawini haàtu, Haera wànanya na tamuna. Nyunaka na ma-pahada-nja da paraingu Mbetu-Horungu Mbara Luru dàngu Mbetu-Horungu Mbara Dia, lupa da paraingu Uha dàngu Haera.

²⁵Ninyaipa na haàtu na anana mini i Epuraïmu, Repa-ya na tamuna. Yiadaha da walaku dedida da wàlana i Repa: i Rehipu, i Tela, i Tahàngu,

²⁶i Landàngu, i Amihutu, i Elihama,

²⁷i Nungu, i Yuhua.

²⁸Na ngaba na pa-wuangu-ha ngia pa-ngiangu-da, jiaya piti welingu la Mbetilu lupa tàka la Naaràngu la pahunga lodu, dàngu Nggehiru la patama lodu lupa da ndeha la winggiru-da nuda da paraingu. La ngaba lai nu datama-mbu da paraingu Hikimu dàngu Aya, hamana-i da ndeha la winggiru-da.

²⁹Da wàlana i Manahi da kuaha-ha da paraingu Mbetu-Hiangu, Taanàku, Manggi-ndu, Ndòru dàngu da ndeha la winggiru-da. Nudaha mbuu ndàbada da ngia pa-ngiangu-da da wàlana i Yuhupu anana i Yakupu.

³⁰Yiada da ma-pandàkingu jiaha da wàlana i Ahiaru. Nyuna dapatu da anana mini: i Yimuna, i Yiwàhu, i Yiwihu, i Mbiria dàngu na haàtu na anana kawini, Hera-ya na tamuna.

³¹I Mbiria dadua da anana mini: i Hembiru dàngu i Màlakialu, ma-pahada-nya na paraingu Mbiruhaitu.

³²I Hembiru dadua haàtu da anana mini: i Yàpulitu, i Homiru, i Hotàmu dàngu na haàtu na anakeda kawini, Hua-ya na tamuna.

³³I Yàpulitu dua haàtu-mbuda da anana mini: i Paha, i Mbimuhàpu dàngu i Àhawàtu.

³⁴I Homiru anguna paluhu i Yàpulitu, dapatu da anana mini: i Ahi, i Ronggàhu, i Yahumba dàngu i Aràmu.

³⁵I Hotàmu[12] na angu paluhu haàtu-na i Yàpulitu, dapatu-mai da anana mini: i Hopa, i Yimuna, i Helihu, dàngu i Amàlu.

³⁶Da wàlana i Hopa jiaha: i Huwàhu, i Hàranepiru, i Huwàlu, i Mberi, i Yimura,

³⁷i Mbehiru, i Hòtu, i Hama, i Hiliha, i Yituràngu dàngu i Mbaera.

³⁸Da wàlana i Yetiru jiaha i Yapuni, i Pipàhu dàngu i Ara.

³⁹Da wàlana i Ula jiaha i Aràhu, i Hanialu dàngu i Rihuya.

⁴⁰Nudaha da wàlana i Ahiaru. Nyuda mbuu ndàbada ama bokulu-ha la kuru umada dàngu patanda-ha ba ma-kaborangu matoru mbeniha dàngu ma-pairungu mangia ditaha. La juru wàlana i Ahiaru ningu tau 26.000-ya na mini na maràka patama la ndihi tanatara.