Read Kambera 1 LII NDAI 9 Bible Online

1 LII NDAI 9 - Kambera bible

1 LII NDAI 9

¹Mbuu ndàbada da tau Ihirailu pa-tulihu-maha la huratu juru watu umada nimbihu-da. Nuna nu pa-tulihu-maya maya la Mbukuda da Hanganji Ihirailu. Ba jia na hukungu rukuda da njalada, na rayatu Yahunda pa-palaungu-ha la ngia pa-wàrungu-ha.

²Welingu lai nyuda da mamangi - ngilu pabeli la tana manguda la parai - paraingu, jiaha da tau dangu, da ratu, da tau Lewi dàngu da tau ma-paloku la Umana i MIRI.

³Hawiangu welingu la kabihu Yahunda, Mbanyamingu, Epuraïmu dàngu Manahi dabeli-ha hi da-ngiangu la Yeruhali.

⁴Ningu 690 kuru umaya welingu la kabihu Yahunda na ma-ngiangu la Yeruhali, papohu-nja da wàla wuada da anana i Yahunda da ma-tamungu Perihu, Hiyela dàngu i Heràhu. Da wàlana i Perihu na ma-pairungu i Utaï. Na walaku dedina i Utaï welingu lai nyuna hanàhungu la bokuda tuna yia: Utaï, Amihutu, Omuri, Imiri dàngu i Mbani. Da wàlana i Hiyela na ma-pairungu i Ahaya. Nyuna na ama bokulu la kuru umada. Da wàlana i Heràhu na ma-pairungu i Yeuwilu.

⁷Da tau kabihu Mbanyamingu da ma-ngiangu la Yeruhali ningu 956 kuru umaya. Da ama bokulu la kuru umada: I Halu anana i Mahulàmu, umbuku-na i Haundauya, pandua umbuku-na i Hahinua I Yipunia anana i Yerohàmu I Ela anana i Uhi, umbuku-na i Mikiri I Mahulàmu anana i Hapaha, umbuku-na i Rehuilu, pandua umbuku-na i Yipunia.

¹⁰Da ratu da ma-pandutungu yiada da-ngiangu la Yeruhali: I Yandaya, i Yuyaripu dàngu i Yakingu I Aharia anana i Hilikia, da boku la mangilu-na jiaha i Mahulàmu, i Handuku, i Marayutu dàngu i Ahitupu. (I Aharia jiaya na ngora panggawi la Umana i MIRI.) I Andaya anana i Yerohàmu, da boku la mangilu-na jiaha i Pàhuru dàngu i Màlakia. I Mahai anana i Andialu; da boku la mangilu-na jiaha i Yahera, i Mahulàmu, i Mehilemitu, i Imiru.

¹³Da ngara ratu da maama bokulu kuru uma, mbuu ndàbada tau 1.760-ha. Nyuda damàhi hàla la màtu - màtu paràma la Umana i MIRI.

¹⁴Da tau Lewi da ma-pandutungu yiada da-ngiangu la Yeruhali: I Hamaya anana i Hahupu; da boku la mangilu-da jiaha i Àharikàmu dàngu i Hahapia welingu la kalibaru Marari I Mbàkumbakàru, i Herihu dàngu i Nggalàlu I Matanya anana i Mika; da boku la mangilu-da jiaha i Hikiri dàngu i Ahawàpu I Ombanja anana i Hamaya, da boku la mangilu-da jiaha i Nggalàlu dàngu i Yendutungu I Mberikia anana i Aha, umbuku-na i Elikana, nyuna ngiangu-na la ngaba paraingu Netopa.

¹⁷Da mamangga-nya na Umana i MIRI da ma-ngiangu la Yeruhali dàngu kuru umada jiaha: i Akupu, i Tàlumungu, i Ahimàngu dàngu i Halumu na ngora manggangu.

¹⁸Lundu la lodu nàhu da tau welingu la kalibaru-da nyuda pa-patanggu-nja padaiya na Pindu Bokulu Hanganji[16] la pahunga lodu. Àmangu da tau welingu la kalibaru-da nyuda da matanggu daiha da pindu bokulu da ma-hanggangu la kotaku maü tera tau Lewi.

¹⁹Na pa-patanggungu la padaiya na pindu tama la Maüna i MIRI jia-duyaka i Halumu angu ndàbada da tau welingu la kalibaru-na nyuna, nu na kalibaru Kora. (I Halumu anana i Kori-ya umbuku-na i Epuyahàpu.) Àmangu da bokuda nyudamai da mangera-nya nuna na patanggu-da, ba jiaya na paloku-da la ngia pamaü-na i MIRI.

²⁰Pineha anana i Eliahàru — mili àru i MIRI-ka namangga-nya! — ba ndedipa, nyuna-maka na mairu ngàndiha nyuda.

²¹I Hakaria anana i Mihilimia madai pindu bokulu Maüna i MIRI-mbuya nyuna.

²²Mbuu ndàbada da papindi la padaiha da pindu bokulu tau 212-ha. Ba tulihu-ha da tamuda pa-namatu-nja da ndeha ngia pa-ngiangu-mada. Da boku la mangilu-da ma-katangu matungu numaha ba nawua-nja paraïna Hanganji Ndautu dàngu na Wunangu Hamuilu.

²³Piti welingu numaka nyuda dàngu da wàlada daingu-mada ba dadai pindu bokulu Umana i MIRI.

²⁴Patuda da pindu: na hau la mbara dia, na hau la mbara luru, na hau la pahunga lodu dàngu na hau la patama lodu. La nimbihu-da da pindu ninguma haàtu tau Lewi manjadi ngora manggangu.

²⁵Da angu dedida da ma-ngiangu la ndeha - ndeha, dapahi - hilungu pandula-ha nyuda — handàkangu la dalu hau minggu.

²⁶Tàka da tau mapatu ngora manggangu pa-daingu-mada pa-pawai ngaba. Papi ndàbada nyudaha da rowa - rowa la Umana i MIRI dàngu da banda da malanja pa-pàhamu lai nu.

²⁷Nyuda da-ngiangu la lihi Umana i MIRI, nadu ba lupangu-ma nyuda dadaiya nuna na uma dàngu la pa-bunggahu-ha da pindu bokulu-na nimbihu mbaru.

²⁸Papida da tau Lewi hawiangu-ha da pakaka - pakakahu da pawàngu ba lumungu. Nyuda da madiha-ha ba paluhu-ha dàngu ba pabeli-nja.

²⁹Hawiangui nyudaka da mapinja da kanai - kanaingu pa-lumungu wàngu ha-manai da kanguta, angguru, mina haitungu, kaminyangu, hamangui da rungu.

³⁰Tàka la ngera pa-haüru-nja da rungu papida da ratu - ratuha duda.

³¹Na mapinja na ngera pandoi tanda marakau pa-handarangu[17] jiaya na haàtu na tau Lewi, na ma-tamungu Matiha, kawunga anana i Halumu welingu la kalibaru Kora.

³²Da tau welingu la kalibaru Kehàtu jiaha da ma-pinja pa-paloku-ha da roti pa-payemangu[18] ndumana i MIRI la hau lodu - hau lodu Hangahu.

³³Hawiangu da tau Lewi jiaha-ka da ma-pawai ngaba patanggu ludu la Umana i MIRI. Da ama bokulu kuru umada da-ngiangu la ku - kurungu la Umana i MIRI. Nda pawua-anjapa hili hangia wai ngera nadu ba rudungu loduma na ndihida.

³⁴Nyuda da pambàda tiki la mangilu jiaha da ama bokulu kuru uma la kabihu Lewi pa-namatu-nya na walaku dedida. Nyuda jiahaka da liku uru ma-ngiangu la Yeruhali.

³⁵I Yeyilu na-pahada-nya na paraingu Nggimbiungu, hàla hi na-ngiangu lai nu. Na papaha-na Maaka-ya na tamuna,

³⁶tàka na anana na ma-maaya dehi Àpundongu-ya na tamuna. Hawiangu da tamuda i Huru, i Kihi, i Mbaàlu, i Neru, i Nandàpu,

³⁷i Nggenduru, i Ahiu, i Hakaria dàngu i Mikulutu,

³⁸amana i Himia. Da wàlada nyuda ngiangu-da la Yeruhali, angu ndàbada da kuru uma hawiangu da angu kalibaru-da.

³⁹Na amana i Hanganji Haulu, Kihi-ya na tamuna, tàka na bokuna Neru-ya. I Haulu patuda da anana mini: i Yunatàngu, i Màlikihua, i Ambinandapu dàngu i Ehimbaàlu.[19]

⁴⁰I Yunatàngu ningu anana mini, i Merimbaàlu[20]-ya, amana i Mika.

⁴¹I Mika dapatu da anana mini: i Pitungu, i Meliku, i Tàharia dàngu i Ahàhu.

⁴²Na anana i Ahàhu, Yuandaya na tamuna, dadua haàtuda da anana mini: i Alemitu, i Àhamawitu dàngu i Himuri. Na walaku dedina i Himuri jiaha i Moha,

⁴³i Mbina, i Rapa, i Elaha dàngu i Ahilu.

⁴⁴I Ahilu danomu da anana mini: i Àharikàmu, i Mbòkuru, i Ihimailu, i Heàraya, i Ombanja dàngu i Hanàngu.